ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ້ການລະບາດພະຍາດໂຄວິດ-19 ໄດ້ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງຕົວເລກການຕິດເຊື້ອພະຍາດໂຄວິດ-19 ໃນທົ່ວໂລກ ປະຈໍາວັນທີ 6 ມັງກອນ 2022 ທີ່ກະຊວງສາທາລະນະສຸກວ່າ ໃນວັນທີ 5 ມັງກອນ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອພະຍາດໂຄວິດ-19 ທັງໝົດ 4.942 ຕົວຢ່າງ ໃນນັ້ນ ກວດພົບເຊື້ອພະຍາດໂຄວິດ-19 ທັງໝົດ 1.083 ຄົນ ເຊິ່ງເປັນການຕິດເຊື້ອພາຍໃນທັງໝົດ ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດຈາກ 17 ແຂວງ ແລະ ນະຄອນຫຼວງວຽງຈັນ ໂດຍຈະລຽງຕາມລຳດັບຈາກແຂວງຫຼາຍຫາໜ້ອຍດັ່ງນີ້:
- ນະຄອນຫຼວງວຽງຈັນ 347 ຄົນ
- ແຂວງອຸດົມໄຊ 143 ຄົນ
- ຜົ້ງສາລີ 91 ຄົນ
- ໄຊຍະບູລີ 83 ຄົນ
- ຫຼວງນ້ຳທາ 79 ຄົນ
- ວຽງຈັນ 57 ຄົນ
- ຫຼວງພະບາງ 45 ຄົນ
- ບໍ່ແກ້ວ 42 ຄົນ
- ຫົວພັນ 34 ຄົນ
- ເຊກອງ 32 ຄົນ
- ບໍລິຄຳໄຊ 31 ຄົນ
- ສາລະວັນ 22 ຄົນ
- ຊຽງຂວາງ 22 ຄົນ
- ຈຳປາສັກ 14 ຄົນ
- ຄຳມ່ວນ 12 ຄົນ
- ໄຊສົມບູນ 12 ຄົນ
- ອັດຕະປື 9 ຄົນ
- ແຂວງສະຫວັນນະເຂດ 8 ຄົນ.
ຮອດປັດຈຸບັນ ມີຜູ້ຕິດເຊື້ອພະຍາດໂຄວິດ-19 ສະສົມໃນ ສປປ ລາວ ທັງໝົດ 115.870 ຄົນ ອອກຈາກໂຮງໝໍໃນວັນທີ 5 ມັງກອນ 2022 (ມື້ວານນີ້) 292 ຄົນ ກຳລັງປິ່ນປົວ 8.129 ຄົນ ແລະ ເສຍຊີວິດສະສົມທັງໝົດ 411 ຄົນ (ເສຍຊີວິດໃໝ່ 2 ຄົນ) ສຳລັບຜູ້ເສຍຊີວິດໃໝ່ຈຳນວນ 2 ຄົນ ຈາກແຂວງວຽງຈັນ 1 ຄົນ ແລະ ແຂວງຫຼວງນ້ຳທາ 1 ຄົນ.
ໃນທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ ກໍລະນີຢັ້ງຢືນຕິດເຊື້ອທັງໝົດ 298.067.200 (ໃໝ່ 2.477.266 ຄົນ) ເສຍຊິວິດ 5.481.584 (ໃໝ່ 7.106 ຄົນ) ແລະ ປິ່ນປົວຫາຍດີ 256.749.413 (ໃໝ່ 640.289 ຄົນ).
# ຂ່າວ – ພາບ : ຊິລິການດາ