ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຮູ້ວັນທີ 7 ກຸມພາ 2022 ວ່າ: ວັນທີ 6 ກຸມພາ ທົ່ວປະເທດໄດ້ເກັບຕົວຢ່າງມາກວດຊອກຫາເຊື້ອໂຄວິດ-19 ທັງໝົດ 2.887 ຕົວຢ່າງໃນຂອບເຂດທົ່ວປະເທດ ແລະ ພົບຜູ້ຕິດເຊື້ອທັງໝົດ 282 ຄົນ ໃນນີ້ຕິດເຊື້ອພາຍໃນ 277 ຄົນ ຈາກ 16 ແຂວງ ແລະ ນະຄອນຫຼວງວຽງຈັນ ມີຄື:
- ນະຄອນຫຼວງວຽງຈັນ 48 ຄົນ
- ຫົວພັນ 79 ຄົນ
- ໄຊສົມບູນ 40 ຄົນ
- ສະຫວັນນະເຂດ 18 ຄົນ
- ບໍລິຄໍາໄຊ 14 ຄົນ
- ໄຊຍະບູລີ 13 ຄົນ
- ອັດຕະປື 12 ຄົນ
- ຊຽງຂວາງ 11 ຄົນ
- ຄໍາມ່ວນ 6 ຄົນ
- ເຊກອງ 6 ຄົນ
- ວຽງຈັນ ບໍ່ແກ້ວ ສາລະວັນ ແລະ ອຸດົມໄຊ ແຂວງລະ 5 ຄົນ
- ຈໍາປາສັກ ແລະ ຜົ້ງສາລີ ແຂວງລະ 4 ຄົນ
- ແຂວງຫຼວງພະບາງ 2 ຄົນ
ສໍາລັບການຕິດເຊື້ອນໍາເຂົ້າມີ 5 ຄົນຈາກ ນະຄອນຫຼວງວຽງຈັນ 3 ຄົນ ຈຳປາສັກ 1 ຄົນ ແລະ ສະຫວັນນະເຂດ 1 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ຮອດປັດຈຸບັນ ມີຜູ້ຕິດເຊື້ອສະສົມທັງໝົດ 136.720 ກໍລະນີ ອອກໂຮງໝໍວັນທີ 6 ກຸມພາ 529 ຄົນ ກຳລັງປິ່ນປົວ 4.014 ຄົນ ແລະ ເສຍຊີວິດສະສົມທັງໝົດ 574 ຄົນ ໃນນີ້ເສຍຊິວິດໃໝ່ 5 ຄົນຄື: ຢູ່ນະຄອນຫຼວງວຽງຈັນ 3 ຄົນ ຫຼວງພະບາງ 1 ຄົນ ແລະ ຄຳມ່ວນ 1 ຄົນ.
.
. # ຂ່າວ – ພາບ : ຂັນທະວີ