ພິທີປິດບັ້ນເຝີກອົບຮົມຫັດແອບທະຫານໃໝ່ ປະຈຳປີ 2021 ຂອງກອງພັນ 512 ທີ່ຂຶ້ນກັບກອງບັນຊາການທະຫານນະຄອນຫຼວງວຽງຈັນ (ນວ) ໄດ້ຈັດຂຶ້ນວັນທີ 3 ພຶດສະພາ 2022 ຢູ່ກອງພັນດັ່ງກ່າວ ໂດຍເປັນປະທານຂອງທ່ານ ພັນເອກ ບຸນວານ ພົມມະວົງ ຫົວໜ້າການທະຫານ ກອງບັນຊາການທະຫານ ນວ ມີຄະນະພັກ-ຄະນະບັນຊາ ພ້ອມດ້ວຍອ້າຍນ້ອງທະຫານໃໝ່ 74 ສະຫາຍເຂົ້າຮ່ວມ.
ທ່ານ ພັນຕີ ບຸນເພັງ ອຸ່ນຄຳ ຫົວໜ້າການທະຫານ ກອງພັນ 512 ໄດ້ຂຶ້ນຜ່ານບົດສະຫຼຸບຕີລາຄາຜົນການອົບຮົມທະຫານໃໝ່ ເຊິ່ງຜ່ານການຈັດຕັ້ງອົບຮົມໃນໄລຍະ 90 ວັນຜ່ານມາ ເຫັນວ່າ ຄະນະພັກ-ຄະນະບັນຊາທຸກຂັ້ນ ຕະຫຼອດຮອດພະນັກງານຄູອາຈານ ແລະ ພາກສ່ວນທີ່ກ່ຽວຂ້ອງ ໄດ້ມີຄວາມເປັນເອກະພາບເອົາໃຈໃສ່ດ້ວຍຄວາມຮັບຜິດຊອບສູງ ຕໍ່ການຄຸ້ມຄອງບັນຊາຢ່າງໃກ້ຊິດຕິດແທດກັບບັນດານັກຮຽນທະຫານໃໝ່ໃນຊຸດນີ້ ເພື່ອເຮັດໃຫ້ເຂົາເຈົ້າມີຄວາມຕື່ນຕົວຕັ້ງໜ້າປະຕິບັດຕາມມະຕິຄຳສັ່ງ ຂໍ້ກຳນົດ ກົດລະບຽບຂອງກອງທັບ ກໍຄືຂໍ້ກຳນົດຂອງກອງພັນ 512 ວາງອອກຢ່າງເຂັ້ມງວດ ເຮັດໃຫ້ເຂົາເຈົ້າມີຄວາມຕື່ນຕົວ ກະຕືລືລົ້ນ ເອົາໃຈໃສ່ໃນການຄົ້ນຄວ້າຮ່ຳຮຽນ ແລະ ເຂົ້າໃຈຢ່າງເລິກເຊິ່ງ ສາມາດກຳໄດ້ທິດສະດີ-ຫຼັກການ ແລະ ພາກປະຕິບັດຕົວຈິງເປັນຢ່າງດີ ຈາກການຈັດຕັ້ງປະຕິບັດດັ່ງກ່າວ ສາມາດຕີລາຄາຜົນໄດ້ຮັບຂອງການຝຶກອົບຮົມ-ຫັດແອບທະຫານໃໝ່ຄື: ຂັ້ນເກັ່ງຂອງວິຊາການເມືອງ 24 ສະຫາຍ ເທົ່າກັບ 34,43% ວິຊາລະບຽບ-ກິລາກາຍະກຳ 18 ສະຫາຍ ເທົ່າກັບ 24,32% ວິຊາສິນລະປະຍຸດ 31 ສະຫາຍ ເທົ່າກັບ 41,89% ວິຊາຍຸດທະວິທີ 27 ສະຫາຍ ເທົ່າກັບ 36,48% ວິຊາພະລາທິການ-ເຕັກນິກ 25 ສະຫາຍ ເທົ່າກັບ 33,78% ຍິງລູກປືນແທ້ວິຊາສິນລະປະຍຸດ 29 ສະຫາຍ ເທົ່າກັບ 39,18% ຂັ້ນດີຂອງວິຊາການເມືອງ 30 ສະຫາຍ ເທົ່າກັບ 40,54% ວິຊາລະບຽບ-ກິລາກາຍະກຳ 52 ສະຫາຍ ເທົ່າກັບ 70,27% ວິຊາສິນລະປະຍຸດ 30 ສະຫາຍ ເທົ່າກັບ 40,54% ວິຊາຍຸດທະວິທີ 44 ສະຫາຍ ເທົ່າກັບ 59,45% ວິຊາພະລາທິການ-ເຕັກນິກ 42 ສະຫາຍ ເທົ່າກັບ 56,75% ຍິງລູກປືນແທ້ ວິຊາສິນລະປະຍຸດ 24 ສະຫາຍ ເທົ່າກັບ 32,43 % ຂັ້ນຄາດໝາຍຂອງວິຊາການເມືອງ 20 ສະຫາຍ ເທົ່າກັບ 27,02% ວິຊາລະບຽບ-ກິລາກາຍຍະກຳ 04 ສະຫາຍ ເທົ່າກັບ 5,40% ວິຊາສິນລະປະຍຸດ 13 ສະຫາຍ ເທົ່າກັບ 17,56% ວິຊາຍຸດທະວິທີ 3 ສະຫາຍ ເທົ່າກັບ 4,05% ວິຊາພະລາທິການ-ເຕັກນິກ 7 ສະຫາຍ ເທົ່າກັບ 9,45% ຍິງລູກປືນແທ້ວິຊາສິນລະປະຍຸດ 21 ສະຫາຍ ເທົ່າກັບ 28,27%.
ຈາກນັ້ນ ໃນພິທີ ພັນຕີ ໄດ້ມີການມອບໃບຢັ້ງຢືນການເຝີກອົບອົບໃຫ້ແກ່ທະຫານໃໝ່ ທີ່ຮຽນຈົບຫຼັກສູດ 3 ເດືອນຢ່າງສົມກຽດ.
# ຂ່າວ – ພາບ : ລັດເວລາ
)