ວັນທີີ 18 ກຸມພາ 2022 ນີ້ ຫ້ອງການເມືອງ ວິທະຍາຄານກົມມະດໍາ ໄດ້ສະຫຼຸບຖອດຖອນບົດຮຽນວຽກງານຮອບດ້ານປະຈຳປີ 2021 ແລະ ວາງທິດທາງແຜນການປີ 2022 ພາຍໃຕ້ການເປັນປະທານຂອງສະຫາຍ ພັນເອກ ບົວໄລ ສີລັກສາ ຫົວໜ້າການທະຫານ ວິທະຍາຄານກົມມະດຳ ມີສະຫາຍ ພັນໂທ ບຸນໂຮມ ມິ່ງນະຄອນ ຮອງຫົວໜ້າຫ້ອງການເມືອງ ວິທະຍາຄານ ພ້ອມດ້ວຍຄະນະ ມີບັນດາຄະນະຫ້ອງ ພະແນກການ ກອງພັນ ພະນັກງານ-ນັກຮົບເຂົ້າຮ່ວມ.
ສະຫາຍ ພັນໂທ ບົວໄລ ພັນທະວົງ ຮອງຫ້ອງການເມືອງ ວິທະຍາຄານກົມມະດຳ ໄດ້ຂື້ນຜ່ານບົດສະຫຼຸບຕີລາຄາຄືນການເຄື່ອນໄຫວນຳພາຂອງຄະນະພັກ-ຄະນະບັນຊາແຕ່ລະຂັ້ນຕະຫຼອດໄລຍະ 1 ປີຜ່ານມາ ເປັນຕົ້ນໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ພະນັກງານ-ນັກຮົບມີຄວາມອຸ່ນອ່ຽງທຸ່ນທ່ຽງ ແໃສ່ປັບປຸງກໍ່ສ້າງພັກຕາມ 5 ຫຼັກການ 3 ທິດນຳ ແລະ ມະຕິຄໍາສັ່ງຂອງຂັ້ນເທິງວາງອອກຢ່າງເຂັ້ມງວດ ຕະຫຼລອດໄລຍະ 1 ປີຜ່ານມາ ກົມກອງໄດ້ຈັດຕັ້ງເອົາພະນັກງານລົງສົມທົບພົວພັນກັບອຳນາດການປົກຄອງທ້ອງຖີ່ນບ້ານແຮກສ່ຽວຢ່າງເປັນປົກກະຕິ ສົມທົບກັບກຳລັງ ປກສ-ປກຊ ຈັດຕັ້ງເຄື່ອນໄຫວເຮັດໜ້າທີ່ວຽກງານປ້ອງກັນຄວາມສະຫງົບ-ຄວາມປອດໄພວັນບຸນປະຫວັດສາດຂອງຊາດ ຂອງກອງທັບ ວຽກງານໂຄສະນາອົບຮົມ ສືກສາອົບຮົມການເມືອງນຳພາແນວຄິດໃຫ້ອ້າຍນ້ອງ 44 ຄັ້ງ ສະແດງສີລະປະຮັບໃຊ້ວັນສຳຄັນ 3 ຄັ້ງ ສົ່ງຂ່າວໜັງສືພິມ ວິທະຍຸ ໂທລະພາບ 1005 ຂ່າວ ຮັບ-ຈ່າຍໜັງສືພິມ 5.100 ສະບັບ ອ່ານຂ່າວພາຍໃນ 183 ຂ່າວ ວຽກງານນະໂຍບາຍ: ໄດ້ເຮັດໃບຍ້ອງຍໍຂັ້ນວິທະຍາຄານໃຫ້ບຸກຄົນ 89 ສະຫາຍ ໃບກຽດຕິຄຸນ 30 ໃບ ແລະ ວຽກງານບໍລິຫານ: ນຳພາກົມກອງຖາງປ່າເຂດຮັບຜິດຊອບຈຳນວນ 49 ຄັ້ງ ເຄົາລົບທຸງຂັ້ນວິທະຍາຄານ 3 ຄັ້ງ ຜ່ານເອກະສານອະນຸມັດລາຍເຊັນ 802 ສະບັບ ດ້ານວຽກງານພະລາທິການແມ່ນປະຕີິບັດຄໍາຂວັນ 4 ປູກ 4 ລ້ຽງ ແນໃສ່ຮັບປະກັນທ່າແຮງບົົ່ມຊ້ອນກົມກອ ງເຊັ່ນ: ໄດ້ປູກພຶດຜັກທຸກຊະນິດກີນຫົວ ກີນໝາກ ກີນໃບໄດ້ 1000 ກິໂລ ປູກຕົ້ນໄມ້ກີນໝາກ 41 ຕົ້ນ ປ່ອຍປາໃສ່ໜອງຈຳນວນ 3.000 ໂຕ ເອົາປາເຂົ້າເຮືອນຄົວລວມໄດ້ 1.156 ກິໂລ.
ໂອກາດດຽວກັນນີ້ ຫົວໜ້າການທະຫານ ວິທະຍາຄານ ໄດ້ຮຽກຮ້ອງມາຍັງຄະນະພັກ-ຄະນະບັນຊາແຕ່ລະຂັ້ນ ຖືເອົາວຽກງານການເມືອງນໍາພາ-ແນວຄິດໃຫ້ພະນັກງານ ນັກຮົບເປັນກົກ ຕິດພັນແໜ້ນກັບວິຊາສະເພາະຂອງກົມກອງບົນພື້ນຖານສ້າງໃຫ້ກົມກອງມີລະບຽບວິໄນເຂັ້ມງວດ ເພື່ອແນໃສ່ປັບປຸງແບບແຜນວິທີເຮັດວຽກຢູ່ບັນດາພະແນກການໃຫ້ດີຂື້ນໄປເລື້ອຍໆ.
# ຂ່າວ-ພາບ: ລຸນທອງ ສີບຸນເຮືອງ.