ວັນທີ 11-12 ເມສາ 2020 ການນໍານະຄອນຫຼວງວຽງຈັນ ໄດ້ລົງເຄື່ອນໄຫວມອບເຄື່ອງອຸປະກອນການແພດທີ່ຈໍາເປັນໃຫ້ 9 ຕົວເມືອງອ້ອມຂ້າງນະຄອນຫຼວງວຽງຈັນ ເພື່ອນໍາໃຊ້ເຂົ້າໃນການປ້ອງກັນ ສະກັດກັ້ນ ແລະ ເຝົ້າລະວັງການແຜ່ລະບາດຂອງເຊື້ອພະຍາດຈຸລະໂຣກສາຍພັນໃໝ່ (COVID-19).
ເຄື່ອງອຸປະກອນຈໍາເປັນທີ່ນໍາມາມອບໃຫ້ແຕ່ລະເມືອງຄັ້ງນີ້ ແມ່ນມອບຜ້າອັດປາກ-ອັດດັງເມືອງລະ 30 ກັບ ພ້ອມເຫຼົ້າ 90 ເມືອງລະ 10 ລິດ ນອກນັ້ນ ຍັງມີຜູ້ອຸປະຖໍາຈາກພາກສ່ວນຫົວໜ່ວຍທຸລະກິດ ເອກະຊົນຂອງແຕ່ລະເມືອງ ມາມອບເຄື່ອງປ້ອງກັນພະຍາດໂຄວິດ19 ຕື່ມອີກ.
