ບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈຳກັດ ປະກອບສ່ວນສົມທົບໜ້າກາກປ້ອງກັນໃບໜ້າແບບເປັນຢາງໃສ່ 3.000 ອັນ ໃຫ້ກະຊວງສາທາລະນະສຸກ ວັນທີ 28 ພຶດສະພາທີ່ຜ່ານມາ ເພື່ອຊ່ວຍເຫຼືອພະນັກງານສາທາລະນະສຸກແຖວໜ້າ ທີ່ມີບົດບາດສຳຄັນໃນການຕອບໂຕ້ກັບການລະບາດຂອງພະຍາດ COVID-19 ໃນລາວ ເຊິ່ງມອບໂດຍທ່ານ ວຽງວາດສະໜາ ວົງທອງຈິດ ຫົວໜ້າຝ່າຍການຕະຫຼາດບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈຳກັດ ແລະ ຮັບໂດຍທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ວຽງວາດສະໜາ ວົງທອງຈິດ ກໍໄດ້ກ່າວວ່າ: ໃນຖານະທີ່ເປັນຜູ້ໃຫ້ປະກັນໄພຊັ້ນແນວໜ້າໃນອາຊີ ພຣູເດັນໂຊລ໌ ມີຄວາມມຸ່ງໝັ້ນໃນການປົກປ້ອງສຸຂະພາບ ແລະ ຄວາມເປັນຢູ່ທີ່ດີຂອງບຸກຄົນ ຄອບຄົວ ແລະ ຊຸມຊົນ ບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈຳກັດ ມີຄວາມຍິນດີທີ່ໄດ້ຮ່ວມມືກັບກະຊວງສາທາລະນະສຸກ ໃນການປົກປ້ອງ ແລະ ສະໜັບສະໜູນພະນັກງານສາທາລະນະສຸກແຖວໜ້າ ໃນຄວາມພະຍາຍາມຢ່າງບໍ່ຮູ້ອິດເມື່ອຍໃນການປົກປ້ອງປະຊາຊົນລາວ ແລະ ຕ້ານການລະບາດຂອງພະຍາດ COVID-19.
# ຂ່າວ & ພາບ: ສະບາໄພ