ທ່ານ ດຣ ບຸນນາໄລ ສີຫາກຸນ ຫົວໜ້າຫ້ອງການສາທາລະນະສຸກ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ຕາງໜ້າ ໃຫ້ການຕ້ອນຮັບເອົາການມອບ ອຸປະກອນເຄື່ອງຊ່ວຍເຫຼືອ ທາງດ້ານສາທາລະນະສຸກ ເພື່ອຊຸກຍູ້ວຽການຕ້ານ ໂຄວິດ 19 ຈາກ ບໍລິສັດ ເບຍລາວ ຈຳກັດ ທີ່ໃຫ້ການຊຸກຍູ້ປະກອບສ່ວນ ເພື່ອຊ່ວຍໃຫ້ພະນັກງານແພດໝໍທີ່ກຳລັງປະຕິບັດໜ້າທີ່ສ່ຽງ ຕໍ່ການຕ້ານການລະບາດເຊື້ອພະຍາດໂຄວິດ 19 ນັ້ນໄດ້ນຳໃຊ້ໃຫ້ມີຄວາມປອດໄພ.
ໃນວັນທີ 13 ສິງຫາ 2021 ທີ່ໂຮງໝໍເມືອງຫາດຊາຍຟອງ ໄດ້ມີພິທີມອບ-ຮັບເຄື່ອງກ່າວ ເຊີ່ງ ທ່ານ ສິດທິໄຊ ເກດຕະວົງ ຜູ້ອຳນວຍການຝ່າຍກິດຈະກຳເພື່ອສັງຄົມ ແລະ ບໍລິຫານ ຈາກບໍລິສັດ ເບຍລາວ ຈຳກັດ ເປັນຜູ້ກ່າວມອບ ແລະ ກ່າວຮັບເອົາ ໂດຍ ທ່ານ ດຣ ບຸນນາໄລ ສີຫາກຸນ ຫົວໜ້າຫ້ອງການສາທາລະນະສຸກ ເມືອງຫາດຊາຍຟອງ ພ້ອມພະນັກງານທັງສອງຝ່າຍເຂົ້າຮ່ວມ.
ສ່ວນປະເພດເຄື່ອງໄດ້ຈາກການສະໜັບສະໜູນນີ້ປະກອບມີ 5 ລາຍການ ໄດ້ແກ່ ເຄື່ອງວັດແທກຄວາມດັນແບບໂອໂຕເມຕິກ ຈໍນວນ 3 ຊຸດ ເຄື່ອງວັດແທກຄວາມດັນແບບທຳມະດາ ຈຳນວນ 10 ຊຸດ ເຄື່ອງວັດແທກອຸນຫະພູມ ອິນຟາເຣດ ຈຳນວນ 10 ອັນ ຜ້າປິດປາກ-ດັງ ທາງການແຜນ ຈຳນວນ 100 ກັບ ແລະ ຊົບມື ທາງການແພດ ຈຳນວນ 50 ກັບ ລວມມູຄ່າ 23 ລ້ານກວ່າກີບ ພ້ອມດຽວກັນ ທ່ານຫົວໜ້າຫ້ອງການສາທາລະນະສຸກເມືອງ ຍັງໄດ້ກ່າວສະແດງຄວາມຂອງໃຈ ມາຍັງ ທ່ານ ສິດທິໄຊ ເກດຕະວົງ ແລະ ບໍລິສັດ ເບຍລາວ ຈຳກັດ ທີ່ໃຫ້ການຊຸກຍູ້ຊ່ວຍເຫຼືອ ໂດຍສະເພາະກໍ່ແມ່ນວຽກງານປ້ອງກັນຕ້ານພະຍາດໂຄວິດ 19