ບໍລິສັດ ລ້ານຊ້າງ ມີເນໂຣນສ໌ ລິມິເຕັດ ບໍ່ຄຳ-ທອງເຊໂປນ (ລຊມລ) ມອບຄ່າຊັບພະຍາກອນແຮ່ທາດຈາກການຜະລິດ-ຈຳໜ່າຍໂລຫະຄຳ ແລະ ທອງ ຂອງໄຕມາດທີ 4 ປີ 2020 ຈໍານວນ 3.438.220,28 ໂດລາສະຫະລັດ ໃຫ້ລັດຖະບານລາວ ວັນທີ 29 ມີນາ 2021 ເຊິ່ງມອບໂດຍທ່ານ ພໍ ແຮຣິສ ຜູ້ຈັດການໃຫຍ່ ລຊມລ ແລະ ຮັບໂດຍທ່ານ ພູດົງ ສຸຂະວົງ ຫົວໜ້າກົມຄຸ້ມຄອງຊັບສິນແຫ່ງລັດ ກະຊວງການເງິນ ມີທ່ານ ສະໝານ ອະເນກາ ຜູ້ອຳນວຍການໃຫຍ່ ລຊມລ ແລະ ພາກສ່ວນກ່ຽວຂ້ອງເຂົ້າຮ່ວມ.
ຍອດລາຍຈ່າຍຄ່າພາສີຊັບພະຍາກອນແຮ່ທາດໃຫ້ລັດຖະບານທັງໝົດຂອງປີ 2020 ເທົ່າກັບ 14,5 ລ້ານໂດລາສະຫະລັດ ນອກຈາກພັນທະອື່ນໆທີ່ໄດ້ມອບເຂົ້າເປັນລາຍຮັບຂອງລັດຖະບານ ເປັນຕົ້ນ ອາກອນກຳໄລ ອາກອນນ້ຳມັນເຊື້ອໄຟ ແລະ ອາກອນລາຍໄດ້.
ນັບແຕ່ເລີ່ມມີການຂຸດຄົ້ນ-ປຸງແຕ່ງ-ຜະລິດຄຳ-ທອງ ປີ 2003 ເປັນຕົ້ນມາ ບໍລິສັດ ລ້ານຊ້າງ ມີເນໂຣນສ໌ ລິມິເຕັດ ບໍ່ຄຳ-ທອງເຊໂປນ ໄດ້ປະກອບສ່ວນພັນທະທີ່ເປັນລາຍຮັບໂດຍກົງໃຫ້ລັດຖະບານລາວ ຫຼາຍກວ່າ 1,5 ຕື້ໂດລາສະຫະລັດ ຄ່າຊັບພະຍາກອນແຮ່ທາດຫຼາຍກວ່າ 172 ລ້ານໂດລາສະຫະລັດ.
# ຂ່າວ & ພາບ: ສະບາໄພ