ໂທລະໂຄ່ງ ແມ່ນເປັນອີກອຸປະກອນສຳຄັນໃນການໂຄສະນາເຜີຍແຜ່ຂໍ້ມູນຂ່າວສານໃນຊຸມຊົນ ຮາກຖານບ້ານ ເພື່ອໃຫ້ພໍ່ແມ່ປະຊາຊົນເຂົ້າເຖິງຂໍ້ມູນຂ່າວສານດ້ານຕ່າງໆ ໂດຍສະເພາະໃນໄລຍະທີ່ມີການລະບາດຂອງໂຄວິດ-19 ໂຄລະໂຄ່ງ ໄດ້ເປັນປັດໄຈສຳຄັນຕໍ່ການໂຄສະນາສຸຂະສຶກສາເພື່ອຄວບຄຸມ ປ້ອງກັນ ແລະ ແກ້ໄຂການລະບາດຂອງພະຍາດດັ່ງກ່າວ ເພື່ອໃຫ້ປະຊາຊົນຮັບຮູ້ເຖິງຜົນຮ້າຍ ແລະ ຄວາມອັນຕະລາຍຂອງ ໂຄວິດ-19 ແລະ ຜົນດີຂອງການສັກວັດຊີນປ້ອງກັນ ໂຄວິດ-19 ແລະ ຂໍມູນຂ່າວສານດ້ານສາທາລະນະສຸກອື່ນໆ ເຊິ່ງສາມາດເວົ້າໄດ້ວ່າ ໂທລະໂຄ່າງ ມີຜົນປະໂຫຍດຕໍ່ກັບສຸຂະພາບໃນຊຸມຊົນ.
ທ່ານ ດວງ ຄົງທົນ ນາຍບ້ານຄໍາບິ ໃຫ້ສຳພາດໃນໂອກາດສື່ມວນຊົນຈາດສູນກາງ ເຄື່ອນໄຫວເກັບກຳຂໍ້ມູນກ່ຽວກັບການສັນວັກຊີນປ້ອງກັນໂຄວິດ-19 ແລະ ຕິດຕາມການນຳໃຊ້ໂທລະໂຄ່ງ ລຳໂພງ ແລະ LCD ຢູ່ແຂວງສາລະວັນ ເມື່ອບໍ່ດົນຜ່ານມາ ວ່າ: ບ້ານຄຳບິງ ຂຶ້ນກັບເມືອງຄົງເຊໂດນ ແຂວງສາລະວັນ ມີ 196 ຫຼັງຄາເຮືອນ ມີປະຊາກອນທັງໝົດ 1.036 ຄົນ ຍິງ 625 ຄົນ ໃນໄລຍະຜ່ານມາອຳນາດການແກຄອງບ້ານໄດ້ເອົາໃຈໃສ່ຢ່າງຕັ້ງໜ້າເຂົ້າໃນວຽກງານໂຄສະນາສຸຂະສຶກ ເພື່ອເຜີຍແຜ່ຂໍ້ມູຂ່າວສານດ້ານສາທາລະນະສຸກໃຫ້ພໍ່ແມ່ປະຊາຊົນໄດ້ເຂົ້າໃຈ ໂດຍສະເພາະໃນໄລຍະການລະບາດຂອງໂຄວິດ-19 ທາງອຳນາດການປົກຄອງບ້ານ ໄດ້ສົມທົບກັບໂຮງໝໍນ້ອຍ ກໍຄື ຫ້ອງການສາທາລະນະສຸກເມືອງ ລົງເຜີຍອຜ່ຜົນຮ້າຍ ແລະ ຄວາມອັນຕະລາຍຂອງໂຄວິດ-19 ພ້ອມນັ້ນຍັງໄດ້ເຜີຍອຜ່ມາດຕະການຕ່າງໆຕາມແຈ້ງການຂອງຄະນະສະເພາະກິດເພື່ອປ້ອງກັນ ຄວບຄົມ ແລະ ແກ້ໄຂການລະບາດຂອງໂຄວິດ-19 ຜ່ານໂທລະໂຄ່ງບ້ານ ເຮັດໃຫ້ປະຊາຊົນຮູ້ເຖິງຜົນຮ້າຍ ແລະ ຄວາມອັນຕະລາຍຂອງພະບາດດັ່ງກ່າວ.
ຈາກການເອົາໃຈໃສ່ໃນການໂຄສະນາເຜີຍແຜ່ຂໍ້ມູນຕ່າງໆ ເຮັດໃຫ້ປະຊາຊົນມີຄວາມຕື່ນຕົວເຂົ້າຮ່ວມຂະບວນສັກວັກຊີນປ້ອງກັນໂຄວິດ-19 ເຊິ່ງການສັກວັດຊີນແມ່ນທາງໂຮງໝໍນ້ອຍໄດ້ເດີນທາງລົງມາສັດເຖິງບ້ານ ມາດຮອດປັດຈຸບັນປພຊາຊົນໃນເກນອາຍຸແມ່ນໄດ້ຮັບວັກຊີນເກືອບ 100% ເຂັມ 1-2 ແລະ ເຂັມກະຕຸ້ນທີ 1 ແມ່ນສຳເລັດ ສ່ວນເຂັມກະຕຸ້ນທີ 2 ແມ່ນໄດ້ປະມານ 80% ຄວາມວ່າທ້າຍປີ 2022 ນີ້ແມ່ນຈະສູ້ຊົນໃຫ້ປະຊາຊົນເຂົ້າຮັບວັກຊີນປ້ອງກັນໂຄວິດ-19 ໃຫ້ໄດ້ 100%.
ຜົນສຳເລັດທີ່ກ່າວມານັ້ນ ແມ່ນຍ້ອນໄດ້ຮັບໂທລະໂຄ່ງທີ່ທາງສາທາລະນະສຸກ ໄດ້ນຳມາມອບໃຫ້ ເຊິ່ງໄດ້ຮັບການສັບໜັບສະໜູນຈາກອົງການ Unicef ເຮັດໃຫ້ພໍ່ແມ່ປະຊາຊົນໄດ້ເຂົ້າເຖິງຂໍ້ມູນຂ່າວສານດ້ານສາທາລະນະສຸກຫຼາຍຂຶ້ນ ແລະ ຍັງໄດ້ຮັບຂໍ້ມູນຂ່າວສານດ້ານຕ່າງໆຕື່ມອີກ.
ທ່ານ ສອນ ຈໍາປານຸວົງ ນາຍບ້ານ ບ້ານໃໝ່ນ້ຳປະກັນ ເມືອງຫີນບູນ ແຂວງຄຳມ່ວນໃຫ້ສຳພາດໃນໂອກາດສື່ມວນຊົນຈາດສູນກາງ ເຄື່ອນໄຫວເກັບກຳຂໍ້ມູນກ່ຽວກັບການສັນວັກຊີນປ້ອງກັນໂຄວິດ-19 ແລະ ຕິດຕາມການນຳໃຊ້ໂທລະໂຄ່ງ ລຳໂພງ ແລະ LCD ຢູ່ແຂວງຄຳມ່ວນ ເມື່ອບໍ່ດົນຜ່ານມາວ່າ: ບ້ານໃໝ່ນ້ຳປະກັນ ມີພົນລະເມືອງທັງໝົດ 450 ຄົນ ຍິງ 235 ຄົນ ສຳລັບການກ້ອງກັນ ຄຸ້ມຄອງ ແລະ ແກ້ໄຂການລະບາດຂອງໂຄວິດ-19 ພາຍໃນບ້ານ ອຳນາດການປົກຄອງບ້ານໄດ້ເອົາໃຈໃສ່ໃນການເຜີຍແຜ່ຂໍ້ມູນຂ່າວສານດ້ານສາທາລະສຸກ ໂດຍສະເພາະຜົນຮ້າຍ ຄວາມອັນຕະລາຍຂອງພະຍາດດັ່ງກ່າວ ແລະ ຜົນດີຂອງວັກຊີນໃນການປ້ອງກັນການແຜ່ລະບາດຂອງພະຍາດດັ່ງກ່າວ ແນໃສ່ສ້າງຄວາມໝັ້ນໃຈໃຫ້ພໍ່ແມ່ປະຊາຊົນ.
ຜ່ານການເອົາໃຈໃສ່ຕໍ່ວຽກງານດັ່ງກ່າວ ເຮັດໃຫ້ປະຊາຊົນພາຍໃນບ້ານຜູ້ທີ່ຢູ່ໃນເກນໄດ້ຮັບວັກຊີນ ປັດຈຸບັນປະຊາຊົນໄດ້ສັກເຂັມສອງສຳເລັດແລ້ວ 70% ພ້ອມນັ້ນກໍໄດ້ສືບຕໍ່ໂຄສະນາ ປຸກລະດົມປະຊາຊົນເຂົ້າຮ່ວມຂະບວນສັດວັກຊີນ ເຂັມ 1-2 ໃຫ້ສຳເລັດ ໄປພ້ອມໆກັບປຸກລະດົມຜູ້ທີ່ມີເງື່ອນໄຂໄດ້ຮັບເຂັມກະຕຸ້ນເຂົ້າຮັບວັກຊີນ.
ສຳລັບໂທລະໂຄ່ງທີ່ໃຊ້ເຂົ້າໃນການໂຄສະນາສຸຂະສຶກສານັ້ນ ແມ່ນໄດ້ຮັບຈາກສາທາລະນະສຸກເມືອງ ທີ່ໄດ້ຮັບການສະນັບສະໜູນຈາກອົງການ Unicef ເຮັດໃຫ້ພໍ່ແມ່ນປະຊາຊົນເຂົ້າເຖິງຂໍ້ມູນຂ່າວສານດ້ານສາທາລະນະສຸກຫຼາຍຂຶ້ນ ແຕ່ຢ່າງໃດກໍຕາມ ເນື່ອງຈາກບ້ານໃໝ່ນ້ຳປະກັນ ມີເນື້ອທີ່ກວ້າງສົມຄວນ ເຮັດໃຫ້ການເຜີຍແຜ່ຜ່ານໂທລະໂຄງຍັງບໍ່ທົ່ວເຖິງ ດັ່ງນັ້ນຈຶ່ງຂໍສະເໜີທາງອົງການ Unicef ສືບຕໍ່ໃຫ້ການຊ່ວນເຫຼືອໂທລະໂຄ່ງຕື່ມອີກ ເພື່ອເຮັດໃຫ້ຂໍ້ມູຂ່າວສານໄປທົ່ວເຖິງພໍ່ແມ່ປະຊາຊົນ ເພື່ອສາມາດປຖກລະດົມປະຊາຊົນເຂົ້າໃນຂະບວນການສັກວັກຊີນໃຫ້ບັນລຸໂຕເລກຄາດໝາຍ.
ການລົງເກັບກຳຂໍ້ມູນຂອງສື່ມວນຊົນຈາດສູນກາງ ກ່ຽວກັບການສັນວັກຊີນປ້ອງກັນໂຄວິດ-19 ແລະ ຕິດຕາມການນຳໃຊ້ໂທລະໂຄ່ງ ລຳໂພງ ແລະ LCD ນຳໂດຍສູນສື່ສານເພື່ອສຸຂະພາບ ແລະ ສຸຂະສຶກສາ ກະຊວງສາທາລະນະສຸກ ໂດນໄດ້ຮັບດານສະໜັບສະໜູນຈາກອົງການ Unicef.