ປັດຈຸບັນ ສະພາບການລະບາດເຊື້ອພະຍາດໂຄວິດ-19 ໃນຫຼາຍປະເທດ ລວມທັງບັນດາປະເທດອ້ອມຂ້າງຂອງ ສປປ ລາວ ຍັງມີລາຍງານຜູ້ຕິດເຊື້ອໃໝ່ ແລະ ເສຍຊີວິດໃໝ່ສູງໃນແຕ່ລະວັນ ແລະ ສາຍພັນທີ່ກຳລັງລະບາດກໍຍັງແມ່ນສາຍພັນໂອມິຄຣອນ ເຊິ່ງເປັນສາຍພັນທີ່ສາມາດຕິດຕໍ່ໄດ້ໄວທີ່ສຸດ ດັ່ງນັ້ນ ພວກເຮົາຍັງຕ້ອງໄດ້ຕິດຕາມເຝົ້າລະວັງສະພາບການລະບາດຂອງພະຍາດຢ່າງໃກ້ຊິດ.
ສຳລັບ ສປປ ລາວ ກໍຍັງມີລາຍງານຜູ້ຕິດເຊື້ອໃນແຕ່ລະວັນ ພ້ອມດຽວກັນ ກໍເຫັນວ່າຕົວເລກລາຍງານຜູ້ຕິດເຊື້ອໃໝ່ໃນປະເທດກໍແມ່ນເພີ່ມຂຶ້ນກ່ອນງານສະຫຼອງບຸນປີໃໝ່ລາວ ພສ 2565 ຈາກຫຼັກຮ້ອຍ ເຂົ້າສູ່ຕົວເລກຫຼັກພັນ ພາຍຫຼັງສິ້ນສຸດບຸນປີໃໝ່ລາວ ເຊິ່ງປັດໄຈທີ່ສຳຄັນກໍແມ່ນມາຈາກການສະຫຼອງບຸນປີໃໝ່ລາວ ພາຍໃນຄອບຄົວ ແລະ ຊຸມແຊວກັນເປັນກຸ່ມຂອງໝູ່ເພື່ອນຍາດຕິພີ່ນ້ອງ.
ຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ລາຍງານກ່ຽວກັບສະພາບການລະບາດຂອງເຊື້ອພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະຍາດໂຄວິດ-19 ໃນທົ່ວໂລກ ປະຈໍາວັນທີ 20 ເມສາ 2022 ທີ່ກະຊວງສາທາລະນະສຸກ. ໃນວັນທີ 19 ເມສາ 2022 ຜ່ານມາ ທົ່ວປະເທດໄດ້ກວດວິເຄາະຫາເຊື້ອພະຍາດໂຄວິດ-19 ທັງໝົດ 3.275 ຕົວຢ່າງ ໃນນັ້ນ ກວດພົບເຊື້ອຈຳນວນ 1.082 ຄົນ ເປັນການຕິດເຊື້ອພາຍໃນ 1.062 ຄົນ ແລະ ນໍາເຂົ້າ 20 ຄົນ ສຳລັບຜູ້ຕິດເຊື້ອພາຍໃນໃໝ່ໃນປະເທດຈຳນວນ 1.062 ຄົນ ມີລາຍລະອຽດດັ່ງຕໍ່ໄປນີ້:
- ນະຄອນຫຼວງວຽງຈັນ 726 ຄົນ
- ແຂວງວຽງຈັນ 44 ຄົນ
- ຫຼວງພະບາງ 43 ຄົນ
- ສະຫວັນນະເຂດ 38 ຄົນ
- ໄຊຍະບູລີ 36 ຄົນ
- ຫົວພັນ 33 ຄົນ
- ອຸດົມໄຊ 25 ຄົນ
- ອັດຕະປື 22 ຄົນ
- ຄຳມ່ວນ 19 ຄົນ
- ຜົ້ງສາລີ 17 ຄົນ
- ເຊກອງ ບໍລິຄຳໄຊ ແຂວງລະ 12 ຄົນ
- ຈຳປາສັກ ຊຽງຂວາງ ໄຊສົມບູນ ແຂວງລະ 8 ຄົນ
- ບໍ່ແກ້ວ 6 ຄົນ
- ແຂວງສາລະວັນ 5 ຄົນ
ສ່ວນການຕິດເຊື້ອນໍາເຂົ້າຈຳນວນ 20 ຄົນ ຈາກແຂວງຈໍາປາສັກ 10 ຄົນ ນະຄອນຫຼວງວຽງຈັນ 5 ຄົນ ສະຫວັນນະເຂດ 4 ຄົນ ແລະ ແຂວງຊຽງຂວາງ 1 ຄົນ ເຊິ່ງທັງໝົດໄດ້ເຂົ້າຈໍາກັດບໍລິເວນຕາມສະຖານທີ່ກໍານົດໄວ້ກ່ອນຈະກວດພົບເຊື້ອ. ປັດຈຸບັນ ຢູ່ສປປ ລາວ ມີຜູ້ຕິດເຊື້ອທັງໝົດ 202.514 ຄົນ ອອກໂຮງໝໍວັນທີ 19 ເມສາ 2022 ຈຳນວນ 169 ຄົນ ກຳລັງປິ່ນປົວ 1.784 ຄົນ ແລະ ເສຍຊີວິດທັງໝົດ 730 ຄົນ (ເສຍຊີວິດໃໝ່ 3 ກໍລະນີ ທັງໝົດຈາກນະຄອນຫຼວງວຽງຈັນ). ທົ່ວໂລກຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ ກໍລະນີຢັ້ງຢືນຕິດເຊື້ອທັງ ໝົດ 505.725179 ຄົນ (ໃໝ່ 562.769 ຄົນ) ເສຍຊິວິດ 6.227.044 ຄົນ (ໃໝ່ 1.955 ຄົນ) ປີ່ນປົວຫາຍດີ 457.648.414 ຄົນ (ໃໝ່ 1.131.768 ຄົນ)
.
# ຂ່າວ – ພາບ : ຊິລິການດາ