ເພື່ອເປັນການຊົມເຊີຍວັນ ລັດຖະທຳມະນູນແຫ່ງຊາດ ຄົບຮອບ 30 ປີ ຢ່າງສຸດໃຈ (ວັນທີ 15 ສິງຫາ 1991-15 ສິງຫາ 2021) ສະໂມສອນບານເຕະສິລະປິນລາວ ຮ່ວມກັບສະມາຄົມສຽງແຄນລາວມີຄວາມພາກພູມໃຈ ແລະ ຊົມເຊີຍລັດຖະທຳມະນູນແຫ່ງຊາດຢ່າງສຸດໃຈ ໄດ້ສ້າງບົດເພງ ເພື່ອຄຳນັບຮັບຕ້ອນ ວັນດັ່ງກ່າວ ຈຳນວນ 3 ບົດເພງ ຄື:
ເພງໃຕ້ຟ້າລາວໃໝ່ເພງ ປະພັນໂດຍ ທ່ານບົວເງິນ ຊາພູວົງ ສິລະປິນແຫ່ງຊາດ ປະທານສະມາຄົມສິລະປິນລາວ ຮ້ອງໂດຍ: ບຸນມະນີ ພົມມະສານ 2 ເພງ ສັນລະເສີນລັດຖະທຳມະນູນ ປະພັນໂດຍ ທ່ານ ຄຳສະແຫວງ ຫວາດສະ ໜາສົ່ງ ນັກປະພັນເພງຮຸ້ນສືບທອດທັ້ງເປັນຄະນະບໍລິຫານງານສະມາຄົມສິລະປິນລາວ ຮ້ອງໂດຍ ບຸນມະນີ ພົມມະສານ ແລະ ເພັງທີ 3 ເພງຊີວິດໃໝ່ໃຕ້ລັດຖະທຳມະນູນ ປະພັນໂດຍ: ທ່ານ ຄຳສະແຫວງ ຫວາດສະໜາສົ່ງ ຮ້ອງໂດຍ: ຊາຍສະໝອນ ອໍຫຼວງເສກ ຄວບຄຸມການຜະລິດໂດຍ: ບຸນມະນີ ພົມມະສານ ປະທານສະໂມສອນບານເຕະລວມສິລະປິນລາວ ຄະນະບໍລິຫານງານສະມາຄົມສິລະປິນລາວ ຫົວໜ້າຫ້ອງການສະມາຄົມສຽງແຄນລາວ.
ທັງສາມບົດເພງນີ້ແມ່ນໄດ້ສ້າງສັນດົນຕີ ແລະ ຮ້ອງໃໝ່ເພື່ອເປັນການປະກອບສ່ວນສະເຫຼີມສະຫຼອງ 30 ປີ ວັນລັດຖະທຳມະນູນແຫ່ງຊາດຢ່າງສຸດໃຈ ໂດຍມີບັນດາບໍລະສັດ ແລະ ບຸກຄົນໄດ້ເຫັນຄວາມສຳຄັນໃນໂອາກາດວັນສຳຄັນດັ່ງກ່າວນີ້ ໃຫ້ການສະໜັບສະໜູນ ຄື: ບໍລິສັດຈະເລີນເຊກອງພະລັງງານຈຳກັດ ບໍລິສັດລາວໂທລະຄົມມະຫາຊົນ ບໍລິສັດໄຟຟ້ານໍ້າເທີນ ບໍລິສັດຮຸ່ງອາ ລຸນຂົນສົ່ງດ່ວນ, ທະນາຄານການຄ້າຕ່າງປະເທດມະຫາຊົນ ລັດວິສະຫະກິດນໍ້າມັນເຊື້ອໄຟລາວ ທ່ານນາງ ສຸປານີ ແກ້ວສຸລິຍາ ປະທານບໍລິສັດ 3 M ບໍລິການ TAKA JEWELRY ທ່ານນາງ ອ້ອຍໃຈ ເປິນສະມຸດ ການຜະລິດເພງແມ່ນສຳເລັດເປັນທີ່ຮຽບຮ້ອຍແລ້ວ ຈະນຳໄປມອບໃຫ້ສະພາແຫ່ງຊາດ ແລະ ສື່ຕ່າງໆເພື່ອນຳໃຊ້ແລະ ເຜືຍແຜ່ໃນໂອກາດຕໍ່ໄປ.