ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຮັບຊາບກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ປະຈໍາວັນທີ 7 ມັງກອນ 2022 ຢູ່ກະຊວງສາທາລະນະສຸກ ວ່າ: ວັນທີ 6 ມັງກອນ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 5.475 ຕົວຢ່າງ ໃນຂອບເຂດທົ່ວປະເທດ ແລະ ກວດພົບເຊື້ອທັງໝົດ 1.020 ຄົນ (ຕິດເຊື້ອພາຍໃນ 1.018 ຄົນ ແລະ ນໍາເຂົ້າ 2 ຄົນ).
ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດ 1.018 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ໂດຍລຽງລຳດັບຈາກແຂວງຫຼາຍຫາໜ້ອຍ ມີລາຍລະອຽດ ດັ່ງນີ້:
- ນະຄອນຫຼວງ 432 ຄົນ
- ຫຼວງພະບາງ 83 ຄົນ
- ໄຊຍະບູລີ 80 ຄົນ
- ອຸດົມໄຊ 67 ຄົນ
- ຫຼວງນໍ້າທາ 62 ຄົນ
- ວຽງຈັນ 46 ຄົນ
- ຜົ້ງສາລີ 36 ຄົນ
- ບໍ່ແກ້ວ 34 ຄົນ
- ຊຽງຂວາງ 34 ຄົນ
- ຫົວພັນ 32 ຄົນ
- ບໍລິຄໍາໄຊ 26 ຄົນ
- ໄຊສົມບູນ 23 ຄົນ
- ຈໍາປາສັກ 15 ຄົນ
- ເຊກອງ 15 ຄົນ
- ຄໍາມ່ວນ 12 ຄົນ
- ສາລະວັນ 10 ຄົນ
- ສະຫັວນນະເຂດ 8 ຄົນ
- ອັດຕະປື 3 ຄົນ
ສໍາລັບການຕິດເຊື້ອນໍາເຂົ້າ ມີ 2 ຄົນ ແມ່ນຢູ່ນະຄອນຫຼວງວຽງຈັນ ກໍໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ຮອດປັດຈຸບັນ ມີຜູ້ຕິດເຊື້ອສະສົມຢຸ່ໃນ ສປປ ລາວ ທັງໝົດ 116.890 ກໍລະນີ ອອກໂຮງໝໍວັນທີ 6 ມັງກອນ 2022 1.435 ຄົນ ກຳລັງປິ່ນປົວ 7.064 ຄົນ ແລະ ເສຍຊີວິດສະສົມທັງໝົດ 421 ຄົນ (ເສຍຊີວິດໃໝ່ 10 ຄົນ) ຜູ້ເສຍຊີວິດໃໝ່ 10 ຄົນ ຈາກນະຄອນຫຼວງ 7 ຄົນ ແຂວງວຽງຈັນ 2 ຄົນ ແລະ ຄໍາມ່ວນ 1 ຄົນ.
ຈຸດບໍລິການເກັບຕົວຢ່າງ ເພື່ອກວດຫາເຊືື້ອໂຄວິດ-19 ທົ່ວປະເທດສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ ໂຮງໝໍເມືອງ ຫຼື ຈຸດກວດເພີ່ມເຕີມທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນ ກໍຍັງມີບໍລິການກວດເຄື່ອນທີ່ໃນຈຸດ ຫຼື ບ້ານທີ່ມີການລະບາດພາຍໃນ ເພື່ອຄົ້ນຫາຜູ້ຕິດເຊືື້ອໃໝ່.
ສໍາລັບຈຸດກວດຢູ່ນະຄອນຫຼວງວຽງຈັນ ຈຸດກວດຄົງທີ່ ສະໜາມກີລາໃນຮົ່ມ ບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງ ໜ່ວຍກວດເຄື່ອນທີ່:ສຳລັບເມືອງໄຊທານີ ສີສັດຕະນາກ ສີໂຄດຕະບອງ ມີເມືອງລະ 1 ທີມ ສ່ວນເມືອງນາຊາຍທອງ ແລະ ພະແນກສາທາລະນະສຸກ ນະຄອນຫຼວງວຽງຈັນ ມີ 2 ທີມ. ຈຸດບໍລິການສັກວັກຊີນ ຢູ່ນະຄອນຫຼວງວຽງຈັນ ມີໂຮງໝໍສູນກາງ (ມິດຕະພາບ ມະໂຫສົດ ເສດຖາທິລາດ ໂຮງໝໍສູນກາງ 103 ກອງທັບ ໂຮງໝໍ 5 ເມສາ ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ ໂຮງໝໍເມືອງ 9 ຕົວເມືອງ ວັດຈີນ ດົງປາແຫຼບ (ວັນຈັນ – ສຸກ) ສູນການຄ້າລາວ-ໄອເຕັກ (ວັນຈັນ – ສຸກ) ສຳລັບຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້.
..# ຂ່າວ- ພາບ : ສີພອນ