ທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ສປປ ລາວ ໄດ້ພົບປະກັບທ່ານ ສີ ຈິ້ນຜິງ ເລຂາທິການໃຫຍ່ ປະທານປະເທດ ສປ ຈີນ ຢ່າງເປັນທາງການ ວັນທີ 3 ທັນວາ ຜ່ານມາ ໃນຮູບແບບທາງໄກ ພ້ອມທັງເປັນສັກຂີພິຍານໃນພິທີເປີດໃຊ້ເສັ້ນທາງລົດໄຟ ລາວ-ຈີນ ເຊິ່ງເປັນໂຄງການປະຫວັດສາດຂອງປະເທດລາວ ແລະ ແຫຼມອິນດູຈີນໂດຍລວມ ຈາກນະຄອນຄຸນໝິງ ສປ ຈີນ ເຖິງນະຄອນຫຫຼວງວຽງຈັນ ສປປ ລາວ ເສັ້ນທາງລົດໄຟ ລາວ-ຈີນ ມີຄວາມຍາວ 1.035 ກິໂລແມັດ ເຊິ່ງຈະຊຸກຍູ້ການແລກປ່ຽນບຸຄະລາກອນ ສິນຄ້າ ແລະ ການຮ່ວມມືຮອບດ້ານໃນຫຼາຍຂົງເຂດຂອງພາກພື້ນ.
ພາຍຫຼັງການເປີດໃຊ້ເສັ້ນທາງລົດໄຟ ລາວ-ຈີນ ໄລຍະເວລາການເດີນທາງລະຫວ່າງນະຄອນຄຸນໝິງ ແລະ ນະຄອນຫຼວງວຽງຈັນກໍສັ້ນລົງ ສາມາດເດີນທາງເຖິງຈຸດໝາຍໄດ້ພາຍໃນວັນດຽວ ທາງລົດໄຟ ລາວ -ຈີນ ຈະກາຍເປັນສ່ວນສຳຄັນຂອງເສັ້ນທາງສາຍເໜືອ-ໃຕ້ຂອງແຫຼມອິນດູຈີນ ເປັນການອຳນວຍຄວາມສະດວກດ້ານການຄ້າ ແລະ ການເດີນທາງລະຫວ່າງສອງປະເທດ ແລະ ເພີ່ມທະວີສາຍພົວພັນມິດຕະພາບອັນເປັນມູນເຊື້ອຂອງປະຊາຊົນ ຈີນ-ລາວ ນີ້ແມ່ນເສັ້ນທາງລົດໄຟສາຍທຳອິດຂອງລາວ ທີ່ຈະປ່ຽນລາວຈາກ “ປະເທດທີ່ບໍ່ມີຊາຍແດນຕິດຈອດ” ເປັນ “ປະເທດທີ່ມີຊາຍແດນຕິດຈອດ” ແລະ ຈະສ້າງຄວາມເຊື່ອໝັ້ນ ແລະ ແຮງຊຸກຍູ້ຢ່າງຫຼວງຫຼາຍຕໍ່ການພັດທະນາພາກພື້ນ.
ພື້ນຖານໂຄງລ່າງດ້ານດີຈີຕອນຕາມທາງລົດໄຟ ມີຄວາມຈຳເປັນ ແລະ ມີຄວາມສຳຄັນຫຼາຍສໍາລັບທາງລົດໄຟທີ່ທັນສະໄໝ ຫົວເຫວີຍ ເຮັດວຽກຮ່ວມກັບລາວໂທລະຄົມ ເພື່ອສ້າງເຄືອຂ່າຍຄວາມຖີ່ກວ້າງຂອງໂທລະສັບມືຖື ຕາມເສັ້ນທາງລົດໄຟ ແລະ ສະໜອງການເຊື່ອມຕໍ່ 5G ໃຫ້ສະຖານີນະຄອນຫຼວງວຽງຈັນ ເຊິ່ງເປັນການຮັບປະກັນພິທີເປີດໃຊ້ທາງລົດໄຟຢ່າງຍິ່ງໃຫຍ່.
ທ່ານ ເລຂາທິການໃຫຍ່ ປະທານປະເທດ ສປປ ລາວ ແລະ ສປ ຈີນ ໄດ້ເປັນສັກຂີພິຍານໃນພິທີເປີດໃຊ້ທາງລົດໄຟ ລາວ-ຈີນ ໃນຮູບແບບທາງໄກ ເຊິ່ງຂັບເຄື່ອນໂດຍລະບົບການປະຊຸມ HUAWEI CLOUD meeting ພາຍຫຼັງສິ້ນສຸດພິທີດັ່ງກ່າວ ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍທີມງານຫົວເຫວີຍ ທີ່ພະຍາຍາມຢ່າງໃຫຍ່ຫຼວງ ເພື່ອເຮັດໃຫ້ພິທີດັ່ງກ່າວປະສົບຜົນສໍາເລັດ ໂດຍກ່າວວ່າ: ຫົວເຫວີຍເປັນບໍລິສັດທີ່ໜ້າເຊື່ອຖື ແລະ ເຊື່ອຖືໄດ້.
# ຂ່າວ & ພາບ : ສະບາໄພ