ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ປະຈໍາວັນທີ 2 ທັນວາ ປີ 2021 ວ່າ: ວັນທີ 1 ທັນວາ 2021 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 6.595 ຕົວຢ່າງ ໃນຂອບເຂດທົ່ວປະເທດ ຜົນວິເຄາະ ພົບເຊື້ອພາຍໃນທັງໝົດ 1.333 ກໍລະນີ ໂດຍມີລາຍລະອຽດດັ່ງນີ້.
- ນະຄອນຫຼວງ 605 ຄົນ ໃນ 204 ບ້ານ 9 ເມືອງ
- ແຂວງຫຼວງພະບາງ 83 ຄົນ ໃນ 32 ບ້ານ 5 ເມືອງ
- ແຂວງຄຳມ່ວນ 82 ຄົນ ໃນ 3 ບ້ານ 1 ເມືອງ
- ແຂວງຜົ້ງສາລີ 70 ຄົນ ໃນ 11 ບ້ານ 2 ເມືອງ
- ແຂວງສະຫວັນນະເຂດ 69 ຄົນ ໃນ 39 ບ້ານ 9 ເມືອງ
- ແຂວງບໍ່ແກ້ວ 61 ຄົນ ໃນ 25 ບ້ານ 4 ເມືອງ
- ແຂວງຈຳປາສັກ 61 ຄົນ ໃນ 35 ບ້ານ 7 ເມືອງ
- ແຂວງວຽງຈັນ 53 ຄົນ ໃນ 26 ບ້ານ 8 ເມືອງ
- ແຂວງອຸດົມໄຊ 44 ຄົນ ໃນ 23 ບ້ານ 2 ເມືອງ
- ແຂວງໄຊຍະບູລີ 42 ຄົນ ໃນ 14 ບ້ານ 5 ເມືອງ
- ແຂວງຫຼວງນ້ຳທາ 41 ຄົນ ໃນ 19 ບ້ານ 4 ເມືອງ
- ແຂວງຊຽງຂວາງ 30 ຄົນ ໃນ 11 ບ້ານ 3 ເມືອງ
- ແຂວງບໍລິຄຳໄຊ 28 ຄົນ ໃນ 12 ບ້ານ 6 ເມືອງ
- ແຂວງໄຊສົມບູນ 21 ຄົນ ໃນ 2 ບ້ານ 2 ເມືອງ
- ແຂວງຫົວພັນ 17 ຄົນ ໃນ 6 ບ້ານ 2 ເມືອງ
- ແຂວງເຊກອງ 15 ຄົນ ໃນ 10 ບ້ານ 3 ເມືອງ
- ແຂວງສາລະວັນ 10 ຄົນ ໃນ 6 ບ້ານ 3 ເມືອງ
- ແຂວງອັດຕະປື 1 ຄົນ ໃນ 1 ບ້ານ 1 ເມືອງ
ມາຮອດປັດຈຸບັນ ຕົວເລກຜູ້ຕິດເຊື້ອສະສົມພະຍາດໂຄວິດ-19 ຢູ່ ສປປ ລາວ 76.496 ຄົນ ເສຍຊີວິດສະສົມ 186 ຄົນ ໃນນີ້ເສຍຊິວິດໃໝ່ 8 ຄົນ ປິ່ນປົວຫາຍດີ ແລະ ກັບບ້ານວັນທີ 1 ທັນວາ ມີ 659 ຄົນກໍາລັງປິ່ນປົວ 12.170 ຄົນ.
ລາຍລະອຽດຜູ້ເສຍຊີວິດໃໝ່ 8 ຄົນ ມີດັ່ງນີ້
- ເພດຊາຍ ອາຍຸ 72 ປີ ບ້ານປ່າສັກ ເມືອງໄຊ ແຂວງອຸດົມໄຊ ພະຍາດປະຈຳຕົວ ໄຂ່ຫຼັງຊຸດໂຊມຊຳເຮື້ອ ບໍ່ໄດ້ຮັບການສັກຢາວັກຊີນ
- ເພດຊາຍ ອາຍຸ 68 ປີ ບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ພະຍາດປະຈຳຕົວ ຄວາມດັນເລືອດສູງ ແລະ ພະຍາດອັກເສບປອດ ໄດ້ສັກຢາວັກຊີນຄົບ
- ເພດຊາຍ ອາຍຸ 53 ປີ ບ້ານ ໜອງດ້ວງເໜືອ ເມືອງ ສີໂຄດຕະບອງ ນະຄອນຫຼວງວຽງຈັນ ພະຍາດປະຈຳຕົວ ໄຂ່ຫຼັງຊຸດໂຊມ ໄດ້ສັກຢາວັກຊີນ ແຕ່ບໍ່ຮູ້ຊະນິດ
- ເພດຊາຍ ອາຍຸ 58 ປີ ບ້ານຈັນສະຫວ່າງ ເມືອງ ສີໂຄດຕະບອງ ນະຄອນຫຼວງວຽງຈັນ ພະຍາດປະຈຳຕົວ: ຕັບອັກເສບບີ ແລະ ຕັບແຂງ ໄດ້ສັກຢາວັກຊີນຄົບ
- ເພດຍິງ ອາຍຸ 80 ປີ ບ້ານ ປາກກະຍຸງ ເມືອງ ວຽງຄຳ ແຂວງ ວຽງຈັນ ຜ່ານມາບໍ່ໄດ້ກວດສຸຂະພາບ ບໍ່ໄດ້ສັກວັກຊີນປ້ອງກັນໂຄວິດ
- ເພດຊາຍ ອາຍຸ 88 ປີ ບ້ານ ໜອງນາກ ເມືອງ ໂພນໂຮງ ແຂວງ ວຽງຈັນ ເຄີຍເປັນ ischemic stroke ຫຼາຍປີກ່ອນ ບໍ່ໄດ້ສັກວັກຊີນປ້ອງກັນໂຄວິດ
- ເພດຊາຍ ອາຍຸ 26 ປີ ບ້ານ ໜອງນາກ ເມືອງ ໂພນໂຮງ ແຂວງ ວຽງຈັນ ບໍ່ມີພະຍາດປະຈຳຕົວ ເປັນຄົນຕຸ້ຍ ນໍ້າໜັກ > 100 ກິໂລ ໄດ້ສັກວັກຊີນປ້ອງກັນໂຄວິດຄົບ
- ເພດຍິງ ອາຍຸ 52 ປີ ບ້ານສະພັງໝໍ້ ເມືອງໄຊເສດຖາ ນະຄອນຫຼວງວຽງຈັນ ພະຍາດປະຈໍາຕົວ ຄວາມດັນເລືອດສູງ ແລະ ເບົາຫວານ ໄດ້ສັກຢາວັກຊີນ 1 ເຂັມ.
# ຂ່າວ – ພາບ : ຂັນທະວີ