ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ປະຈຳວັນທີ 27 ມັງກອນ 2022 ທີ່ກະຊວງສາທາລະນະສຸກ ໃຫ້ຮູ້ວ່າ ວັນທີ 26 ມັງກອນ ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 4.902 ຕົວຢ່າງ ກວດພົບເຊື້ອທັງໝົດ 695 ຄົນ (ຕິດເຊື້ອພາຍໃນ 692 ຄົນ ແລະ ນໍາເຂົ້າ 3 ຄົນ) ເສຍຊີວິດໃໝ່ 1 ຄົນ.
ບັນດາແຂວງທີມີການຕິດເຊື້ອພາຍໃນມີຄື
- ນະຄອນຫຼວງວຽງຈັນ (ນວ) 164 ຄົນ
- ອັດຕະປື 67 ຄົນ
- ບໍລິຄຳໄຊ 66 ຄົນ
- ຊຽງຂວາງ 66 ຄົນ
- ໄຊສົມບູນ 56 ຄົນ
- ສາລະວັນ 43 ຄົນ
- ຫຼວງພະບາງ 39 ຄົນ
- ເຊກອງ 38 ຄົນ
- ຫົວພັນ 32 ຄົນ
- ວຽງຈັນ 22 ຄົນ
- ໄຊຍະບູລີ 19 ຄົນ
- ຄຳມ່ວນ 19 ຄົນ
- ຜົ້ງສາລີ 17 ຄົນ
- ບໍ່ແກ້ວ 14 ຄົນ
- ສະຫວັນນະເຂດ 10 ຄົນ
- ອຸດົມໄຊ 12 ຄົນ
- ຈຳປາສັກ 5 ຄົນ
- ຫຼວງນ້ຳທາ 3 ຄົນ
ສໍາລັບການຕິດເຊື້ອນໍາເຂົ້າ ມີ 3 ຄົນຈາກ ນວ 1 ຄົນ ສະຫວັນນະເຂດ 1 ຄົນ ແລະ ບໍ່ແກ້ວ 1 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ປັດຈຸບັນທົ່ວປະເທດມີຜູ້ຕິດເຊື້ອສະສົມທັງໝົດ 132.130 ກໍລະນີ ອອກໂຮງໝໍວັນທີ 26 ມັງກອນ 345 ຄົນ ກຳລັງປິ່ນປົວ 7.223 ຄົນ ແລະ ເສຍຊີວິດສະສົມທັງໝົດ 534 ຄົນ (ເສຍຊີວິດໃໝ່ 1 ຄົນ ຈາກ ນວ).
ຈຸດບໍລິການເກັບຕົວຢ່າງກວດຫາເຊືື້ອໂຄວິດ-19 ສໍາລັບຢູ່ຕ່າງແຂວງ ສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ ໂຮງໝໍເມືອງ ຫຼື ຈຸດກວດທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນນັ້ນ ຍັງມີບໍລິການກວດເຄື່ອນທີ່ໃນຈຸດ ຫຼື ບ້ານທີ່ມີການລະບາດພາຍໃນ ເພື່ອຄົ້ນຫາຜູ້ຕິດເຊືື້ອໃໝ່ ສ່ວນຢູ່ ນວ ມີຈຸດກວດນອກສະຖານທີ່ ແລະ ຈຸດກວດຄົງທີ່ຄື ສະໜາມກິລາໃນຮົ່ມບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງ ໜ່ວຍກວດເຄື່ອນທີ່ືເມືອງໄຊທານີ ສີສັດຕະນາກ ສີໂຄດຕະບອງມີເມືອງລະ 1 ທີມ ເມືອງນາຊາຍທອງ ແລະ ພະແນກສາທາລະນະສຸກ ນະຄອນຫຼວງວຽງຈັນ ມີ 2 ທີມ ສໍາລັບຈຸດບໍລິການສັກວັກຊີນ ຢູ່ ນວ ມີຄື: ໂຮງໝໍສູນກາງ (ມິດຕະພາບ ມະໂຫສົດ ເສດຖາທິລາດ ໂຮງໝໍສູນກາງ 103 ກອງທັບ ໂຮງໝໍ 5 ເມສາ ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ).
ສຳລັບຜູ້ທີ່ຕ້ອງການສັກວັກຊິນຊະນິດ Pfizer ເພື່ອເຂັມກະຕຸ້ນ (ເຂັມ 3) ຜູ້ສູງອາຍຸ ກຸ່ມອາຍຸ 12-17 ປີ ແລະ ຜູ້ທີ່ມີພະຍາດປະຈໍາຕົວ ສາມາດໄປຮັບການບໍລິການໄດ້ທີ່ວັດຈີນ ດົງປາແຫຼບ (ວັນຈັນ – ສຸກ) ສູນການຄ້າລາວ-ໄອເຕັກ (ວັນຈັນ – ສຸກ) ໂຮງໝໍສູນກາງ ໂຮງໝໍເມືອງ 9 ຕົວເມືອງ ຈຸດບໍລິການວັກຊີນຢູ່ບັນດາແຂວງຄື ໂຮງໝໍແຂວງ ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້.
.
.# ຂ່າວ & ພາບ : ອົ່ນ ໄຟສົມທອງ