ກອງປະຊຸມສະຫຼຸບວຽກງານປະຈຳປີ 2021 ແລະ ວາງທິດທາງແຜນການປີ 2022 ຂອງຫ້ອງການຖະແຫຼງຂ່າວ ວັດທະນະທຳ ແລະ ທ່ອງທ່ຽວ ເມືອງຫາດຊາຍຟອງ ນ.ວ ຈັດຂື້ນໃນວັນທີ 11 ກຸມພາ ຜ່ານມາ ທີ່ສຳນັກງານປົກຄອງເມືອງດັ່ງກ່າວ ໂດຍເຂົ້າຮ່ວມຂອງທ່ານ ບຸນເພັງ ສີນະວົງພອນ ເຈົ້າເມືອງຫາດຊາຍຟອງ ທ່ານ ພອນຈັນ ແພງພູວັນ ຮອງຫົວໜ້າພະແນກ ຖວທ ນ.ວ ພ້ອມດ້ວຍພາກສ່ວນກ່ຽວຂ້ອງ ແລະ ຜູ້ປະກອບການດ້ານການບັນເທີງ ແລະ ທ່ອງທ່ຽວ.
ທ່ານ ຄຳໄພສານ ພີມມະສອນ ຫົວໜ້າຫ້ອງການ ຖວທ ເມືອງຫາດຊາຍຟອງ ກ່າວວ່າ ການເຄື່ອໄຫວວຽກງານໃນໄລຍະໜື່ງປີຜ່ານມາ ຫ້ອງການດັ່ງກ່າວໄດ້ປະຕິບັດໜ້າທີ່ເປັນເສນາທິການໃຫ້ແກ່ພະແນກ ຖວທ ນ.ວ ແລະ ເມືອງຫາດຊາຍຟອງ ນຳເອົາແນວທາງນະໂຍບາຍຂອງພັກ-ລັດ ໃນຂົງເຂດ ຖວທ ໄປຜັນຂະຫຍາຍ ໂດຍຄຽງຄູ່ກັບການປະຕິບັດວຽກງານວິຊາສະເພາະຂອງຕົນ ໂດຍກຳແໜ້ນວຽກງານການເມືອງ-ນຳພາແນວຄິດເປັນບັນຫາພື້ນຖານສຳຄັນ ເປັນເຈົ້າການຜັນຂະຫຍາຍມະຕິຄຳສັ່ງ ລະບຽບການ ແລະ ນິກຳຕ່າງໆທີ່ກ່ຽວຂ້ອງລົງສູ່ຫົວໜ່ວຍທຸລະກິດວັດທະນະທຳ ທ່ອງທ່ຽວ ເພື່ອເຮັດໃຫ້ການເຄື່ອນໄຫວຢູ່ໃນລະບຽບການ ແລະ ມີຄວາມສະຫງົບ ທາງດ້ານວຽກງານວິຊາການ ໄດ້ຕິດຕາມເກັບກຳຂ່າວຂະບວນການ ກອງປະຊຸມຕ່າງໆຂັ້ນເມືອງ ແລະ ຕົວແບບທາງດ້ານການຜະລິດ ໄດ້ 43 ຂ່າວ ລົງແນະນຳບ້ານຈຸດສຸມປະກາດຄຳສັ່ງແຈ້ງການ ແລະ ສົ່ງຄຼິບສຽງລົງໃນກຸ່ມ 60 ບ້ານ ໂດຍຮ່ວມກັບຄະນະສະເພາະກິດ ຖວທ ນ.ວ ໂຄສະນາເພື່ອຕ້ານການລະບາດພະຍາດໂຄວິດ ເອົາໃຈໃສ່ປະເມີນຄອບຄົວວັດທະນະທຳຮອບສອງທີ່ຄົບ 5 ມາດຖານ ໃນເຂດ 6 ທ່າພະ ເຂດ 5 ທ່າເດື່ອ ແລະ ເຂດ 4 ສາລາຄຳ ໄດ້ 11.078 ຄອບຄົວ ແລະ ຍັງບໍ່ຄົບ ມີ 1.291 ຄອບຄົວ ຮ່ວມປຶກສາຫາລືແກ້ໄຂການບຸກລຸກເຂດສະຫງວນກຳແພງເມືອງຊັ້ນ 3 ສຳຫຼວດກວດກາກໍ່ສ້າງຫໍກອງ ບູລະນະສ້ອມແປງພຸດທະສີມມາ ກຸດຕິ ປະຕູໂຂງ ພະພຸດທະຮູບ ແລະ ນາກໄດ້ 14 ຄັ້ງ ອອກອະນຸຍາດທຸລະກິດວັທະນະທຳໄດ້ 5 ຫົວໜ່ວຍ ປ້າຍໂຄສະນາ 17 ປ້າຍ ຜ່ານເອກະສານບຸນສິນກິນທານ ແລະ ອື່ນໆໄດ້ 36 ຄັ້ງ ນຳສົ່ງແຈ້ງການຂອງພະແນກ ຖວທ ນ.ວ ໃຫ້ບັນດາຮ້ານອາຫານ ແລະ ຮ້ານກິນດື່ມ ໄດ້ 47 ຮ້ານ ເຮັດບົດບັນທຶກກວດກາຮ້ານອາຫານ ແລະ ກິນດື່ນທີ່ຕັ້ງໃໝ່ 3 ຮ້ານ ຮ່ວມກວດກາໂຮງແຮມ ຈະເລີນໄວ ບ້ານປ່າຝາງ ເພື່ອອອກອະນຸຍາດ 1 ຄັ້ງ ອອກອະນຸຍາດຮ້ານອາຫານ ຮ້ານກິນດື່ມ 20 ຫົວໜ່ວຍ ເກັບກຳສະຖິຕິໂຮງແຮມ 10 ແຫ່ງ ເຮືອນພັກ 17 ແຫ່ງ ແລະ ຣີສອດ 3 ແຫ່ງ ນອກນັ້ນ ຍັງໄດ້ສົມທົບກັບບັນດາບ້ານ ເພື່ອປະຕິບັດຕາມແຈ້ງການ ແລະ ມາດຕະການຄວບຄຸມ ປ້ອງກັນພະຍາດໂຄວິດແຕ່ລະໄລຍະ ພ້ອມຕິດຕາມການເປີດ-ປິດບໍລິການຂອງຫົວໜ່ວຍທຸລະກິດ ຢ່າງເຂັ້ມງວດ
.
. # ຂ່າວ – ພາບ : ຂັນທະວີ