ກາແດງສາກົນ ແມ່ນອົງກອນໜຶ່ງທີ່ມີໜ້າທີ່ເຄືຶ່ອນໄຫວດ້ານມະນຸດສະທຳທີ່ຊ່ວຍເຫຼືອຄົນທຸກຍາກໃນເວລາເກິດໄພພິບັດສຸກເສີນ.
ຂະບວນການກາແດງສາກົນ: ແມ່ນການຮ່ວມສຳພັນບັນດາການຈັດຕັ້ງຂອງມວນມະນຸດທົ່ວໂລກ ທີ່ມີນ້ຳໃຈມະນຸດສະທຳ ເມດຕາອາລີ ເອື້ອເຟື້ອເຜື່ອແຜ່ ອຸທິດຕົນເພື່ອຊ່ວຍເຫຼືອຜູ້ອື່ນເວລາປະສົບໄພພິບັດ ທຸກທໍລະມານ ລຳບາກກາກກຳ ຕົກທຸກໄດ້ຍາກ ອານາຖາ ປ່ຽວພອຍດ້ອຍໂອກາດ ບໍ່ສາມາດຊ່ວຍໂຕເອງໄດ້. ໂດຍບໍ່ຫວັງສິ່ງຕອບແທນ ແລະ ສະແຫວງຜົນກຳໄລໃດໆ.
ຂະບວນການກາແດງສາກົນ ລວມມີ: 03 ອົງປະກອບຄື:
ຄະນະກຳມະການກາແດງສາກົນ ( ICRC) ຫຼື International Committee of TheRedCross
ໃນວັນທີ 14 ມິຖຸນາ 1859 ທ່ານ ອັງຣີດຸຍນັງ ນັກທຸລະກິດຊາວສວິດ ໄດ້ເດີນທາງໄປຜ່ານທົ່ງ ໂຊນເຟຣີໂນພາກເໜືອຂອງປະເທດອີຕາລີ ຊຶ່ງເປັນສະໝໍລະພູມລະຫວ່າງກອງທັບຝຣັ່ງ ແລະ ໂອຕຣິດ ທີ່ມີທະຫານບາດເຈັບ ແລະ ລົ້ມຕາຍຫຼາຍກ່ວາ 40.000 ຄົນ ຈາກເຫດການທີ່ໜ້າສະເທືອນຂວັນດັ່ງກ່າວ ທ່ານຈຶ່ງເກີດແນວຄວາມຄິດດ້ານມະນຸດສະທຳ ການຊ່ວຍເຫຼືອເປັນສິ່ງຈຳເປັນອັນຮີບດ່ວນ ທ່ານຈຶ່ງຕັດສິນໃຈໃຊ້ໂບດໃກ້ໆເປັນໂຮງໝໍຊົ່ວຄາວ ທ່ານໄດ້ຊ່ວຍເຫຼືອທະຫານຝຣັ່ງ ແລະ ໂອຕຣິດຢ່າງສະເໝີພາບກັນ ລວມທັງການຮັບຝາກຂໍມູນຂ່າວສານຂອງທະຫານທັງສອງຝ່າຍຈາກນັ້ນ ທ່ານໄດ້ກັບຄືນປະເທດສວິດ ແລະ ຂຽນປຶ້ມຫົວໜຶ່ງໃສ່ຊື່ວ່າ: ຄວາມຊົງຈຳແຫ່ງເມືອງໂຊນເຟຣີໂນ ຫຼື The memory of Solferino ໃນປຶ້ມນີ້ ທ່ານໄດ້ພັນລະນາສິ່ງທີ່ພົບເຫັນ ແລະ ສະເໜີສອງແນວຄວາມຄິດຄື: ທຸກໆປະເທດຕ້ອງມີອາສາສະໝັກເພື່ອໃຫ້ການຊ່ວຍເຫຼືອເວລາມີການປະທະກັນດ້ວຍອາວຸດ ແລະ ທຸກໆປະເທດຕ້ອງຮັບຜິດຊອບຕໍ່ທະຫານຂອງຕົນ ຈຶ່ງເປັນທີ່ມາຂອງກົດໝາຍມະນຸດສະທຳສາກົນຫຼື IHL( International Humanitarian Law ) ຈົນຮອດວັນທີ 23 ຕຸລາ 1863 ທ່ານ ອັງຣີດຸຍນັງ ກັບເພື່ອນອີກ 04 ຄົນ ຈຶ່ງໄດ້ສ້າງຕັ້ງຄະນະກຳມະການກາແດງສາກົນຂຶ້ນ ເພື່ອຈາລຶກຄຸນງາມງາມຄວາມດີຂອງທ່ານອັງອັງຣີດຸຍນັງ ເພີ່ນຈຶ່ງກຳນົດເອົາວັນທີ 08 ເດືອນ 05 ຂອງທຸກປີ ເປັນວັນສ້າງຕັ້ງກາແດງສາກົນ ຊຶ່ງຄະນະດັ່ງກ່າວມີ 04 ພາລະບົດບາດ ແລະ ໜ້າທີ່ຕົ້ນຕໍຄື:
ປົກປ້ອງ ແລະໃຫ້ການຊ່ວຍເຫຼືອແກ່ທະຫານ ແລະ ພົນລະເຮືອນທີ່ຖືກບາດເຈັບລົ້ມຕາຍຈາກການສູ້ຮົບກັນ (ການສູ້ຮົບດ້ວຍກຳລັງອາວຸດ);
ເຂົ້າຢ້ຽມຢາມຊະເລີຍເສິກທີ່ຖືກຈັບກຸມຄຸມຂັງ;
ສືບທາວ (ຊອກຫາ) ຫາຍາດພີ່ນ້ອງທີ່ພັດພາກຈາກກັນ ແລະ
ເຜີຍແຜ່ກົດໝາຍມະນຸດສະທຳສາກົນ.
ຄະນະກຳມະການກາແດງສາກົນ ມີສຳນັກງານໃຫຍ່ຕັ້ງຢູ່ນະຄອນ ເຈນີວາ ປະເທດສວິດ.ຄະນະນຳຂອງຄະນະກຳມະການກາແດງສາກົນ ແມ່ນຖືກພິຈາລະນາແຕ່ງຕັ້ງໂດຍລັດຖະບານປະເທດສະວິສ.
ສະຫະພັນກາແດງ ແລະ ຊີກວົງເດືອນແດງສາກົນ
(IFRC) International Federation of RedCross and Red Cresent Societies.
ສະຫະພັນກາແດງ ແລະ ຊີກວົງເດືອນແດງສາກົນ (IFRC) ຖືກສ້າງຕັ້ງຂຶ້ນໃນວັນທີ 05 ພຶດສະພາ 1919 ໂດຍ ມີ: 05 ປະເທດຄື: ອາເມຣິກາ ອັງກິດ ຝຣັ່ງ ອີຕາລີ ແລະ ຍີປຸ່ນ ເຂົ້າຮ່ວມ ຊຶ່ງແມ່ນທ່ານ ອັງຣີ ເດວິດສັນ ປະທານກາແດງອາເມຣິກາ ເປັນຜູ້ສະເໜີກໍ່ຕັ້ງ. ຄະນະດັ່ງກ່າວມີພາລະບົດບາດໜ້າທີ່ດັ່ງນີ້:
ຊ່ວຍເຫຼືອຜູ້ໄດ້ຮັບເຄາະຮ້າຍຕ່າງໆຈາກທຳມະຊາດ ແລະ ມະນຸດສ້າງຂຶ້ນ;
ເປັນຕົວແທນ ແລະ ເປັນກະບອກສຽງໃຫ້ແກ່ກາແດງແຫ່ງຊາດຕ່າງໆໃນເວທີສາກົນ;
ປະສານສົມທົບວຽກງານສຸກເສີນໃນຍາມສັນຕິພາບ
ຊ່ວຍເຫຼືອກາແດງປະເທດຕ່າງໆ ໃນການວາງແຜນພັດທະນາຢ່າງຮອບດ້ານໃຫ້ຍືນຍົງ ແລະ ຂະຫຍາຍກາແດງໃຫ້ຫຼາຍຂຶ້ນໃນທົ່ວໂລກ.
ສະຫະພັນກາແດງ ແລະ ຊີກວົງເດືອນແດງສາກົນ ມີສຳນັກງານໃຫຍ່ຕັ້ງຢູ່ນະຄອນເຈນີວາ ປະເທດສວິດ
ຄະນະນຳຂອງສະຫະພັນກາແດງ ແລະ ຊີກວົງເດືອນແດງສາກົນ ຖືກເລືອກຕັ້ງຈາກກອງປະຊຸມສະມັດຊາໃຫຍ່ ຊຶ່ງຈັດຂຶ້ນທຸກໆ 4 ປີ. ກອງປະຊຸມຄັ້ງຫຼ້າສຸດ ໄດ້ຈັດຂຶ້ນທີ່ນະຄອນ ອານຕາເລຍ ປະເທດຕັວກດີ 05-11/11/2017 ມີຜູ້ແທນເຂົ້າຮ່ວມ 1200 ທ່ານ ຈາກ 190 ປະເທດ.
ສະພາກາແດງ; ສະພາຊີກວົງເດືອນແດງ ແລະ ອົງການກາແດງປະເທດຕ່າງໆ (NS) National Societies.
ການກຳເນີດ ແລະ ການຂະຫຍາຍຕົວຂອງບັນດາສະພາກາແດງ ສະພາຊີກວົງເດືອນແດງ ແລະ ອົງການກາແດງແມ່ນຂຶ້ນກັບເງື່ອນໄຂຈຸດພິເສດ,ເຈຕະນາລົມຂອງກຸ່ມຄົນ ແລະ ບຸກຄົນແຕ່ລະປະເທດ (ຕົວຢ່າງ: ສະພາກາແດງຈີນຫວຽດນາມ ໄທ ກຳປູເຈຍ…). ບັນດາສະພາກາແດງ ສະພາຊີກວົງເດືອນແດງ ແລະ ອົງການກາແດງແຕ່ລະປະເທດປັດຈຸບັນມີ 191 ປະເທດທີ່ມີການຈັດຕັ້ງ ແລະ ເຄື່ອນໄຫວຕາມ 07 ຫຼັກການພື້ນຖານຂອງຂະວນການກາແດງສາກົນ ສົນທິສັນຍາສາກົນ ແລະ ອານຸສັນຍາທີ່ເປັນພາຄີບົນພື້ນຖານລັດຖະທຳມະນູນຂອງປະເທດຕົນ.
ປະທານສະພາກາແດງ ສະພາຊີກວົງເດືອນແດງ ແລະ ອົງການກາແດງຂອງແຕ່ລະປະເທດ ແມ່ນຈະຖືກເລືອກຕັ້ງ ຫຼືແຕ່ງຕັ້ງຈາກລັດຖະບານປະເທດນັ້ນໆ.
03 ອົງປະກອບຂະບວນການກາແດງສາກົນ ລ້ວນແຕ່ເຄືຶ່ອນໄຫວຕາມ 07 ຫຼັກການພື້ນຖານຂອງຂະວນການກາແດງສາກົນ:
ຂະບວນການການກາແດງສາກົນເຄື່ອນໄຫວພາຍໃຕ້ເຄື່ອງໝາຍ ແລະ ສັນຍາລັກດັ່ງນີ້:
ໃນປີ 1864 ກອງປະຊຸມການທູດ 16 ປະເທດໄດ້ຮັບຮອງເອົາກາກະບາດສີແດງເທິງພື້ນ ສີຂາວ (ປີ້ນກັບທຸງຊາດ ສວິດ) ເປັນເຄື່ອງໝາຍຂອງອາສາສະໝັກ ມີສອງຈຸດປະສົງຄື: ປົກປ້ອງ (ໃຊ້ໃນຍາມມີຂໍ້ຂັດແຍ່ງດ້ານກຳລັງອາວຸດ) ແລະ ຊີ້ບອກ (ໃຊ້ໃນຍາມສັນຕິພາບ) ຮອດປີ 1867 ຢູ່ແຖບຕາເວັນອອກກາງ ໄດ້ຮັບຮອງເອົາກາຊີກວົງເດືອນແດງ ເປັນເຄື່ອງໝາຍມະນຸດສະທຳປະຈຳຊາດຕົນ, ມີຄຸນຄ່າເທົ່າກັບກາກະບາດສີແດງ ໃນ 192 ປະເທດ ມີ 35 ປະເທດໃຊ້ ຊີກວົງເດືອນແດງ (ປະເທດທີ່ຖືອິສ໌ສລາມ); ໃນອາຊຽນ ມີ 02 ປະເທດໃຊ້ກາຊີກວົງເດືອນແດງຄື: ມາເລເຊຍ ແລະ ບຣູໄນ.
ສ່ວນ ສປປ ລາວ ແມ່ນໄດ້ປະກອບສ່ວນຢ່າງຕັ້ງໜ້າໃນການຜັນຂະຫຍາຍພາລະບົດບາດກາແດງສາກົນເປັນຕົ້ນແມ່ນການເຜີຍແຜ່ກົດໝາຍມະນຸດສາທຳສາກົນການ ຮັບເອົາການຊ່ວຍເຫຼືອຕ່າງໆມາຈັດຕັ້ງເປັນໂຄງການ.
ສ່ວນອົງການກາແດງລາວ ໃນຖານະທີ່ເປັນສຳມະຊິກກາແດງສາກົນ ກໍໄດ້ຈັດຕັ້ງປະຕິບັດຜັນຂະຫຍາຍຫຼັກການມະນຸດສະທຳປະກອບສ່ວນເຂົ້າໃນການຊ່ວຍເຫຼືອປະຊາຊົນຜູ້ທຸກຍາກທີ່ເກິດໄພພິບັດໃນເວລາສຸກເສິນ ເປັນຕົ້ນ ໃນປີ 2020 ນີ້. ອົງການກາແດງລາວໄດ້ໃຫ້ການຊ່ວຍເຫຼືອປະຊາຊົທີ່ປະສົບໄພທໍາມະຊາດໃນທົ່ວປະເທດ 17 ແຂວງ ແລະ 01 ນະຄອນຫລວງ ໂດຍສະເພາະແມ່ນໄພນໍ້າຖ້ວມທີ່ແຂວງພາກກາງ ແລະ ໃຕ້ ຂອງ ສປປ ລາວ. ຈາກໄພທໍາມະຊາດມີ 219 ເມືອງ 857 ບ້ານ, 34.569 ຄອບຄົວ ຈຳນວນພົນ 180.,417 ຄົນ ຍິງ 96.067 ຜູ້ທີ່ໄດ້ຮັບຜົນປະໂຫຍດ ຈຳນວນ 17 ແຂວງ ແລະ 01 ນະຄອນຫລວງ, 190 ເມືອງ, 497 ບ້ານ, 21.046 ຄອບຄົວ, ຈຳນວນພົນ 91.789 ຄົນ, ຍິງ 45.286 ຄົນ ລວມມູນຄ່າການຊ່ວຍເຫລືອທັງຫມົດ 5.603.621.902 ກີບ, ໃນນີ້ ໄດ້ຮັບທຶນຊ່ວຍເຫລືອຈາກກາແດງສາກົນ ແລະ ກາແດງເພື່ອນມິດ 4.592.218.160 ກີບ ຈາກສັງຄົມທັງພາຍໃນ ແລະ ຕ່າງປະເທດ 278.992.500 ກີບ ງົບປະມານຈາກພາກສ່ວນແຂວງປະກອບສ່ວນ 692.826.242 ກີບ ແລະ ຈາກແຫລ່ງທຶນ ກດລ ສູນກາງ 39.585.000 ກີບ;
ການບໍລິຈາກເລືອດ ໄດ້ຮັບບໍລິຈາກເລືອດທັງໝົດ 60.358 ຖົງ ມີຄົນເຈັບໄດ້ຮັບຜົນປະໂຫຍດຈຳນວນ 48.532 ຄົນ.
ຜູ້ເຂົ້າຮ່ວມບໍລິຈາກເລືອດທັງຫມົດມີ 60.358 ຄົນ ຍິງ 29.648 ຄົນ ໄດ້ແຈກຈ່າຍເລືອດທັງໝົດ 70.450 ຖົງ ເຊິ່ງເປັນຈໍານວນຄົນເຈັບຫລາຍກວ່າ 46.000 ເທື່ອຄົນ .
ວຽກງານສົ່ງເສີມສຸຂະພາບຂັ້ນພື້ນຖານ ໄດ້ເອົາໃສດູແລຜູ້ຕິດເຊື້ອເອດສ໌ ໄດ້ 90 ຄັ້ງ ມີຜູ້ເຂົ້າຮ່ວມທັງຫມົດ 1.548 ຄົນ ຍິງ 930 ຄົນ.
ສ້າງວິດຖ່າຍໃຫ້ປະຊາຊົນຜູ້ທຸກຍາກ ຈຳນວນ 520 ໜ່ວຍ ຢູ່ 10 ບ້ານເປົ້າຫມາຍຂອງໂຄງການຟື້ນຟູຫລັງໄພພິບັດ ເມືອງສະຫນາມໄຊ ແຂວງອັດຕະປື;ແຈກຢ່າຍ
ເຄື່ອງບຳບັດນ້ຳນ້ຳສະອາດ AP700 ແລະ ແຈຢາຍໃຫ້ 05 ແຂວງ: ໃນເວລາເກິດພິບັດ ຝຶກອົບຮົມ “ການເປັນຄູຝຶກປະຖົມພະຍາບານ” ໃຫ້ພະນັກງານກາແດງ ແລະ ອາສາສະຫມັກອົງການກາ ແດງ 08 ແຂວງພາກເຫນືອ ເຂົ້າຮ່ວມຈໍານວນ 313 ຄົນ ຍິງ 104 ຄົນ
ວຽກງານກູ້ໄພສຸກເສີນ ໄດ້ຊ່ວຍເຫຼືອຜູ້ປະສົບອຸປະຕິເຫດຢູ່ນະຄອນຫລວງວຽງຈັນທັງໝົດ 1.571 ຄັ້ງ ຊ່ວຍເຫຼືອຄົນເຈັບ 1.654 ຄົນ ຍິງ 653 ຄົນ ເສຍຊີວິດ 122 ຄົນ ຍິງ 35 ຄົນ ນໍາສົ່ງຄົນເຈັບທີ່ເປັນພະຍາດກະທັນຫັນສຸກເສີນຕ່າງໆໄປໂຮງໝໍ 509 ຄົນ ຍິງ 200 ຄົນ.
ສະເພາະການລະບາດຂອງພະຍາດໂຄວິດນີ້ ອົງການກາແດງລາວໄດ້ເອົາໃຈໃສ່ສະກັດກັ້ນ ແລະ ປ້ອງກັນເປັນແມ່ນໄດ້ແຕ່ງຕັ້ງຄະນະກຳມະການໜຶ່ງຂື້ນເພື່ອປະສານງານກັບຄະນະກຳມະການແຫ່ງຊາດໃນການຈັດຕັ້ງ ເຄື່ອນໄຫວຕາມສິດ ແລະ ຂອບເຂດຂອງອົງການກາແດງລາວ ເປັນຕົ້ນແມ່ນໄດ້ຝຶກອົບຮົມການເປັນຄູຝຶກການປ້ອງກັນ ແລະ ຄວບຄຸມພະຍາດໂຄວິດໄດ້ 281 ຄົນ ຍິງ 136 ຄົນ;
– ໄດ້ລົງພົ່ນຢາຂ້າເຊື້ອສຳນັກງານ-ອົງການ ທັງພາກລັດ ແລະ ເອກະຊົນ 35 ຄັ້ງ. ລົງໂຄສະນາສຸຂະສຶກສາກ່ຽວກັບການປ້ອງກັນພະຍາດລະບາດໂຄວິດ-19 ໃຫ້ພາກສ່ວນຕ່າງໆ ໄດ້ 40 ຄັ້ງ ມີຜູ້ເຂົ້າຮ່ວມທັງຫມົດ 1.116 ຄົນ ຍິງ 757 ຄົນ;
ການຈັດຕັ້ງປະຕິບັດໂຄງການຕ່າງໆໃນການຊ່ວຍເຫຼືອ ແມ່ນການສະໜັບສະໜູນຂອງຄະນະກຳມະການກາແດງສາກົນ ສະຫະພັນກາແດງສາກົນ ແລະ ຊິກວົງແດງສາກົນ ແລະ ກາແດງເພື່ອນ ທີ່ໄດ້ໃຫ້ການສະໜັບສະໜູນມາຕະຫລອດ ເນື່ອງໃນວັນສ້າງຕັ້ງກາແດງສາກົນ ອົງການກາແດງ ຕາງໜ້າການນຳພັກ-ລັດປະຊາຊົນລາວທັງຊາດ ຂໍສະແດງຄວາມພາກພູມໃຈ ແລະ ຊົມເຊີຍວັນທີ 8/5/1863-8/5/2021 ຄົບ 158 ປີ ຢ່າງສຸດໃຈ ຊົມເຊີຍ