ໃນລະຫວ່າງວັນທີ 01-02 ກໍລະກົດ 2021 ທີ່ສະພາແຫ່ງຊາດ ໄດ້ໄຂກອງປະຊຸມຄະນະປະຈໍາສະພາແຫ່ງຊາດ ປະຈໍາເດືອນມິຖຸນາ 2021 ເພື່ອປຶກສາຫາລື ແລະ ພິຈາລະນຫຼາຍບັນຫາສຳຄັນຂອງຊາດ ດັ່ງມີລາຍລະອຽດລຸ່ມນີ້
- ການກະກຽມກອງປະຊຸມຮ່ວມລະຫວ່າງຄະນະປະຈໍາສະພາແຫ່ງຊາດ ກັບຄະນະລັດຖະບານ
- ຄົ້ນຄວ້າການກໍານົດຫົວຂໍ້ແຜນການຕິດຕາມກວດກາ ຂອງຄະນະປະຈໍາສະພາແຫ່ງຊາດປະຈໍາ ປີ 2021
- ການກະກຽມ ແລະ ດໍາເນີນກອງປະຊຸມສະໄໝວິສາມັນເທື່ອທີ 01 ຂອງສະພາແຫ່ງຊາດຊຸດທີ IX
- ການຊີ້ນໍາ ພິຈາລະນາ ແລະ ຕົກລົງຂອງຄະນະປະຈໍາສະພາແຫ່ງຊາດໃນໄລຍະຜ່ານມາ
- ລາຍງານກ່ຽວກັບການກໍ່ສ້າງຫໍສະພາແຫ່ງຊາດຫຼັງໃໝ່
- ລາຍງານຜົນສໍາເລັດກອງປະຊຸມຄັ້ງປະຖົມມະລຶກຂອງສະພາປະຊາຊົນຂັ້ນແຂວງຊຸດທີ II ກອງປະຊຸມທາງໄກລະຫວ່າງກໍາມາທິການວຽກງານສະມາຊິກສະພາແຫ່ງຊາດ ແລະ ຄະນະ ສສຊ ປະຈໍາເຂດເລືອກຕັ້ງ (ຄົ້ນຄວ້າກົງຈັກເສນາທິການຂອງສະພາປະຊາຊົນຂັ້ນແຂວງ ຊຸດທີ II)
- ແຜນການລົງເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ IX ແລະ ແຜນການເຄື່ອນໄຫວ ລົງປະກາດການສ້າງຕັ້ງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທົ່ວປະເທດ
- ພິຈາລະນາຮັບຮອງເອົາຮ່າງມະຕິຂອງຄະນະປະຈໍາສະພາແຫ່ງຊາດ ວ່າດ້ວຍການແຕ່ງຕັ້ງຄະນະຊີ້ນໍາລວມການສ້າງ ແລະ ຍົກລະດັບຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ
- ລາຍງານຜົນການຕິດຕາມ ກວດກາການຈັດຕັ້ງປະຕິບັດຄໍາສັ່ງເລກທີ 15/ນຍ ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ ຄວບຄຸມ ແລະ ກຽມພ້ອມຮອບດ້ານເພື່ອຕ້ານພະຍາດໂຄວິດ-19 ໃນຂົງເຂດວຽກງານວັດທະນະທໍາ-ສັງຄົມ
- ການຈັດຕັ້ງປະຕິບັດແກ້ໄຂໜີ້ສິນໂຄງການລົງທຶນຂອງລັດ ດ້ວຍຮູບແບບການອ່ວຍໜີ້ສາມແຈ ແລະ ອອກພັນທະບັດໂດຍກົງໄລຍະທີ 1 ວົງເງິນ 5.000 ຕື້ກີບ
- ການຂໍພິຈາລະນາຍົກເວັ້ນພາສີ-ອາກອນ ສໍາລັບການນໍາເຂົ້າໜັງສືຜ່ານແດນ ສະຕິກເກີ ວີຊາ ແລະ ອຸປະກອນຕ່າງໆ ເພື່ອມາຮັບໃຊ້ໂຄງການໜັງສືຜ່ານແດນເອເລັກໂຕຣນິກ (E Passport) ຂອງກົງສູນກະຊວງການຕ່າງປະເທດ
- ການສະເໜີປັບປຸງກົດໝາຍວ່າດ້ວຍງົບປະມານແຫ່ງລັດ ກົດໝາຍວ່າດ້ວຍການຄຸ້ມຄອງໜີ້ສິນສາທາລະນະ ກົດໝາຍວ່າດ້ວຍການລົງທຶນຂອງລັດ (ສະບັບປັບປຸງປີ 2016) ກົດໝາຍວ່າດ້ວຍອາກອນມູນຄ່າເພີ່ມ ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ ກົດໝາຍວ່າດ້ວຍລະບົບການຊໍາລະ ກົດໝາຍວ່າດ້ວຍການກວດສອບແຫ່ງລັດ ກົດໝາຍວ່າດ້ວຍການກວດກາລັດ ແລະ ກົດໝາຍວ່າດ້ວຍແຮ່ທາດ
- ລາຍງານຄວາມກຽມພ້ອມຂອງກົດໝາຍທີ່ພົວພັນກັບວາລະແຫ່ງຊາດ ກ່ຽວກັບການແກ້ໄຂບັນຫາຢາເສບຕິດ ທີ່ຈະນໍາເຂົ້າພິຈາລະນາໃນກອງປະຊຸມສະໄໝວິສາມັນຂອງສະພາແຫ່ງຊາດ
- ລາຍງານຄວາມກຽມພ້ອມຂອງກົດໝາຍທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 02 ຂອງສະພາແຫ່ງຊາດ ຊຸດທີ IX ມີ 02 ກົດໝາຍ ຄື: ຮ່າງກົດໝາຍວ່າດ້ວຍຍານພາຫະນະທາງບົກ (ສ້າງໃໝ່) ແລະ ຮ່າງກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ (ສະບັບປັບປຸງ)
- ລາຍງານການເຄື່ອນໄຫວວຽກງານພົວພັນລັດຖະສະພາຫຼາຍຝ່າຍໃນໄລຍະ 05 ປີຜ່ານມາ ແລະ ທິດທາງແຜນການ ເຄື່ອນໄຫວວຽກງານລັດຖະສະພາໃນ 05 ປີຕໍ່ໜ້າ
- ສະຫຼຸບຕີລາຄາການພົວພັນ ແລະ ຮ່ວມມືລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ໃນໄລຍະ 05 ປີ (2016-2020) ແລະ ທິດທາງແຜນການພົວພັນຮ່ວມມື ໃນ 05 ປີ ຕໍ່ໜ້າ (2021-2025)
- ລາຍງານກ່ຽວກັບວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ
- ການສະເໜີແຕ່ງຕັ້ງຜູ້ພິພາກສາຊັ້ນໜຶ່ງ ປະຈໍາຢູ່ສານປະຊາຊົນສູງສຸດ ແລະ ການຂໍອະນຸມັດສ້າງຕັ້ງອົງການໄອຍະການປະຊາຊົນເຂດ III ແຂວງສາລະວັນ
- ຄົ້ນຄວ້າ ແລະ ພິຈາລະນາຄໍາຮ້ອງຂໍຄວາມເປັນທໍາຂອງກໍາມາທິການຍຸຕິທໍາສະພາແຫ່ງຊາດໃນໄລຍະຜ່ານມາ
- ລາຍງານການຈັດຕັ້ງຜັນຂະຫຍາຍມະຕິ 037/ຄບສພ ລົງວັນທີ 18 ມິຖຸນາ 2018 ຂອງຄະນະບໍລິຫານງານສູນກາງພັກ ແລະ ມະຕິກົມການເມືອງສູນກາງພັກ ສະບັບເລກທີ 112/ກມສພ ລົງວັນທີ 02 ມິຖຸນາ 2020
- ພິຈາລະນາຄາຮ້ອງຂໍຄວາມເປັນທໍາ ຂອງຫົວໜ່ວຍທຸລະກິດຈໍານວນໜຶ່ງ.