ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຖະແຫຼງຂ່າວກ່ຽວກັບສະພາບພະຍາດໂຄວິດ-19 ປະຈໍາວັນທີ 20 ມັງກອນ 2022 ໃຫ້ຮູ້ວ່າ: ວັນທີ 19 ມັງກອນ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 4.497 ຕົວຢ່າງ ໃນຂອບເຂດທົ່ວປະເທດ ແລະ ກວດພົບເຊື້ອທັງໝົດ 901 ຄົນ ໃນນີ້ຕິດເຊື້ອພາຍໃນ 897 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ຄື:
- ໄຊຍະບູລີ 319 ຄົນ
- ນະຄອນຫຼວງ 201 ຄົນ
- ຜົ້ງສາລີ 55 ຄົນ
- ບໍລິຄຳໄຊ 51 ຄົນ
- ອຸດົມໄຊ 38 ຄົນ
- ຄຳມ່ວນ 25 ຄົນ
- ສະຫວັນນະເຂດ 23 ຄົນ
- ຫຼວງນ້ຳທາ 22 ຄົນ
- ຊຽງຂວາງ 22 ຄົນ
- ຈຳປາສັກ 21 ຄົນ
- ອັດຕະປື 21 ຄົນ
- ຫຼວງພະບາງ 20 ຄົນ
- ໄຊສົມບູນ 19 ຄົນ
- ວຽງຈັນ 18 ຄົນ
- ບໍ່ແກ້ວ 17 ຄົນ
- ສາລະວັນ 13 ຄົນ
- ເຊກອງ 7 ຄົນ
- ຫົວພັນ 5 ຄົນ
ສ່ວນການຕິດເຊື້ອນໍາເຂົ້າ ມີ 4 ຄົນ ຈາກ ນະຄອນຫຼວງວຽງຈັນ 2 ຄົນ ສະຫວັນນະເຂດ 1 ຄົນ ແລະ ໄຊຍະບູລີ 1 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.
ຮອດປັດຈຸບັນມີຜູ້ຕິດເຊື້ອສະສົມທັງໝົດ 128.248 ກໍລະນີ ອອກໂຮງໝໍວັນທີ 19 ມັງກອນ 668 ຄົນ ກຳລັງປິ່ນປົວ 7.728 ຄົນ ແລະ ເສຍຊີວິດສະສົມທັງໝົດ 508 ຄົນ ໃນນີ້ເສຍຊີວິດໃໝ່ 1 ຄົນ ຈາກ ແຂວງຫຼວງນ້ຳທາ.
# ຂ່າວ & ພາບ : ຂັນທະວີ