ກອງປະຊຸມໃຫຍ່ ຄັ້ງທີ II ຂອງຄະນະພັກຮາກຖານສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ (ຜທ) ຈັດຂຶ້ນວັນທີ 26 ພຶດສະພາ 2020 ໂດຍເປັນປະທານຂອງສະຫາຍ ສະໄໝຈັນ ບຸບຜາ ຫົວໜ້າສູນສະຖິຕິແຫ່ງຊາດ ມີສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ຜທ ພ້ອມສະຫາຍຮອງເລຂາຄະນະບໍລິຫານງານພັກ ຄະນະປະຈຳພັກ ຄະນະບໍລິຫານງານພັກ ຕາງໜ້າໜ່ວຍພັກ ສະມາຊິກພັກສົມບູນ ແລະ ສຳຮອງເຂົ້າຮ່ວມ.
ໃນກອງປະຊຸມ ສະຫາຍ ສະໄໝຈັນ ບຸບຜາ ໄດ້ຂຶ້ນຜ່ານຮ່າງບົດລາຍການເມືອງທັງ 2 ພາກ ຕະຫຼອດໄລຍະ 5 ປີຜ່ານມາ (2014-2019) ຄະນະພັກຮາກຖານສູນສະຖິຕິແຫ່ງຊາດໄດ້ເອົາໃຈໃສ່ນຳພາ ແລະ ສຶກສາອົບຮົມແນວຄິດການເມືອງໃຫ້ແກ່ສະມາຊິກພັກ-ພະນັກງານ ພາຍໃນຄະນະພັກຮາກຖານຢ່າງເປັນປະຈຳ ເພື່ອເຊື່ອມຊຶມບັນດາແນວທາງນະໂຍບາຍຂອງພັກ ໄດ້ມີການຊຸກຍູ້ໃຫ້ມີການຄົ້ນຄວ້າ ແລະ ຮ່ຳຮຽນມະຕິຕ່າງໆຂອງພັກທີ່ວາງອອກໃນແຕ່ລະໄລຍະ ໄດ້ເອົາໃຈໃສ່ດຳເນີນຊີວິດການເມືອງບັ້ນປົວແປງພາຍໃນພັກກາງປີ 2017 ແລະ ປະເມີນຄືນຜົນການຈັດຕັ້ງຜັນຂະຫຍາຍບັ້ນປົວແປງພັກໃນປີ 2018 ເປີດກວ້າງການຕຳນິກໍ່ສ້າງຊ່ວຍເຫຼືອເຊິ່ງກັນ ແລະ ກັນ ໄດ້ນຳພາ ແລະ ຊີ້ນຳທຸກການເຄື່ອນໄຫວຂອງພັກຮາກຖານຕາມພາລະບົດບາດທີ່ຮັບຜິດຊອບ ໄດ້ປະສານສົມທົບກັບສາມອົງການຈັດຕັ້ງມະຫາຊົນຢ່າງແໜ້ນແຟ້ນ ໃນການຊຸກຍູ້ຂະບວນການພາຍໃນ ແລະ ພາຍນອກ.
# ຂ່າວ & ພາບ: ຊິລິການດາ