ວັນທີ 6 ເມສາ 2022 ທ່ານ ພັນເອກ ມາຍຫຽວ໋ກ ຫວຽດ ຮອງຫົວໜ້າການເມືອງກອງບັນຊາການທະຫານແຂວງຮາຕີ່ງ ສສ ຫວຽດນາມ ພ້ອມຄະນະ ໄດ້ນຳເອົາຂອງຂວັນຈຳນວນໜຶ່ງເຂົ້າອວຍພອນກອງບັນຊາການທະຫານນະຄອນຫຼວງວຽງຈັນ (ນວ) ໃນໂອກາດວັນບຸນປີໃໝ່ລາວ ພສ 2565 ເຊິ່ງທ່ານໄດ້ກ່າວສະແດງຄວາມອວຍພອນອັນປະເສີດ ແລະ ຝາກຄວາມຢ້ຽມຢາມຖາມຂ່າວມາຍັງຄະນະພັກ ຄະນະບັນຊາ ຕະຫຼອດຮອດພະນັກງານ-ນັກຮົບ ທີ່ເຕັມໄປດ້ວຍຄວາມຈິງໃຈມິດຕະພາບຢ່າງສູງສົ່ງ ໃນໂອກາດວັນປີໃໝ່ລາວທີ່ມີຄວາມໝາຍຄວາມສຳຄັນອັນເລິກເຊິ່ງນີ້ ອວຍພອນໄຊອັນປະເສີດ ຈົ່ງມີສຸຂະພາບແຂງແຮງ ມີພາລານາໄມສົມບູນ ເຮັດສຳເລັດໜ້າການເມືອງຂອງຕົນທີ່ການຈັດຕັ້ງພັກ-ລັດຂັ້ນເທິງມອບໝາຍໃຫ້.
![](https://v2.vientianemai.net/wp-content/uploads/2022/04/277375535_716162976207072_323216455361459767_n.jpg)
ໂດຍການຕ້ອນຮັບອັນອົບອຸ່ນຂອງທ່ານ ພົຈວ ໄພວັນ ຈັນທະພົມມາ ຫົວໜ້າການເມືອງກອງບັນຊາການທະຫານ ນວ ພ້ອມຄະນະ ແລະ ທັງສະແດງຄວາມຂອບອົກຂອບໃຈມາຍັງຄະນະກອງບັນຊາການທະຫານແຂວງຮາຕີ່ງ ທີ່ໄດ້ນຳເອົາຄວາມຢ້ຽມຢາມຖາມຂ່າວ ແລະ ຄວາມໃກ້ຊິດສະໜິດສະໜົມ ທັງເຫັນໄດ້ຄວາມໝາຍຄວາມສຳຄັນຕໍ່ວັນສຳຄັນຂອງລາວ ແລະ ພະນັກງານ-ນັກຮົບທົ່ວກອງບັນຊາການທະຫານ ນວ ຢ່າງລົ້ນເຫຼືອ ທັງນີ້ ຍັງເປັນການເສີມສ້າງຄວາມສາມັກຄີພິເສດ ແລະ ການຮ່ວມມືຮອບດ້ານ ຄວາມຜູກພັນໄປມາຫາສູ່ເຊິ່ງ ແລະ ກັນ ເພື່ອຮັກສາແໜ້ນໄມຕີຈິດມິດຕະພາບລະຫວ່າງສອງ ພັກ-ສອງລັດ ສອງກອງທັບ ກໍຄືສອງກອງບັນຊາການທະຫານ ນວ ກັບ ກອງບັນຊາການທະຫານແຂວງຮາຕີ່ງ ໃຫ້ນັບມື້ແໜ້ນແຟ້ນ ແລະ ໝັ້ນຄົງທະນົງແກ່ນຍິ່ງຂຶ້ນ.
![](https://v2.vientianemai.net/wp-content/uploads/2022/04/277315387_387305639920014_3769021695930015188_n.jpg)
# ຂ່າວ – ພາບ : ສົມສະຫວັນ