ທ່ານ ນາງ ດຣ.ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ຕາງໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ລາຍງານກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະຍາດໂຄວິດ-19 ໃນທົ່ວໂລກ ປະຈໍາວັນທີ 6 ເມສາ 2022 ເຊິ່ງໃນວັນທີ 5 ເມສາ 2022 ຜ່ານມາ ທົ່ວປະເທດໄດ້ກວດວິເຄາະຫາເຊື້ອພະຍາດໂຄວິດ-19 ທັງໝົດ 4.631 ຕົວຢ່າງ ໃນນັ້ນ ກວດພົບເຊື້ອພະຍາດຈຳນວນ 2.115 ຄົນ ເປັນການຕິດເຊື້ອພາຍໃນ 2.088 ຄົນ ແລະ ນໍາເຂົ້າ 27 ຄົນ.
ຂໍ້ມູນໂດຍຫຍໍ້ສະເພາະຜູ້ຕິດເຊື້ອພາຍໃນໃໝ່ 2.088 ຄົນ ມີດັ່ງນີ້:
- ນະຄອນຫຼວງວຽງຈັນ 1.167 ຄົນ
- ແຂວງວຽງຈັນ 107 ຄົນ
- ສະຫັວນນະເຂດ 86 ຄົນ
- ຫຼວງພະບາງ 77 ຄົນ
- ບໍລິຄໍາໄຊ 72 ຄົນ
- ໄຊສົມບູນ 68 ຄົນ
- ຄໍາມ່ວນ 66 ຄົນ
- ອັດຕະປື 65 ຄົນ
- ໄຊຍະບູລີ 57 ຄົນ
- ເຊກອງ 55 ຄົນ
- ຜົ້ງສາລີ 44 ຄົນ
- ສາລະວັນ 43 ຄົນ
- ອຸດົມໄຊ 41 ຄົນ
- ຈໍາປາສັກ 36 ຄົນ
- ຫົວພັນ 33 ຄົນ
- ບໍ່ແກ້ວ 30 ຄົນ
- ຫຼວງນໍ້າທາ 22 ຄົນ
- ແຂວງຊຽງຂວາງ 19 ຄົນ
ສ່ວນການຕິດເຊື້ອນໍາເຂົ້າ 27 ຄົນ ຈາກແຂວງ ຈຳປາສັກ 8 ຄົນ ສະຫວັນນະເຂດ 3 ຄົນ ຄຳມ່ວນ 8 ຄົນ ນະຄອນຫຼວງ 6 ຄົນ ແລະ ແຂວງບໍລິຄຳໄຊ 2 ຄົນ ເຊິ່ງທັງໝົດໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.
ປັດຈຸບັນ ຢູ່ ສປປ ລາວ ມີຜູ້ຕິດເຊື້ອພະຍາດໂຄວິດ-19 ທັງໝົດ 188.985 ຄົນ ອອກຈາກໂຮງໝໍວັນທີ 5 ເມສາ 2022 ຈຳນວນ 528 ຄົນ ກຳລັງປິ່ນປົວ 4.900 ຄົນ ແລະ ເສຍຊີວິດທັງໝົດ 684 ຄົນ (ເສຍຊີວິດໃໝ່ 2 ຄົນ ຈາກນະຄອນຫຼວງ 1 ຄົນ ແລະ ແຂວງຄຳມ່ວນ 1 ຄົນ).
ທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ ກໍລະນີຢັ້ງຢືນຕິດເຊື້ອທັງໝົດ 493.747.764 ຄົນ (ໃໝ່ 1.223.299 ຄົນ) ເສຍຊິວິດທັງໝົດ 6.182.713 ຄົນ (ໃໝ່ 3.423 ຄົນ) ແລະ ປີ່ນປົວຫາຍດີ 429.344.948 ຄົນ (ໃໝ່ 1.524.105 ຄົນ).
# ຂ່າວ – ພາບ : ຊິລິການດາ