ກົມກວດກາ ກະຊວງພາຍໃນ ຈັດກອງປະຊຸມຈັດຕັ້ງຜັນຂະຫຍາຍເນື້ອໃນກອງປະຊຸມວຽກງານກວດກາ ທົ່ວປະເທດ ປະຈຳປີ 2020 ແລະ ສະຫຼຸບວຽກງານກວດກາ 5 ປີ ຂອງຄະນະກວດກາພັກກະຊວງພາຍໃນ ຂຶ້ນ ໃນວັນທີ 17 ສິງຫາ 2021 ເປັນປະທານຂອງທ່ານ ທອງຈັນ ມະນີໄຊ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງພາຍໃນ ມີຄະນະບໍລິຫານງານພັກກະຊວງພາຍໃນ ຄະນະກວດກາຈາກອົງການກວດ ກາລັດຖະບານ ຄະນະກວດກາພັກກະຊວງ ຄະນະໜ່ວຍພັກ ຄະນະຫ້ອງການ ບັນດາກົມ ສະຖາບັນ ສູນ ຜູ້ຮັບຜິດຊອບວຽກກວດກາພັກ-ວຽກກວດກາລັດ ແລະ ພະນັກງານ – ລັດຖະກອນ ກົມກວດກາ ເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ ເພື່ອຜັນຂະຫຍາຍເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະ ເທດ ປະຈຳປີ 2020 ແລະ ເຜີຍແຜ່ບັນດານິຕິກຳຂອງພັກ-ລັດ ກ່ຽວກັບວຽກງານກວດກາ ເພື່ອເຮັດໃຫ້ ພະນັກງານ-ລັດຖະກອນ ມີຄວາມຮັບຮູ້ ເຂົ້າໃຈຢ່າງເລິກເຊິ່ງ ກ່ຽວກັບວຽກງານກວດກາຫຼາຍຂຶ້ນກວ່າເກົ່າ ຖືເອົາວຽກງານກວດກາ ເປັນວຽກໜຶ່ງທີ່ສຳຄັນ ໄປຄຽງຄູ່ກັບການຊີ້ນຳ-ນຳພາເຄື່ອນໄຫວວຽກງານຕາມພາ ລະບົດບາດ ຂອບເຂດສິດ ແລະ ໜ້າທີ່ຄວາມຮັບຜິດຊອບຂອງຕົນ ແລະ ນຳເອົາເນື້ອຈິດໃຈຂອງກອງປະຊຸມໄປ ຈັດຕັ້ງຜັນຂະຫຍາຍເຂົ້າໃນວຽກງານຕົວຈິງຢູ່ບັນດາໜ່ວຍພັກໃຫ້ໄດ້ຮັບຜົນສຳເລັດ.
# ຂ່າວ-ພາບ : ຂັນທະວີ