ເພື່ອເປັນການປະກອບສ່ວນໃນການຕ້ານ ແລະ ປ້ອງກັນການລະບາດຂອງພະຍາດໂຄວິດ-19 ໃຫ້ນັບມື້ຫຼຸດລົງ ສະນັ້ນ ວັນທີ 10 ສິງຫາ 2021 ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ) ບໍລິສັດ ກັນລະຍາ ນຳເຂົ້າ ແລະ ສົ່ງອອກ ຈຳກັດຜູ້ດຽວ ໄດ້ນຳເອົາເຄື່ອງມາມອບໃຫ້ແກ່ອົງການປົກຄອງ ນວ ມອບໂດຍທ່ານ ຫຍຸຍ ສຸວັນນະໂສດ ຜູ້ອຳນວຍການບໍລິສັດກັນລະຍາ ນຳເຂົ້າ ແລະ ສົ່ງອອກ ຈຳກັດຜູ້ດຽວ ຮັບໂດຍທ່ານ ພູຂົງ ບັນນະວົງ ຮອງເຈົ້າຄອນ ນວ ມີພະນັກງານກ່ຽວຂ້ອງເຂົ້າຮ່ວມ.
ເຄື່ອງທີ່ນຳມາມອບຄັ້ງນີ້ ມີຜ້າອັດປາກ-ດັງ ຈຳນວນ 1.000 ກ່ອງ ມູນຄ່າ 8.000.000 ກວ່າກີບ ແລະ ເງິນສົດຈຳນວນ 20.000.000 ກີບ ເພື່ອນຳໃຊ້ເຂົ້າໃນການຕ້ານ ແລະ ສະກັ້ນການລະບາດຂອງພະຍາດໂຄວິດ-19 ຢູ່ສູນກັກບໍລິເວນໃນ ນວ ແລະ ໃນຕໍ່ໜ້າ ບໍລິສັດດັ່ງກ່າວຈະສືບຕໍ່ໃຫ້ການຊ່ວຍເຫຼືອຊຸດປ້ອງກັນໂຄວິດ-19 ໃຫ້ແກ່ພະນັກງານພາຍໃນສູນກັກບໍລິເວນ 100 ຊຸດ ແລະ ເງິນສົດ 30.000 ບາດອີກດ້ວຍ.
ໂອກາດນີ້ ທ່ານຮອງເຈົ້າຄອງ ນວ ໄດ້ສະແດງຄວາມຂອບໃຈມາຍັງບໍລິສັດດັ່ງກ່າວທີ່ໃຫ້ການຊ່ວຍເຫຼືອຄັ້ງນີ້ ແລະ ຈະນຳເອົາເຄື່ອງຈຳນວນດັ່ງໄປນຳໃຊ້ໃຫ້ເກີດປະໂຫຍດສູງສຸດ.
# ຂ່າວ & ພາບ : ອົ່ນ ໄຟສົມທອງ