ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ຖະແຫຼງຂ່າວ ກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະ ຍາດໂຄວິດ-19 ໃນທົ່ວໂລກ ປະຈໍາວັນທີ 12 ມັງກອນ 2022 ທີ່ກະຊວງສາທາລະນະສຸກວ່າ.
ໃນວັນທີ 11 ມັງກອນ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອພະຍາດໂຄວິດ-19 ທັງໝົດ 4.913 ຕົວຢ່າງ ໃນນັ້ນ ກວດພົບເຊື້ອພະຍາດໂຄວິດ-19 ຈຳນວນ 916 ຄົນ ເປັນການຕິດເຊື້ອ ພາຍໃນ 908 ຄົນ ແລະ ນໍາເຂົ້າ 8 ຄົນ ສຳລັບຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ 908 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ມີລາຍລະອຽດດັ່ງນີ້:
- ນະຄອນຫຼວງວຽງຈັນ 309 ຄົນ
- ແຂວງສະຫວັນນະເຂດ 16 ຄົນ
- ຈຳປາສັກ 16 ຄົນ
- ສາລະວັນ 19 ຄົນ
- ເຊກອງ 4 ຄົນ
- ອັດຕະປື 22 ຄົນ
- ບໍ່ແກ້ວ 38 ຄົນ
- ວຽງຈັນ 33 ຄົນ
- ຫຼວງພະບາງ 32 ຄົນ
- ຫຼວງນ້ຳທາ 25 ຄົນ
- ອຸດົມໄຊ 86 ຄົນ
- ຜົ້ງສາລີ 76 ຄົນ
- ໄຊຍະບູລີ 82 ຄົນ
- ຊຽງຂວາງ 39 ຄົນ
- ຄຳມ່ວນ 16 ຄົນ
- ບໍລິຄຳໄຊ 15 ຄົນ
- ໄຊສົມບູນ 17 ຄົນ
- ຫົວພັນ 63 ຄົນ
ການຕິດເຊື້ອນໍາເຂົ້າຈຳນວນ 8 ຄົນ ຈາກນະຄອນຫຼວງວຽງຈັນ 4 ຄົນ ແຂວງຈຳປາສັກ 3 ຄົນ ແລະ ແຂວງສະຫວັນນະເຂດ 1 ຄົນ.
ປັດຈຸບັນ ມີຜູ້ຕິດເຊື້ອສະສົມໃນ ສປປ ລາວ ທັງໝົດ 121.436 ຄົນ ອອກໂຮງໝໍວັນທີ 11 ມັງກອນ 2022 ຈຳນວນ 771 ຄົນ ກຳລັງປິ່ນປົວ 7.367 ຄົນ ແລະ ເສຍຊີວິດສະສົມທັງໝົດ 464 ຄົນ (ເສຍຊີວິດໃໝ່ 7 ຄົນ) ໃນນີ້ ຈາກນະຄອນຫຼວງ 4 ຄົນ ແຂວງສະຫວັນນະເຂດ 1 ຄົນ ບໍລິຄຳໄຊ 1 ຄົນ ແລະ ແຂວງເຊກອງ 1 ຄົນ.
ທົ່ວໂລກຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ ເຊິ່ງກໍລະນີຢັ້ງຢືນຕິດເຊື້ອ ທັງໝົດ 313.616.930 ຄົນ (ໃໝ່ 2.505.792 ຄົນ) ເສຍຊິວິດທັງໝົດ 5.520.067 ຄົນ (ໃໝ່ 7.353 ຄົນ) ແລະ ປີ່ນປົວຫາຍດີ 261.568.318 ຄົນ (ໃໝ່ 879.694 ຄົນ).
.
# ຂ່າວ- ພາບ : ຊິລິການດາ