ວັນທີ 22 ຕຸລາ 2021 ທີ່ສູນການຄ້າລາວ-ໄອເຕັກ ໄດ້ເປີດນໍາໃຊ້ລະຫັດ QR ໃນບັດຢັ້ງຢືນການຮັບວັກຊິນກັນພະຍາດໂຄວິດ-19 ຢ່າງເປັນທາງການ ເຊິ່ງລະບົບດັ່ງກ່າວ ຖືກພັດທະນາໂດຍກະຊວງສາທາລະນະສຸກ ອົງການອະນາໄມໂລກ ແລະ ຄູ່ຮ່ວມພັດທະນາ ໂດຍຈະເປັນບາດກ້າວສໍາຄັນໃນການຮັບປະກັນວ່າ ບັດຢັ້ງຢືນການຮັບວັກຊິນ ຈະແມ່ນບັດແທ້ ແລະ ສາມາດກວດສອບຜ່ານທາງດິຈີຕອນໄດ້.
![](https://v2.vientianemai.net/wp-content/uploads/2021/10/received_346237940590160.jpeg)
ເຂົ້າຮ່ວມພິທີເປີດນໍາໃຊ້ລະຫັດ QR ໃນຄັ້ງນີ້ ມີທ່ານ ດຣ ພອນ ປະເສີດ ອຸນາພົມ ຫົວໜ້າກົມອະ ນາໄມ ແລະ ສົ່ງເສີມສຸຂະພາບ ພ້ອມດ້ວຍຜູ້ຕາງໜ້າຈາກສູນສື່ສານເພື່ອສຸຂະພາບ ແລະ ສຸຂະສຶກສາ ສູນສຸຂະພາບແມ່ ແລະ ເດັກ ແລະ ອົງການອະນາມາໂລກ.
![](https://v2.vientianemai.net/wp-content/uploads/2021/10/received_629655121397300.jpeg)
ຜູ້ທີ່ຮັບບໍລິການວັກຊິນ ຂໍ້ມູນສ່ວນຕົວ ແລະ ຂໍ້ມູນກ່ຽວກັບວັກຊິນ ຈະຖືກບັນທຶກເຂົ້າໃນລະບົບຖານຂໍ້ມູນສໍາລັບວັກຊິນກັນພະຍາດໂຄວິດ- 19 ຈາກນັ້ນ ລະຫັດ QR ຈະຖືກສ້າງຂຶ້ນ ແລະ ພິມລົງໄປດ້ານຫຼັງຂອງບັດຢັ້ງຢືນການຮັບວັກຊິນ.
![](https://v2.vientianemai.net/wp-content/uploads/2021/10/received_890367081866557.jpeg)
# ຂໍ້ມູນ-ພາບ: ສູນສື່ສານເພື່ອສຸຂະພາບ ແລະ ສຸຂະສຶກສາ