ເປີດບໍລິການແລ້ວ! ຮ້ານ ເຈ ມາດ ( J Mart ) ສາຂາເກົ້າລ້ຽວ ຕັ້ງຢູ່ບ້ານເກົ້າລ້ຽວ ເມືອງສີໂຄດຕະບອງ ນະຄອນຫຼວງ ວຽງຈັນ ນໍາຄວາມສະດວກສະບາຍໃນການຊອກຊື້ສິນຄ້າຄຸນນະພາບ ລາຄາປະຢັດ ທັງຜູ້ຢູ່ໃກ້ ແລະ ໄກ.
J Mart ສາຂາເກົ້າລ້ຽວ ໄດ້ເປີດຢ່າງເປັນທາງການ ໃນວັນທີ 22 ເດືອນ 12 ປີ 2023 ໂດຍການເຂົ້າຮ່ວມຂອງ ທ່ານ ບຸນມີໄຊ ກອງພາມີ ຮອງຫົວໜ້າຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າ ນະຄອນຫຼວງວຽງຈັນ ມີທ່ານ ນາງ ຖາວອນ ວົງສົມບັດ ປະທານ ກຸ່ມຄຸນຄ່າຂອງກົນລະຍຸດ ບໍລິສັດໂຄລາວ ທ່ານ ນາງ ປະພາວະດີ ກຸວະສານ ຜູ້ອໍານວຍການ ບໍລິສັດ J Mart ແລະ KOKKOK M ຈໍາກັດ ທ່ານ ສຸພາພົງ ຈັນປຸ່ນ ຜູ້ອໍານວຍການຝ່າຍຮ້ານຄ້າ ແລະ ບໍລິຫານຫ້ອງການ J Mart ແລະ KOKKOK M ທ່ານ ຄົມກິດ ຄົງສະກຸນ ຜູ້ອໍານວຍການຝ່າຍການຄ້າ J Mart ແລະ KOKKOK M ທ່ານ ທອງພັນ ເພັດລໍາພັນ ນາຍບ້ານເກົ້າລ້ຽວ ພ້ອມດ້ວຍບັນດາແຂກຖືກເຊີນຫຼາຍພາກສ່ວນເຂົ້າຮ່ວມ.
ຮ້ານ ເຈ ມາດ ສາຂາເກົ້າລ້ຽວ ເປັນອີກໜຶ່ງສະຖານບໍລິການທີ່ເນັ້ນຄວາມສົດ ແລະ ໄດ້ມາດຕະຖານ ໂດຍມີສິນຄ້າຫຼາກຫຼາຍລາຍການວາງຈໍາໜ່າຍສະບາຍເລືອກ ທັງປະເພດອາຫານສົດ ອາຫານສໍາເລັດຮູບ ເຄື່ອງໃຊ້ໃນຄົວເຮືອນ ເຄື່ອງສໍາອາງ ແລະ ປະເພດຂອງຫວານຕ່າງໆ ເວົ້າໄດ້ວ່າທັງສິນຄ້າອຸປະໂພກ ບໍລິໂພກ ມີຄົບຈົບໃນເຈມາດ ຕອບສະໜອງຄວາມສະດວກສະບາຍແກ່ນັກເດີນທາງທີ່ຜ່ານຈຸດ ຫຼື ບໍລິເວນດັ່ງກ່າວ ແລະ ພໍ່ແມ່ປະຊາຊົນຊາວນະຄອນຫຼວງວຽງຈັນ ທີ່ຢູ່ໃກ້ໄດ້ແວ່ຊື້ ແລະ ໃຊ້ບໍລິການ ບໍ່ວ່າຈະເປັນຍາມເຊົ້າ, ຍາມສວາຍ ແລະ ຍາມແລງໄປໄດ້ທຸກເມື່ອຕາມຄວາມສະດວກຂອງທ່ານ.
ສະຖານບໍລິການ ເຈ ມາດ ທຸກສາຂາ ລ້ວນເປັນສູນລວມສິນຄ້າຄຸນນະພາບມາດຕະຖານດຽວກັນ ແທດ ເໝາະກັບຍຸກປັດຈຸບັນ ທີ່ໃຜໆກໍຕ້ອງການດ້ານຄວາມສະດວກວ່ອງໄວ ແລະ ປອດໄພໃນການບໍລິໂພກ ເຊິ່ງ J Mart ເປັນອີກໜຶ່ງສະຖານບໍລິການທີ່ຕອບໂຈດ ຄວາມຕ້ອງການ ສ້າງຄວາມສະດວກ ແລະ ເປັນທີ່ເຊື່ອໝັ້ນໄດ້ສະເໝີ.
