ບໍລິສັດລຽງເຮັງກໍ່ສ້າງ ແລະ ຕະຫຼາດໜອງຈັນ (ຕະຫຼາດຂົວດິນ) ມອບເງິນຊ່ວຍເຫຼືອໃຫ້ແກ່ອົງການປົກຄອງນະຄອນຫຼວງວຽງັຈນ (ນວ) ໃນວັນທີ 12 ສິງຫາ 2021 ທີ່ຫ້ອງວ່າການປົກຄອງ ນວ ມອບໂດຍທ່ານ ບຸນກອງ ແສງດາລາ ປະທານບໍລິສັດລຽງເຮັງກໍ່ສ້າງ ແລະ ຕະຫຼາດໜອງຈັນ ຮັບໂດຍທ່ານ ອາດສະພັງທອງ ສີພັນດອນ ເຈົ້າຄອງ ນວ ມີພະນັກງານກ່ຽວຂ້ອງເຂົ້າຮ່ວມ.
ເງິນທີ່ນຳມາມອບຄັ້ງນີ້ ມີຈຳນວນ 200.000.000 ກີບ ເພື່ອປະກອບສ່ວນເຂົ້າໃນແຜນພັດທະນາເສດຖະ ກິດ-ສັງຄົມ ແລະ ຕ້ານການລະບາດຂອງພະຍາດໂຄວິດ-19 ຢູ່ບັນດາສູນກັກບໍລິເວນໃນ ນວ ເນື່ອງຈາກວ່າປັດຈຸບັນໄດ້ມີແຮງງານລາວທີ່ກັບຄືນມາຈາກປະເທດເພື່ອນບ້ານເຂົ້າມາ ນວ ນັບມື້ຫຼາຍຂຶ້ນ ແລະ ພົບຜູ້ຕິດເຊື້ອຫຼາຍຂຶ້ນໃນແຕ່ລະວັນ.
# ຂ່າວ & ພາບ : ອົ່ນ ໄຟສົມທອງ