ອີງຕາມການໃຫ້ຂໍ້ມູນຂອງພະຍາຄູ ອ້ວນ ຊວນທຳບູນ ຫົວໜ້າເຜີຍແຜ່ສີນລະທຳແລະວິປັດສະນາກຳຖານເມືອງ ເຈົ້າອະທິການວັດສາມັກຄີ ໄຊຍະລາມ ບ້ານເລົາຄຳ ເມືອງເຟືອງ ແຂວງວຽງຈັນ,ໄດ້ເປີດເຜີຍຂໍ້ມູນໃຫ້ຮູ້ວ່າ ກູຕີອະຄັນຕູກະດັ່ງກ່າວ,ເລີ່ມກໍ່ສ້າງມາແຕ່ປີ 2021 ເປັນຕົ້ນມາ ເຊີ່ງມີຂະໜາດ 6 × 24 ແມັດ,ເປັນກູຕີ 2 ຊັ້ນ ມີເສົາໄມ້ ແລະ ປະດັບດ້ວຍໄມ້ສັກທັງຫຼັງ ມີ 7 ຫ້ອງນອນ ປະກອບດ້ວຍເຄື່ອງໄຟຟ້າຄົບຊຸດ ການສ້າງກູຕີຫຼັງດັ່ງກ່າວ ແມ່ນເພື່ອຮັບຮອງໄວ້ໃຫ້ພະສົງສຳມະເນນທີ່ເດີນທາງມາແຕ່ພາກເໜືອ ກາງ ແລະ ໃຕ້ ເຂົ້າມາພັກເຊົາໃນການເຮັດບູນຕ່າງໆຢູ່ວັດເລົາຄຳ.
![](https://v2.vientianemai.net/wp-content/uploads/2022/03/IMG-20220312-WA0003.jpg)
ດັ່ງນັ້ນ ອັດຕະມາພາບ ເຈົ້າອະທິການ ວັດສາມັກຄີ ໄຊຍະລາມ.ຈື່ງຂໍແຜ່ສັດທານຳອອກຕົນຍາດໂຍມຢູ່ພາຍໃນແລະ ຕ່າງປະເທດ ຮ່ວມກັນເປັນເຈົ້າພາບສັດທາ ແຜ່ນມຸງຫຼັງຄາອາລຸຊີງ ລວມເປັນມູນຄ່າ 30 ລ້ານກີບ,ເພື່ອສ້າງກູຕີໃຫ້ສຳເລັດ.
![](https://v2.vientianemai.net/wp-content/uploads/2022/03/IMG-20220312-WA0000.jpg)
ສະນັ້ນ ຈື່ງຂໍແຈ້ງເຈດຈຳນົງນຳສັດທາຊາວພຸດທັງຫຼລາຍຮ່ວມແຮງໃຈສ້າງສາພັດທະນາວັດສາມັກຄີ ໄຊຍະລາມ,ກໍ່ສາມາດບໍ່ລິຈາກໄດ້ຕາມເລກບັນຊີຂອງ ພະອາຈານ ແລະ ເບີໂທຕິດຕໍ່ 02052889677
![](https://v2.vientianemai.net/wp-content/uploads/2022/03/IMG-20220312-WA0001.jpg)
![](https://v2.vientianemai.net/wp-content/uploads/2022/03/IMG-20220312-WA0002.jpg)
ຂ່າວ: ວັນນະເລດ ລໍວັນໄຊ.
ພາບ: ພະຄູ ອ້ວນ ຊວນທຳບູນ.