ທ່ານ ສີສະຫວາດ ສຸດທາລະນີໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວກ່ຽວກັບການລະບາດຂອງພະຍາດໂຄວິດ-19 ປະຈຳວັນທີ 8 ກຸມພາ 2022 ທີ່ກະຊວງສາທາລະນະສຸກໃຫ້ຮູ້ວ່າ ວັນທີ 7 ກຸມພາ ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 3.794 ຕົວຢ່າງ ພົບເຊື້ອທັງໝົດ 324 ຄົນ (ຕິດເຊື້ອພາຍໃນ 321 ຄົນ ແລະ ນໍາເຂົ້າ 3 ຄົນ). ບັນດາແຂວງທີ່ມີຜູ້ຕິດເຊື້ອຄື
- ນະຄອນຫຼວງວຽງຈັນ (ນວ) 77 ຄົນ
- ຫົວພັນ 29 ຄົນ
- ຜົ້ງສາລີ 28 ຄົນ
- ຊຽງຂວາງ 26 ຄົນ
- ອັດຕະປື 24 ຄົນ
- ສະຫວັນນະເຂດ 19 ຄົນ
- ໄຊຍະບູລີ 19 ຄົນ
- ວຽງຈັນ 18 ຄົນ
- ບໍລິຄຳໄຊ 18 ຄົນ
- ໄຊສົມບູນ 18 ຄົນ
- ຄຳມ່ວນ 10 ຄົນ
- ອຸດົມໄຊ 9 ຄົນ
- ຫຼວງພະບາງ 9 ຄົນ
- ເຊກອງ 8 ຄົນ
- ຈຳປາສັກ 4 ຄົນ
- ບໍ່ແກ້ວ 2 ຄົນ
- ຫຼວງນໍ້າທາ 2 ຄົນ
- ແຂວງສາລະວັນ 2 ຄົນ
ສໍາລັບການຕິດເຊື້ອນໍາເຂົ້າມີ 3 ຄົນຈາກຈຳປາສັກ 2 ຄົນ ແລະ ສະຫວັນນະເຂດ 1 ຄົນ ໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ປັດຈຸບັນທົ່ວປະເທດມີຜູ້ຕິດເຊື້ອສະສົມທັງໝົດ 137.103 ກໍລະນີ ອອກໂຮງໝໍ 224 ຄົນ ກຳລັງປິ່ນປົວ 4.052 ຄົນ ແລະ ເສຍຊີວິດສະສົມທັງໝົດ 577 ຄົນ ເສຍຊິວິດໃໝ່ 3 ຄົນຄືຢູ່ຜົ້ງສາລີ 2 ຄົນ ແລະ ຫົວພັນ 1 ຄົນ.
ປັດຈຸບັນຄະນະສະເພາະກິດໄດ້ອອກແຈ້ງການ ສະບັບເລກທີ 130/ຫສນຍ ລົງວັນທີ່ 3 ກຸມພາ 2022 ກ່ຽວກັບມາດຕະການປ້ອງກັນ ຄວບຄຸມ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ໃຫ້ແທດເໝາະກັບສະພາບຄວາມເປັນຈິງ ແລະ ຄຳນຶງເຖີງຄວາມປອດໄພຂອງປະຊາຊົນເຊັ່ນ ບຸກຄົນທົ່ວໄປລວມທັງຄົນຕ່າງປະເທດທີ່ເປັນ ຊ່ຽວຊານ ວິຊາການ ແຮງງານ ຜູ້ປະກອບການ ນັກສຶກສາ ຄົນເຊື້ອຊາດລາວ ແລະ ຄອບຄົວຂອງພົນລະເມືອງລາວແມ່ນມີການຫຼຸດໄລຍະຈຳກັດບໍລິເວນຈາກ 14 ວັນໃນເມື່ອກ່ອນມາເປັນ 7 ວັນ ແລະ ຈຳກັດບໍລິເວນຢູ່ສະຖານທີ່ຄະນະສະເພາະກິດກຳນົດໄວ້ໃນໄລຍະລໍຖ້າຜົນກວດບໍເກີນ 48 ຊົ່ວໂມງ ຖ້າຜົນກວດບໍພົບເຊື້ອຈີ່ງຈະສາມາດໄປສືບຕໍ່ຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງໃຫ້ຄົບອີກ 7 ວັນ ໂດຍປະຕິບັດມາດຕະການປ້ອງກັນການຕິດເຊື້ອ ແລະ ປະຕິບັດຕາມລະບຽບການທີ່ທາງຄະນະສະເພາະກິດກຳນົດໄວ້ຢ່າງເຄັ່ງຄັດ.
.
..# ຂ່າວ & ພາບ : ອົ່ນ ໄຟສົມທອງ