ກະຊວງພາຍໃນ ຈັດພິທີສະຫຼຸບຫານເຄື່ອນໄຫວວຽກງານກຳມະບານປະຈຳປີ 2021 ແລະ ທິດທາງແຜນການປະຈຳປີ 2022 ປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 66 ປີ (1 ກຸມພາ 1956-1 ກຸມພາ 2022) ວັນກຳມະກອນສາກົນຄົບຮອບ 136 ປີ (1 ພຶດສະພາ 1886-1 ພຶດສະພາ 2022) ໃນວັນທີ 29 ເມສາ 2022 ທີ່ກະຊວງພາຍໃນ ເປັນກຽດປາຖະກະຖາໂດຍທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ ມີປະທານກຳມະບານກະຊວງ ຫົວໜ້າກົມ ຮອງກົມ ຫ້ອງການ ແລະ ສະມາຊິກກຳມະບານເຂົ້າຮ່ວມ.
![](https://v2.vientianemai.net/wp-content/uploads/2022/04/278765565_530866135264797_7061522380095085592_n-1024x683.jpg)
ໃນພິທີ ທ່ານ ທອງຈັນ ມະນີໄຊ ໄດ້ຍົກໃຫ້ເຫັນປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງກະມະບານລາວ ນອກຈາກນັ້ນ ທ່ານ ຕ໋ອງ ພູມມີພັນ ປະທານສະຫະພັນກໍາມະບານກະຊວງພາຍໃນ ໄດ້ຜ່ານບົດສະຫຼຸບການເຄື່ອນໄຫວວຽກງານກໍາມະບານ ປະຈໍາປີ 2021 ແລະ ທິດທາງແຜນການ 2022 ໂດຍສະເພາະຜົນງານໄລຍະ 1 ປີຜ່ານມາ ຕອນທ້າຍຂອງກອງປະຊຸມ ໄດ້ມອບໃບຍ້ອງຍໍໃຫ້ສະມາຊິກກໍາມະບານທີ່ເຂົ້າຮ່ວມບໍລິຈາກເລືອດເພື່ອຊ່ວຍເຫຼືອສັງຄົມ ແລະ ລາຍງານຜົນການປະເມີນຂໍ້ແຂ່ງຂັນ 5 ເປັນເຈົ້າ ພ້ອມທັງມອບໃບຢັ້ງຢືນໃຫ້ສະຫະພັນກຳມະບານກະຊວງພາຍໃນ ເປັນສະຫະພັນກຳມະບານ 5 ເປັນເຈົ້າ ປະຈຳປີ 2021 ແລະ ມອບໃບການຢັ້ງຢືນກຳມະບານຮາກຖານ ແລະ ສະມາຊິກກຳມະບານ 5 ເປັນເຈົ້າ ປະຈຳປີ 2021.
![](https://v2.vientianemai.net/wp-content/uploads/2022/04/278986251_363156135763471_8026912890715987933_n-1024x683.jpg)
# ຂ່າວ – ພາບ : ອົ່ນ ໄຟສົມທອງ