ທ່ານ ດຣ ນາງ ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະລະບາດວິທະຍາ ກະຊວງສາທາລະນະສຸກຖະແຫຼງຂ່າວປະຈຳວັນທີ 1 ພະຈິກ 2021 ຢູ່ກະຊວງສາທາລະນະສຸກວ່າ: ວັນທີ 31 ຕຸລາ 2021 ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ຈຳນວນ 5.213 ຕົວຢ່າງ ຜົນວິໄຈ ກວດພົບຜູ້ຕິດເຊືື້ອໃໝ່ທັງໝົດ 685 ຄົນ ໃນນັ້ນ ຕິດເຊື້ອພາຍໃນ 673 ຄົນ ແລະ ຕິດເຊື້ອນໍາເຂົ້າ 12 ຄົນ ໂດຍຂໍ້ມູນຫຍໍ້ກ່ຽວກັບການຕິດເຊືື້ອພາຍໃນ 673 ຄົນ ທັງໝົດມາຈາກ 14 ແຂວງ ເຊິ່ງຕິດເຊື້ອພາຍໃນຫຼາຍກວ່າໝູ່ແມ່ນຢູ່ນະຄອນຫຼວງວຽງຈັນ 345 ຄົນ ມາຈາກ 90 ບ້ານ ໃນ 8 ເມືອງຄື: ຈັນທະບູລີ 35 ຄົນ ຈາກ 13 ບ້ານ ເມືອງສີໂຄດຕະບອງ 43 ຄົນ ຈາກ 24 ບ້ານ ເມືອງໄຊເສດຖາ 43 ຄົນ ຈາກ 18 ບ້ານ ເມືອງສີສັດຕະນາກ 24 ຄົນ ຈາກ 10 ບ້ານ ເມືອງ ນາຊາຍທອງ 13 ຄົນ ຈາກ 7 ບ້ານ ເມືອງໄຊທານີ 25 ຄົນ ຈາກ 11 ບ້ານ ເມືອງ ຫາດຊາຍຟອງ 12 ຄົນ ຈາກ 6 ບ້ານ ແລະ ເມືອງສັງທອງ 3 ຄົນ ຈາກ 1 ບ້ານ.
ສຳລັບການຕິດເຊື້ອພາຍໃນຢູ່ແຂວງຕ່າງໆ ມີລາຍລະອຽດດັ່ງນີ້:
- ແຂວງຫຼວງພະບາງ: ມີ 102 ຄົນ 15 ບ້ານ ໃນ 4 ເມືອງ
- ແຂວງວຽງຈັນ: 75 ຄົນ 23 ບ້ານ ໃນ 8 ເມືອງ
- ແຂວງບໍ່ແກ້ວ: 35 ຄົນ 12 ບ້ານ ໃນ 1 ເມືອງ
- ແຂວງຫຼວງນໍ້າທາ: 20 ຄົນ 11 ບ້ານໃນ 3 ເມືອງ
- ແຂວງສະຫວັນນະເຂດ: 19 ຄົນ 8 ບ້ານ ໃນ 5 ເມືອງ
- ແຂວງອຸດົມໄຊ: 19 ຄົນ 13 ບ້ານໃນ 2 ເມືອງ
- ແຂວງຈໍາປາສັກ: 15 ຄົນ 9 ບ້ານ ໃນ 2 ເມືອງ
- ແຂວງຄໍາມ່ວນ 14 ຄົນ 8 ບ້ານ ໃນ 1 ເມືອງ
- ແຂວງບໍລິຄໍາໄຊ: 12 ຄົນ 5 ບ້ານໃນ 2 ເມືອງ
- ແຂວງເຊກອງ 9 ຄົນ 5 ບ້ານໃນ 1 ເມືອງ
- ແຂວງໄຊສົມບູນ: 5 ຄົນ 2 ບ້ານໃນ 2 ເມືອງ
- ແຂວງສາລະວັນ 2 ຄົນ 1 ບ້ານ ໃນ 1 ເມືອງ
- ແຂວງອັດຕະປືມີ: 1 ຄົນ 1 ບ້ານ ໃນ 1 ເມືອງ.
ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດທັງໝົດ 12 ຄົນ ໃນນັ້ນ 4 ຄົນຈາກແຂວງສະຫວັນນະເຂດ 4 ຄົນຈາກ ນະຄອນຫຼວງວຽງຈັນ 2 ຄົນຈາກບໍລິຄໍາໄຊ ແລະ 2 ຄົນຈາກ ແຂວງ ຈໍາປາສັກ
ມາຮອດວັນທີ 31 ຕຸລາ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 40.956 ຄົນ ເສຍຊີວິດສະສົມ 67 ຄົນ (ໃໝ່ 2) ປິ່ນປົວຫາຍດີ ແລະ ກັບບ້ານໃນມື້ວານ 219 ຄົນ ແລະ ກໍາລັງປິ່ນປົວ 7.381 ຄົນ.
# ຂ່າວ & ພາບ : ລັດເວລາ