ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ວັນທີ 2 ທັນວາ ເປັນວັນແຫ່ງສັງກາດໃໝ່ທີ່ມີຄວາມສຳຄັນທີ່ສຸດໃນປະຫວັດສາດຂອງຊາດລາວ ຕະ ຫຼອດໄລຍະແຫ່ງການຕໍ່ສູ້ກູ້ຊາດຕ້ານຈັກກະພັດລ່າເມືອງຂຶ້ນໃນຫຼາຍທົດສະວັດຜ່ານມາ ພາຍໃຕ້ການນຳພາອັນສະຫຼາດສ່ອງໃສຂອງພັກໄດ້ເຮັດໃຫ້ຄົນລາວ ຊາດລາວມີຜືນແຜ່ນດິນອັນຄົບຖ້ວນ ມີເອກະລາດ ມີອຳນາດອະທິ ປະໄຕ ເປັນຂອງຕົນເອງຢ່າງສົມບູນ ໃນວັນທີ 2 ທັນວາ 1975 ເຊິ່ງວັນດັ່ງກ່າວມີຄວາມສຳຄັນຕໍ່ປວງຊົນລາວທັງຊາດ ພ້ອມທັງເປັນນິມິດໝາຍອັນສຳຄັນຕໍ່ບັນດາປະຊາ ຊາດໃນທົ່ວໂລກ ເພາະການຕໍ່ສູ້ຍາດເອົາໄຊຊະນະຂອງປະ ຊາຊົນລາວບັນດາເຜົ່າທີ່ມີພັກນຳພາສາມາດປົດປ່ອຍປະ ເທດຊາດ ແລະ ໂຄດລົ້ມລະບອບຣາຊາທິປະໄຕ ແບບບົວບໍ່ຊໍ້າ ນໍ້າບໍ່ຂຸນ ໝາຍຄວາມວ່າ ການສະຖາປະນາ ສປປ ລາວ ໃນວັນທີ 2 ທັນວາ 1975 ໄດ້ປະກອບສ່ວນສຳຄັນໃຫ້ແກ່ສັນຕິພາບໂລກ.
ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດໃຫ້ສຳພາດໃນວັນທີ 28 ພະຈິກ 2025 ວ່າ ຈຸດເລີ່ມຕົ້ນຂອງການສ້າງສາພັດທະນປະເທດຊາດແມ່ນຢູ່ໃນຈຸດຕໍ່າສົມຄວນ ກ່ອນປີ 1975 ປະເທດລາວມີອຸດ ສາຫະກຳປະມານ 3 ແຫ່ງ ພະລັງໄຟຟ້າມີພຽງ 1 ໂຄງການ ປະຊາຊົນກືກໜັງສືກວມອັດຕາສ່ວນສູງ ອັດຕາຄວາມທຸກຍາກຂອງປະຊາຊົນສູງຫຼາຍ ພື້ນຖານໂຄງລ່າງຍັງບໍ່ໄດ້ຮັບການພັດທະນາຍ້ອນ ສປປ ລາວຕົກຫົວເມືອງຂຶ້ນຂອງຈັກກະພັດຕ່າງດ້າວຫຼາຍທົດສະວັດ.
ພາຍຫຼັງປະເທດຊາດໄດ້ຮັບການປົດປ່ອຍໃນວັນທີ 2 ທັນ ວາ 1975 ພາຍໃຕ້ການນຳພາຂອງພັກກໍໄດ້ມີສ້າງສາພັດ ທະນາຕະຫຼອດມາ ມາຮອດປີ 2025 ພໍດີຄົບຮອບ 50 ປີ ສາມາດເວົ້າໄດ້ວ່າປະເທດຊາດມີການພັດທະນາຫຼາຍພໍສົມຄວນເປັນຕົ້ນການແກ້ໄຂຄວາມທຸກຍາກຂອງປະຊາ ຊົນ ການສຶກສາເຮັດໃຫ້ປະຊາຊົນກວມປະມານ 90% ຮູ້ໜັງສື ນອກຈາກນີ້ພື້ນຖານໂຄງລ່າງກໍໄດ້ຮັບການພັດທະ ນາ ອຸດສະຫະກຳມີການຂະຫຍາຍຕົວ ການພັດທະນາຂະ ແໜງການໄຟຟ້າຫຼາຍຂຶ້ນ ປະຊາຊົນຫຼາຍກວ່າ 90% ໄດ້ຊົມໃຊ້າໄຟຟ້າ ພ້ອມນັ້ນ ຖະໜົນຫົນທາງກໍໄດ້ພັດທະນາດີຂຶ້ນເປັນກ້າວໆມາ.ນອກຈາກນັ້ນການພົວພັນກັບຕ່າງປະເທດນັບກໍມື້ຫຼາຍຂຶ້ນ ມາຮອດປັດຈຸບັນ ສປປ ລາວໄດ້ມີສາຍພົວພັນການທູດກັບ 151 ປະເທດ ມີສາຍພົວພັນກັບພັກການເມືອງ 145 ພັກ ຈາກ 82 ປະເທດ ຮ່ວມມືກັບ 3 ອົງການຈັດຕັ້ງສາກົນ ແລະ ພາກພື້ນຂອງພັກການເມືອງໃນໂລກມີ 20 ສະມາຄົມມິດຕະພາບກັບຕ່າງປະເທດ ແລະ 1 ຄະນະສັນຕິພາບ ແລະ ສາມັກຄີລາວກັບຕ່າງປະ ເທດ ມີສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ 41 ແຫ່ງ ໃນນັ້ນມີສະຖານເອກອັກຄະລັດຖະທູດ 27 ແຫ່ງ ສໍານັກງານຜູ້ຕາງໜ້າຖາວອນ 3 ແຫ່ງ ສະຖານກົງສຸນໃຫຍ່ 10 ແຫ່ງ ແລະ ຫ້ອງການກົງສຸນ 1 ແຫ່ງ ມີກົງສຸນກິດຕິມະສັກຂອງ ສປປ ລາວ ຢູ່ຕ່າງປະເທດ 24 ແຫ່ງ ໃນ 18 ປະເທດ ແລະ ກົງສຸນກິດຕິມະສັກຂອງຕ່າງປະເທດຢູ່ ສປປ ລາວ 18 ແຫ່ງ.