ສະຫະພັນບານເຕະແຫ່ງຊາດລາວ ໄດ້ເຊີນທີມຊາດມົງໂກລີ ແລະ ບຣູໄນ ມາແຂ່ງຂັນບານເຕະນັດອຸ່ນເຄື່ອງກັບທີມຊາດລາວ ຮຸ່ນອາຍຸບໍ່ເກີນ 23 ປີ ຢູ່ສະໜາມກີລາແຫ່ງຊາດ ຫຼັກ 16 ນະຄອນຫຼວງວຽງຈັນ ເພື່ອເປັນການທົດສອບທີມ ແລະ ກຽມຄວາມພ້ອມກ່ອນເຂົ້າຮ່ວມແຂ່ງຂັນໃນງານມະຫະກໍາກີລາຊີເກມ ຄັ້ງທີ 31 ທີ່ປະເທດ ສສ ຫວຽດນາມ ເປັນເຈົ້າພາບ ໃນເດືອນພຶດສະພາ 2022.
![](https://v2.vientianemai.net/wp-content/uploads/2022/03/275196055_1936961073155342_5357457571661732751_n-1024x895.jpg)
ການແຂ່ງຂັນນັດທໍາອິດຂອງທີມຊາດລາວ ພົບກັບ ທີມຊາດມົງໂກລີ ຈັດຂຶ້ນວັນທີ 23 ມີນາ 2022 ຢູ່ສະໜາມກີລາແຫ່ງຊາດ ຫຼັກ 16 ໂດຍມີກອງເຊຍເຂົ້າມາໃຫ້ກໍາລັງທັງສອງທີມຢ່າງຫຼວງຫຼາຍ ສ່ວນຜົນການແຂ່ງຂັນ ເປັນຝ່າຍທີມຊາດລາວ ເປີດບ້ານເອົາຊະນະ ທີມຊາດມົງໂກລີ ໄປໄດ້ 1-0 ຈາກປະຕູໄຊຂອງ ນະລົງສິດ ຈັນທະລັງສີ ນາທີ 58.
![](https://v2.vientianemai.net/wp-content/uploads/2022/03/275178944_3227126470857781_1114671806026438806_n-1024x683.jpg)
ນັດຕໍ່ໄປ ທີມຊາດລາວ ຈະພົບກັບ ທີມຊາດບຣູໄນ ໃນວັນທີ 27 ມີນາ 2022 ເວລາ 18:00 ໂມງ ຢູ່ສະໜາມກີລາແຫ່ງຊາດລາວ ຫຼັກ 16 ເຊິ່ງຈະຖ່າຍທອດສົດທາງໂທລະພາບແຫ່ງຊາດລາວ ຊ່ອງ 3 ແລະ ທາງເພຈບຸກ: ຂ່າວກີລາ Lao National TV.
![](https://v2.vientianemai.net/wp-content/uploads/2022/03/274397624_687567662579365_7487154400749391144_n-1024x683.jpg)
# ຂ່າວ – ພາບ : ສີພອນ