ສປປ ລາວ ພົບຜູ້ຕິດເຊື້ອ ໂຄວິດ-19 ໃໝ່ 2 ກໍລະນີ ເປັນສັນຊາດໄທ 1 ກໍລະນີ ເຊິ່ງທັງສອງກໍລະນີແມ່ນໄດ້ເຂົ້າຮັບການປິ່ນປົວທີ່ໂຮງໝໍມິດຕະ ພາບ ສົ່ງຜົນໃຫ້ຈໍານວນຜູ້ຕິດເຊື້ອນັບແຕ່ເດືອນມັງກອນ 2020 ຮອດ ປັດຈຸບັນ ພົບເຊື້ອສະສົມ 51 ກໍລະນີ ຈາກການເກັບຕົວຢ່າງມາກວດທັງ ໝົດ 142.596 ຕົວຢ່າງ.
ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ພ້ອມ ດ້ວຍ ທ່ານ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດ ວິທະຍາ ກະຊວງສາທາລະນະສຸກ ຕາງໜ້າໃຫ້ຄະນະສະເພາະກິດ ເພື່ອປ້ອງ ກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງ ຂ່າວໃຫ້ຮູ້ວັນທີ 11 ເມສາ 2021ວ່າ: ວັນທີ 10 ເມສາ 2021 ໄດ້ເກັບຕົວ ຢ່າງມາກວດວິເຄາະທັງໝົດ 1.607 ຄົນ ຜົນກວດວິເຄາະທັງໝົດ ແມ່ນ ພົບຜູ້ຕິດເຊື້ອໃໝ່ 2 ກໍລະນີຄື: ກໍລະນີຢັ້ງຢືນທີ 50 ເພດຊາຍ ອາຍຸ 41 ປີ ສັນຊາດໄທ ອາຊີບ ນັກທຸລະກິດ ປັດຈຸບັນຜູ້ກ່ຽວໄດ້ອາໄສຢູ່ ສປປ ລາວ ນັບແຕ່ ເດືອນກຸມພາ ປີ 2020 ຢຢູ່ເມືອງຈັນທະບູລີ ນະຄອນຫຼວງວຽງຈັນ ໃນໄລຍະ 1 ອາທິດກ່ອນໜ້ານີ້ ຜູ້ກ່ຽວມີປະຫວັດສຳຜັດກັບຄົນທີ່ເດີນທາງ ມາຈາກປະເທດໄທ ທີ່ລັກລອບເຂົ້າມາ ສປປ ລາວ ບໍ່ຖືກລະບຽບ ວັນທີ 8 ເມສາ 2021 ຜູ້ກ່ຽວຮູ້ສຶກໄຂ້ ໄອ ປວດຕາມຕົນໂຕ ແລະ ເຈັບຄໍ ວັນທີ 10 ເມສາ 2021 ໄດ້ໄປກວດຢູ່ໂຮງໝໍມິດຕະພາບ ແລະ ພົບເຊື້ອ COVID-19 ປັດຈຸບັນ ຜູ້ກ່ຽວໄດ້ຮັບການປິ່ນປົວຢູ່ໂຮງໝໍມິດຕະພາບ ກະຊວງສາທາລະ ນະສຸກ ໄດ້ສົ່ງທີມງານລົງສອບສວນ ແລະ ເກັບກຳປະຫວັດການເດີນທາງ ຂອງຜູ້ກ່ຽວ ໄດ້ຕິດຕາມຜູ້ສຳຜັດໃກ້ຊິດທັງໝົດ 10 ຄົນ ໄດ້ເກັບຕົວຢ່າງ ມາກວດວິເຄາະ ແລະ ກກຳລັງລໍຖ້າຜົນກວດ ພ້ອມດຽວກັນ ຍັງໄດ້ສືບຕໍ່ ເຝົ້າລະວັງ ແລະ ຈຳກັດບໍລິເວນຜູ້ສຳຜັດໃກ້ຊິດຈົບຄົບ 14 ວັນ.
ສ່ວນກໍລະນີຢັ້ງຢືນທີ 51 ເພດຊາຍ ອາຍຸ 41 ປີ ສັນຊາດລາວ ອາຊີບ ພະນັກ ງານ ກ່ອນເດີນທາງກັບມາ ສປປ ລາວ ຜູ້ກ່ຽວໄດ້ກວດຊອກຫາເຊື້ອພະ ຍາດ ໂຄວິດ-19 ໃນວັນທີ 6 ເມສາ 2021 ແລະ ບໍ່ພົບເຊື້ອ (ກວດຢູ່ປະເທດ ມົງໂກນ) ວັນທີ 7 ເມສາ 2021 ຜູ້ກ່ຽວໄດ້ເດີນທາງຈາກປະເທດມົງ ໂກນ ຫາສະ ໜາມບິນອິນຊອນ ປະເທດເກົາຫຼີໃຕ້ ແລະ ມາຮອດສະໜາມ ບິນ ສາກົນວັດໄຕ ສປປ ລາວ ໃນວັນທີ 9 ເມສາ 2021 ວັນທີ 10 ເມສາ ຜົນ ກວດວິເຄາະຢັ້ງຢືນວ່າ ພົບເຊື້ອໂຄວິດ-19 ຈຶ່ງໄດ້ນຳສົ່ງຜູ້ກ່ຽວເຂົ້ານອນ ແຍກປ່ຽວ ຕິດຕາມອາການ ແລະ ນອນປິ່ນປົວຢູ່ໂຮງໝໍມິດຕະພາບ ພວກເຮົາໄດ້ຕິດຕາມຜູ້ສຳຜັດໃກ້ຊິດທັງໝົດ 31 ຄົນ ແລະ ໄດ້ເກັບຕົວ ຢ່າງມາກວດວິເຄາະ ເຫັນວ່າ ຜົນກວດທັງໝົດ ແມ່ນບ່ໍພົບເຊື້ອ ພ້ອມ ດຽວກັນ ໄດ້ສືບຕໍ່ເຝົ້າລະວັງ ແລະ ຈຳກັດບໍລິເວນຜູ້ສຳຜັດໃກ້ຊິດຈົບຄົບ 14 ວັນ.