ສະພາບການລະບາດພະຍາດໂຄວິດ-19 ໃນທົ່ວໂລກ ຍັງມີທ່າອ່ຽງເພີ່ມຂື້ນຫຼາຍໃນແຕ່ລະວັນ ສະເພາະມື້ນີ້ຕົວເລກລາຍງານຜູ້ຕິດເຊື້ອໃໝ່ສູງກ່ວາ 3,9 ລ້ານຄົນ ແລະ ເສຍຊີວິດໃໝ່ຫຼາຍກ່ວາ 10 ພັນຄົນ ສາເຫດທີ່ຄົນຕິດເຊື້ອສູງຂື້ນ ເນື່ອງຈາກການລະບາດຄືນໃໝ່ ໂດຍສະເພາະແມ່ນສາຍພັນໂອມິຄຣອນໄດ້ມາແທນທີ່ການລະບາດສາຍພັນເດວຕາ ແລະ ສາຍພັນອື່ນໆ ເຊິ່ງສາຍພັນໂອມິຄຣອນ ມີການຕິດເຊື້ອ ແລະ ແຜ່ເຊື້ອໄດ້ຢ່າງໄວວາ ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂ້ການລະບາດພະຍາດໂຄວິດ-19 ໄດ້ລາຍງານກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະຍາດໂຄວິດ-19 ໃນທົ່ວໂລກ ແລະ ບັນດາປະເທດໃກ້ຄຽງປະຈໍາວັນທີ 22 ມັງກອນ 2022 ຮູ້ວ່າ:
ໃນວັນທີ 20 ມັງກອນ 2022 ຜ່ານມາ ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອພະຍາດໂຄວິດ-19 ທັງໝົດ 4.594 ຕົວຢ່າງ ໃນນັ້ນ ກວດພົບເຊື້ອພະຍາດໂຄວິດ-19 ທັງໝົດ 612 ຄົນ (ຕິດເຊື້ອພາຍໃນ 609 ຄົນ ແລະ ນໍາເຂົ້າ 3 ຄົນ) ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດ 609 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ໂດຍລຽງລຳດັບແຕ່ແຂວງຫຼາຍຫາໜ້ອຍມີລາຍລະອຽດດັ່ງນີ້:
- ນະຄອນຫຼວງວຽງຈັນ 153 ຄົນ
- ແຂວງຊຽງຂວາງ 84 ຄົນ
- ໄຊຍະບູລີ 83 ຄົນ
- ອັດຕະປື 45 ຄົນ
- ເຊກອງ 32 ຄົນ
- ຜົ້ງສາລີ 31 ຄົນ
- ໄຊສົມບູນ 31 ຄົນ
- ຄຳມ່ວນ 25 ຄົນ
- ສາລະວັນ 21 ຄົນ
- ບໍລິຄຳໄຊ 18 ຄົນ
- ຫຼວງພະບາງ 15 ຄົນ
- ຫົວພັນ 15 ຄົນ
- ອຸດົມໄຊ 12 ຄົນ
- ວຽງຈັນ 10 ຄົນ
- ຫຼວງນ້ຳທາ 10 ຄົນ
- ບໍ່ແກ້ວ 8 ຄົນ
- ສະຫວັນນະເຂດ 7 ຄົນ
- ແຂວງຈຳປາສັກ 7 ຄົນ
ສໍາລັບການຕິດເຊື້ອນໍາເຂົ້າມີ 3 ຄົນ ຈາກນະຄອນຫຼວງວຽງຈັນ 1 ຄົນ ແລະ ແຂວງຈຳປາສັກ 2 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ. ປັດຈຸບັນ ມີຜູ້ຕິດເຊື້ອສະສົມຢູ່ໃນ ສປປ ລາວ ທັງໝົດ 129.536 ກໍລະນີ ອອກໂຮງໝໍວັນທີ 21 ມັງກອນ 2022 ຈຳນວນ 505 ຄົນ ກຳລັງປິ່ນປົວ 8.136 ຄົນ ແລະ ເສຍຊີວິດສະສົມທັງໝົດ 524 ຄົນ (ເສຍຊີວິດໃໝ່ 6 ຄົນ) ສຳລັບຜູ້ເສຍຊີວິດໃໝ່ 6 ຄົນ ຈາກແຂວງວຽງຈັນ 2 ຄົນ ອຸດົມໄຊ 1 ຄົນ ຫຼວງນ້ຳທາ 1 ໄຊສົມບູນ 1 ຄົນ ແລະ ແຂວງສາລະວັນ 1 ຄົນ.
ປັດຈຸບັນ ທົ່ວໂລກຍັງສືບຕໍ່ມີລາຍງານຄົນຕິດເຊືື້ອພະຍາດໂຄວິດ-19 ໃໝ່ ແລະ ເສຍຊີວິດໃໝ່ທຸກວັນກໍລະນີຢັ້ງຢືນຕິດເຊື້ອທັງໝົດ 346.431.855 ຄົນ (ໃໝ່ 3.982.672 ຄົນ) ເສຍຊິວິດທັງໝົດ 5.601.865 ຄົນ (ໃໝ່ 10.479 ຄົນ) ແລະ ປີ່ນປົວຫາຍດີ 276.492.392 ຄົນ (ໃໝ່ 1.712.382 ຄົນ).
.
. # ຂ່າວ – ພາບ : ຊິລິການດາ