ກອງບັນຊາການທະຫານເມືອງຫາດຊາຍຟອງ ນະຄອນຫຼວງວຽງຈັນ ຈັດກອງປະຊຸມສະຫຼຸບວຽກງານຮອບດ້ານປະຈໍາປີ 2021 ແລະ ວາງທິດທາງແຜນການປີ 2022 ຈັດຢູ່ທີ່ກອງບັນຊາການດັ່ງກ່າວ ເປັນປະທານຂອງ ທ່ານ ພັທ ວຽງວິໄລ ແກ້ວບຸນມີ ຫົວໜ້າການທະຫານກອງບບັນຊາການປ້ອງກັນຊາດເມືອງຫາຊາຍຟອງ ມີ ທ່ານ ບຸນເພັງ ສີນະວົງພອນ ເຈົ້າເມືອງຫາດຊາຍຟອງ ທ່ານ ພັທ ວອນສີ ຄຸນສຸພັນ ຫົວໜ້າການເມືອງກອງບັນຊານ ປກຊ ເມືອງ ພ້ອມດ້ວຍພະນັກງານເຫຼົ່າຮົບໃນກົມກອງ ແລະ ແຂກເຂົ້າຮ່ວມ.
ທ່ານ ພັທ ຫຼອນຫຼ້າ ບາສີວົງ ຫົວໜ້າພະແນກການເມືອງ ກອງບັຊາການທະຫານເມືອງ ໄດ້ຂື້ນກ່າວລາຍງານບົດສະຫຼຸບ ແລະ ຕີລາຄາຄືນການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານ ແລະ ການຈັດຕັ້ງປະຕິບັດ 7 ລະບອບ 18 ວຽກ ຂອງກອງບັນຊາການທະຫານເມືອງຫາດຊາຍຟອງ ໂດຍພື້ນຖານ ໄດ້ຍົກໃຫ້ເຫັນສະພາບຄວາມຫຍຸ້ງຍາກສັບສົນ ແລະ ສີ່ງທ້າທາຍທົດສອບນາໆປະການຂອງໂລກ ທີ່ກຳລັງໄດ້ຮັບຜົນກະທົບທາງດ້ານການທະຫານ ເສດຖະກິດ ແລະ ວັດທະນະທຳ ແຕ່ເຖີງຢາງໃດກໍ່ຕາມ ເມືອງຫາດຊາຍຟອງກໍຖືວ່າສະພາບການທາງດ້ານເມືອງຍັງຮັກສາໄດ້ດີ ມີຄວາມສະຫງົບ ເປັນລະບຽບຮຽບຮ້ອຍໃນສັງຄົມ ແຕ່ກໍ່ປາສະຈາກບໍ່ໄດ້ ຕໍ່ບັນຫາການປຸ້ນຈີ້ຊີງຊັບ ສີ່ງເສບຕິດ ອຸບັດເຫດ ອັກຄີໄພເຊີ່ງ ເກີດຂື້ນລວມມີ 271 ເລື່ອງ ຜົນເສຍຫາຍ 1.131.090.000 ກີບ ຢຶດຢາບ້າໄດ້ 10 ເປົາ ຢາໄອສ໌ 9 ຖົງ ກັບ 1 ຫຼອດ ນອກນັ້ນ ຍັງກັກຕົວຄົນຮ້າຍໄດ້ 189 ຄົນມາສຶກສາອົບຮົມ ໄດ້ນຳພາກຳລັງລົງປະຕິບັດວຽກງານຊ່ວຍຕ້ານການລະບາດພະຍາດໂຄວິດເປັນຈຳນວນຫຼາຍຄັ້ງ ສະພາບຕາມຊາຍແດນມີຄວາມສະຫງົບດີ ແຕ່ກໍຍັງມີຜຸ້ຄົນຈຳນວນໜຶ່ງລັກລອບຂ້າມໄປມາແບບຊະຊາຍ ບໍ່ຖືກຕ້ອງຕາມລະບຽບກົດໝາຍ ເພື່ອເຮັດໜ້າທີ່ຮັກສາສະພາບຄວາມສະຫງົບຢູ່ຮາກຖານການເມືອງ ຕາມມູນເຊື້ອ ລະຫວ່າງກອງທັບ ໄດ້ແຮກສ່ຽວກັບອົງການປົກຄອງ 3 ບ້ານ ຄື ທ່າເດື່ອ ດົງໂພນແຮ່ ແລະ ຄຳຈະເລີນ ການກຽມພ້ອມສູ້ຮົບ ກອບກູ້ໄພພິບັດ ແລະ ນຳໃຊ້ກຳລັງ ໄດ້ກຽມພ້ອມຕະຫຼອດ 24 ຊົ່ວໂມງ ນອກນັ້ນ ເອົາໃຈໃສ່ຮັບປະກັນພະລາທິການ-ເຕັກນິກ ແຜນງານແກ້ໄຂຊີວິດການເປັນຢູ່ທາງດ້ານສະບຽງອາຫານພາຍໃນກົມກອງ ຕາມທິດ 4 ປູກ 4 ລ້ຽງຂອງກົມໃຫຍ່ພະລາທິການວາງອອກ ໃນນັ້ນ ໄດ້ປູກເຂົ້າທັງນາປີ ນາແຊງ ປູກພືດລົ້ມລຸກ ສັງລວມລາຍຮັບ 37.891.400 ກີບ ໄດ້ລ້ຽງສັດໃຫຍ່ ລ້ຽງປາ ລ້ຽງສັດປີກເພື່ອຕອບສະໜອງເຂົ້າເຮືອນຄົວລວມ ສ້າງລາຍຮັບໄດ້ 22.881.000 ກີບ ລວມລາຍຮັບທັງໝົດ 104.722.400 ກີບ ສະເລ່ຍເທົ່າກັບ 988.418 ກີບຕໍ່ຄົນຕໍ່ປີ .
.
# ຂ່າວ – ພາບ : ຂັນທະວີ