ຊາຍທີ່ມີຖານະເປັນຜົວ 2 ຄົນ ໄດ້ມານັ່ງແລກປ່ຽນກ່ຽວກັບຄວາມຮູ້ສຶກຂອງຕົນ ໃນເວລາເມຍພວມເບັ່ງລູກອອກ ແລະ ວ່າພວກຕົນໄດ້ຊ່ວຍເມຍຫຍັງແດ່.
ຜູ້ທີໜຶ່ງ: “ເວລາເມຍເຮົາເບັ່ງລູກອອກນັ້ນ ເຮົາຊ່ວຍນາງປະດຸງຄັນຢ່າງໃກ້ຊິດ ເຮົາໂຈມແຂນທັງສອງເບື້ອງຂອງເມຍ ທັງເວົ້າໃຫ້ກຳລັງໃຈ… ສ່ວນນາງປະດຸງຄັນນັ້ນເອົາທາງເບື້ອງລຸ່ມ !”.
ຜູ້ທີສອງ: “ເຮົາຫັ້ນຮູ້ສຶກຮ້ອນໆຮົນໆປານຖືກໄຟລົນ ເຫື່ອໄຫຼອາບໂຕ ຕອນນາງປະດຸງຄັນບອກໃຫ້ເມຍເຮົາວ່າ ເບັ່ງ ເບັ່ງ ເບັ່ງແຮງໆຫັ້ນ ເຮົາເອງກໍເລີຍຫຼົງເບັ່ງໄປຕາມນາງເມຍ ເພາະອີ່ຕົນລາວແຮງ ພໍລູກເຮົາປະຫຼຸດອອກ ເຮົາກໍຮູ້ສຶກວ່າເຮົາມີແນວປະຫຼຸດອອກຄືກັນ ແຕ່ແປກທີ່ບໍ່ມີສຽງ ອະແງ ອະແງ ຄືລູກທີ່ເມຍເຮົາເບັ່ງອອກ !”.
ໂດຍ: ບ່າວກະບື