ພີທີມອບ-ຮັບວັກຊິນສະປຸດນິກ ໄລ (Sputnik light) ຈັດຂຶ້ນວັນທີ 6 ຕຸລາ 2021 ທີ່ກະຊວງສາທາລະນະສຸກ ມອບໂດຍທ່ານ ວະລາດີເມຍ ກາລີນິນ ເອກອັກຄະລັດຖະທູດສະຫະພັນຣັດເຊຍປະຈຳ ສປປ ລາວ ກ່າວຮັບໂດຍທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ມີພະນັກງານກ່ຽວຂ້ອງສອງຝ່າຍເຂົ້າຮ່ວມ.
ວັນຊິນທີ່ໄດ້ຮັບຄັ້ງນີ້ ໄດ້ຮັບການຊ່ວຍເຫຼືອຈາກລັດຖະບານສະຫະພັນຣັດເຊຍຈໍານວນ 30.000 ໂດສ ເພື່ອນຳໃຊ້ເຂົ້າໃນການສ້າງພູມຄຸ້ມກັນໃຫ້ແກ່ສຸຂະພາບຂອງປະຊາຊົນ ເພື່ອປ້ອງກັນ ຕ້ານ ແລະ ສະກັດກັ້ນພະຍາດໂຄວິດ-19 ໃຫ້ທົ່ວເຖິງ ເຊິ່ງໄລຍະຜ່ານມາ ສປປ ລາວ ໄດ້ຮັບຈາກຊ່ວຍເຫຼືອທາງດ້ານວັກຊິນຈາກຫຼາຍປະເທດມາແລ້ວ ແລະ ສັກໃຫ້ປະຊສາຊົນໄປແລ້ວຈຳນວນໜຶ່ງ.
ໂອກາດດັ່ງກ່າວ ທ່ານ ບຸນແຝງ ພູມມະໄລສິດ ກໍໄດ້ສະແດງຄວາມຂອບໃຈມາຍັງທ່ານ ວະລາດີເມຍ ກາລີນິນ ກໍຄືລັດຖະບານຂອງສະຫະພັນຣັດເຊຍ ທີ່ມີຄວາມເປັນຫ່ວງເປັນໄຍຕໍ່ສຸຂະພາບຂອງປະຊາຊົນລາວ ເພື່ອໃຫ້ຫຼຸດຜ່ອນການຕິດເຊື້ອໂຄວິດ-19 ແລະ ຈະນຳເອົາວັກຊິນໄປສັກໃຫ້ກັບປະຊາຊົນກຸ່ມເປົ້າ ໝາຍໃຫ້ເກີດປະໂຫຍດສູງສຸດ.
# ຂ່າວ & ພາບ : ອົ່ນ ໄຟສົມທອງ