ເນື່ອງໃນໂອກາດວັນສ້າງຕັ້ງ ສປປ ລາວ ຄົບຮອບ 50 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີໃນປີ 2025 ຫຼາຍພາກສ່ວນບຸກຄົນກໍໄດ້ອອກມາສະແດງຄວາມຮູ້ສຶກຂອງຕົນຕໍ່ວັນສຳຄັນດັ່ງກ່າວທີ່ເຫັນໄດ້ການພັດທະນາຂອງປະເທດຊາດຕະຫຼອດ 50 ປີຜ່ານມາ ພນຍໃຕ້ການຊີ້ນໍາ-ນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ.
ທ່ານ ຄຳຫຼ້າ ດວງພະສຸກ ປະທານບໍລິສັດ ດວງພະສຸກກໍ່ສ້າງສ້ອມແປງຂົວ-ທາງ ເຄຫາສະຖານ ແລະ ຊົນລະປະ ທານ ຈຳກັດຜູ້ດຽວ ໄດ້ໃຫ້ສຳພາດວັນທີ 28 ພະຈິກ 2025 ວ່າ: ຂ້າພະເຈົ້າໃນນາມຕາງໜ້າບໍລິສັດກໍຄືຜູ້ຜູ້ປະກອບການຜູ້ໜຶ່ງເຫັນວ່າຕະຫຼອດ 50 ປີຜ່ານມາ ປະ ເທດຊາດໄດ້ເຕີບໃຫຍ່ຂະ ຫຍາຍຕົວ ແລະ ພັດທະນາຂຶ້ນຢ່າງບໍ່ຢຸດຢັ້ງ ໂດຍສະເພາະກ່ຽວກັບແນວທາງນະໂຍບາຍຂອງພັກ-ລັດໃນແຜນການພັດທະນາເສດຖະກິດ-ສັງຄົມກໍຄືການພັດທະນາຫັນປ່ຽນຕາມແນວທາງນະໂຍບາຍຂອງພັກໃນໄລຍະໃໝ່ນັ້ນ ພັກລັດໄດ້ນໍາພາປະຊາຊົນຫຼຸດພົ້ນອກຈາກຄວາມທຸກຍາກເທື່ອລະກ້າວ ສະແດງອອກການສ້າງສາພັດທະນາປະເທດຊາດໃນໄລຍະໃໝ່ພັກລັດໄດ້ເອົາໃຈໃສ່ຕໍ່ການພັດທະນາພື້ນຖານໂຄງລ່າງເຮັດໃຫ້ຊີວິດການເປັນຢູ່ຂອງປະຊາຊົນນັບມື້ໄດ້ຮັບການແກ້ໄຂປັບປຸງດີຂຶ້ນເລື້ອຍໆ ຄວາມໝັ້ນຄົງປ້ອງກັນກັນຊາດ-ປ້ອງກັນຄວາມສະຫງົບມີສະຖຽນລະພາບ ທາງດ້ານການເມືອງມີຄວາມສະຫງົບໂດຍພື້ນຖານ ດ້ານວັດທະນະທຳ-ສັງຄົມໄດ້ຂະຫຍາຍຕົວຢ່າງກວ້າງຂວາງ ໂດຍສະເພາະສາທາລະນະສຸກ ແລະ ການສຶກສາ ໄດ້ພັດທະນາຂຶ້ນເປັນກ້າວໆ ນອກ ຈາກນີ້ພັກລັດຍັງໄດ້ຫັນປ່ຽນການພັດທະນາໂດຍຫຼາຍຮູບຫຼາຍສີໃນການພັດທະນາສ້າງສາປະເທດຊາດ ເພື່ອເຮັດໃຫ້ປະຊາຊົນຢູ່ດີກິນດີ ເຊິ່ງສະແດງອອກການພັດທະ ນາໃນໄລຍະໃໝ່ເຫັນວ່າຫຼາຍວຽກງານຫຼາຍຂະແໜງການມີການການກ້າວໜ້າຢ່າງກ້າວກະໂດດຂັ້ນເປັນຕົ້ນສະແດງອອກເສັ້ນທາງຄົມມະນົນາຄົມຂົນທາງບົກທາງອາກາດ ມີທາງລົດໄຟລະດັບສາກົນ ແລະ ມີທ່າງວດ່ວນໄດ້ເປັນໃບໜ້າໃໝ່ທີ່ບໍ່ເຄີຍມີມາໃນປະຫວັດສາດຂອງຊາດລາວເຮົາ ເປັນໂຄງການທີ່ທຽບອັນດັບອາຊຽນກໍຄືລະດັບໂລກເປັນການເອກອ້າງທະນົງໃຈ ຍ້ອນພັກ-ລັດເຮົາໄດ້ເອົາໃຈໃສ່ຕໍ່ກັບການພັດທະນາສ້າງສາປະເທດຊາດທັງໝົດນີ້ຍ້ອນພັກລັດຍາມໃດກໍເຫັນໄດ້ຄວາມສຳຄັນຕໍ່ຊີວິດການເປັນຢູ່ຂອງປະຊາຊົນຢ່າງບໍ່ຢຸດຢັ້ງ ນອກຈາກນີ້ແລ້ວພັກລັດຍັງວໄດ້ເອົາໃຈໃສ່ພົວພັນຮ່ວມມືກັບສາກົນຢ່າງກວ້າງວຂວາງ ແລະ ເຮັດໃຫ້ການຮ່ວມມືໄດ້ຮັບການພັດທະນາລະດັບສາ ກົນປະເທດລາວເຮົາຢືນຢູ່ໃນເວທີຂອງໂລກ ເປັນການສະ ແດງເຖິງຜົນງານ ແລະ ຄຸນງາມຄວາມດີສະຫຼາດສ່ອງໃສຂອງພັກ-ລັດ ໂດຍພາຍໃຕ້ການຊີ້ນໍາ-ນໍາພາຂອງພັກປະ ຊາຊົນປະຕິວັດລາວເປັນແກນນໍາພວກເຮົາສາມາດຕັດສິນໄດ້ທຸກໄຊຊະນະເປັນກ້າວໆມາ ນີ້ແມ່ນຜົນງານອັນຍິ່ງໃຫຍ່ ແລະ ຜົນງານອັນລໍ້າເລີດເອກອ້າງທະນົງໃຈຂອງປວງຊົນລາວທັງຊາດຕະຫຼອດ 50 ປີຜ່ານມາ.
ສຳລັບບໍລິສັດ ດວງພະສຸກກໍ່ສ້າງ ຈຳກັດຜູ້ດຽວຂອງຂ້າ ພະເຈົ້າໃນຕະຫຼອດຜ່ານມາໄດ້ເອົາໃຈໃສ່ເຮັດໜ້າທີ່ຂອງຕົນເຂົ້າໃນການປະກອບສ່ວນສ້າງສາພັດທະນາປະເທດ ຊາດ ໂດຍສະເພາະວຽກງານກໍ່ສ້າງພື້ນຖານໂຄງລ່າງ ບໍລິ ສັດໄດ້ໄວ້ວາງໃຈໃຫ້ຮັບເໝົາກໍ່ສ້າງໂຄງການປະຫວັດສາດມີຜົນສຳເລັດເປັນຕົ້ນໂຄງການກໍ່ສ້າງອະນຸສອນສະຖານກອງຮ້ອຍລາດຊະວົງຈຸດປະກາດສ້າງຕັ້ງກອງຮ້ອຍລາດຊະວົງກໍຄືກອງທັບປະຊາຊົນລາວຢູ່ເມືອງຊຽງຄໍ້ ແຂວງຫົວພັນສຳເລັດ ໂຄງການການກໍ່ສ້າງອະນຸສອນບັ້ນຮົບນໍ້າບາກຢູ່ເມືອງນໍ້າບາກ ແຂວງຫຼວງພະບາງ ແລະ ໂຄງການກໍ່ສ້າງອະ ນຸສອນສະຖານສີທອງວິລະຊົນແຫ່ງຊາດລາວຄົນທຳອິດຢູ່ບ້ານາຫອຍປັງ ເມືອງສັງທອງ ນະຄອນຫຼວງວຽງຈັນ ຈັດ ຕັ້ງປະຕິບັດສຳເລັດໄລຍະ 1 ປັດຈຸບັນສືບຕໍ່ກະກຽມໄລຍະ 2 ນອກຈາກນີ້ບໍລິສັດຍັງເຮັດໂຄງການກໍ່ສ້າງຂະໜາດນ້ອຍ ກາງ ແລະ ໃຫຍ່ໃນຂອບເຂດທົ່ວປະເທດສຳເລັດຫຼາຍກວ່າ 60 ໂຄງການ ແລະ ຈະສືບຕໍ່ປະກອບສ່ວນໃນການສ້າງສາພັດທະນາປະເທດຊາດຕໍ່ໄປເລື້ອຍໆ.
ໃນໂອກາດວັນສະຖານປານາ ສປປ ລາວ ຄົບຮອບ 50 ປີກໍຄືວັນສຳຄັນຂອງພັກຂອງຊາດ ຂ້າພະເຈົ້າໃນນາມຕາງ ໜ້າບໍລິສັດ ຜູ້ປະກອບການ ແລະ ໃນນາມປະຊາຊົນລາວຜູ້ໜຶ່ງອວຍພອນໄຊມາຍັງການນໍາພັກ-ລັດ ຕະຫຼອດເຖິງພະນັກງານ ນັກຮົບ ແລະ ປະຊາຊົນບັນດາເຜົ່າຈົ່ງມີສຸຂະ ພາບເຂັ້ມແຂງຈົ່ງພ້ອມກັນກ້າວເດີນຕາມຄັນທຸງໄຊ ຫຼື ແນວທາງຂອງພັກເຮົາ ແລະ ພ້ອມກັນປະກອບສ່ວນສຸມທຸກສະຕິປັນຍາຄວາມຮູ້ຄວາມສາມາດເພື່ອສ້າງສາພັດທະ ນາປະເທດຊາດກໍຄື ສປປ ລາວເຮົາໃຫ້ກ້າວໜ້າຮຸ່ງເຮືອງທັນສະໄໝທຽບທັນກັບປະເທດອື່ນໆເພື່ອນມິດໃນໂລກ.