ໃນວັນທີ 15 ເມສາຂອງທຸກໆປີ, ປະຊາຊົນເກົາຫຼີຈະສະເຫຼີມສະຫຼອງວັນແຫ່ງດວງອາທິດ ເຊິ່ງເປັນວັນຄ້າຍວັນເກີດຂອງປະທານ ກິມ ອິນ ຊຸງ.
ສາທາລະນະລັດ ປະຊາຊົນ ປະຊາທິປະໄຕເກົາຫຼີ ໄດ້ຖືວ່າທ່ານປະທານ ກິມ ອິນ ຊຸງ ເປັນປະທານປະເທດຕະຫຼອດກາລະນານ ຍ້ອນຄຸນງາມຄວາມດີຂອງເພິ່ນ ໃນການອຸທິດອັນຍິ່ງໃຫຍ່ ໃຫ້ແກ່ການກໍ່ສ້າງປະເທດຊາດ ເພິ່ນໄດ້ວາງແນວທາງອັນໝັ້ນຄົງ ໃຫ້ແກ່ການສ້າງສາປະເທດຊາດ ດ້ວຍການວາງແນວຄິດຈຸດເຊ ແລະ ທິດສະດີແຫ່ງການສ້າງສາປະເທດຊາດ ຢ່າງເປັນເອກະລັກ.
ເພິ່ນໄດ້ພັດທະນາແນວຄິດ ແລະ ທິດສະດີ ໂດຍຖືເອົາປະຊາຊົນຜູ້ອອກແຮງງານເປັນໃຈ ກາງບົນພື້ນຖານແຫ່ງແນວຄິດຈຸດເຊ ເຊິ່ງມີເນື້ອໃນວ່າປວງຊົນແມ່ນສຳຄັນກວ່າສິ່ງອື່ນໃດ ແລະ ເປັນກຳລັງອັນຍິ່ງໃຫຍ່ຂອງການປະຕິວັດ ແລະ ການກໍ່ສ້າງປະເທດຊາດ, ເພິ່ນໄດ້ວາງແນວຄິດທີ່ຖືເອົາການສ້າງປະເທດຢ່າງເປັນເອກະລາດ ໂດຍມີປະຊາຊົນເປັນໃຈກາງ ເຊິ່ງປະຊາຊົນມີຄວາມເຂົ້າໃຈແຈ້ງ ຕໍ່ຄວາມເປັນເອກະລາດ ແລະ ເລືອກເອົາເສັ້ນທາງເດີນພ້ອມດ້ວຍພາລະກິດອັນໝັ້ນຄົງຂອງຕົນ ໃນການກໍ່ສ້າງປະເທດຊາດ ເຊິ່ງໄດ້ຕີຄວາມໝາຍທຸກບັນຫາທາງດ້ານທິດສະດີ ແລະ ພຶດຕິກຳທີ່ເກີດຂຶ້ນ ໃນການກໍ່ສ້າງປະເທດຊາດ ແລະ ບັນດາກິດຈະກຳນັບຕັ້ງແຕ່ຄວາມຈຳເປັນ ແລະ ພາລະໜ້າທີ່ຂອງອຳນາດລັດ ແລະ ບັນດາຫຼັກມູນພື້ນຖານ ໃນການກໍ່ສ້າງລັດສັງຄົມນິຍົມ ຕໍ່ບັນດາໜ້າທີ່ ແລະ ພາລະບົດບາດຂອງບັນດາອົງກອນອຳນາດ, ຮູບແບບຂອງກິດຈະກຳ, ລະບົບ ແລະ ວິທີການໃນການເຮັດວຽກ.
ປະຊາຊົນເປັນຜູ້ດຳເນີນການແກ້ໄຂຢ່າງວິທະຍາສາດ ແລະ ເລິກເຊິ່ງຕໍ່ທຸກບັນຫາ, ລັດທີ່ຈະຖືກສ້າງຂຶ້ນ, ວິທີສ້າງ ແລະ ພັດທະນາ ແມ່ນເປັນສິ່ງທີ່ນຳເອົາຜົນດີມາສູ່ປະຊາຊົນ.
ເພິ່ນໄດ້ສ້າງຕັ້ງລັດຖະບານໃໝ່ຂອງຊົນຊັ້ນຜູ້ອອກແຮງງານ, ລັດຖະບານຂອງປະຊາຊົນ ແລະ ໄດ້ພັດທະນາໃຫ້ກາຍເປັນອາວຸດອັນມີພະລັງ ເພື່ອດຳເນີນການສ້າງລັດທິສັງຄົມນິຍົມ.
ຖ້າບໍ່ມີຄວາມເອົາໃຈໃສ່ຕໍ່ຫຼັກທິດສະດີທີ່ສ້າງຂຶ້ນ ແລະ ຖອດຖອນບົດຮຽນຈາກປະເທດອື່ນ, ຈາກຈຸດຢືນແຫ່ງຄວາມເປັນເອກະລາດ, ເພິ່ນໄດ້ວາງແນວທາງການກໍ່ສ້າງລັດຖະບານຂອງປະຊາຊົນ ເປັນລັດຖະບານທີ່ຊະນະເລີດ ແລະ ເຂົ້າໃຈສິດຜົນປະໂຫຍດທີ່ແທ້ຈິງຂອງປະຊາຊົນທຸກຊັ້ນຄົນ ລວມທັງຊາວກຳມະກອນ, ກະສິກອນ ແລະ ຊັ້ນຄົນປັນຍາຊົນ.
ສິ່ງສຳຄັນໃນການນຳພາຂອງເພີ່ນກໍຄື ລັດຖະບານຂອງປະຊາຊົນ ແມ່ນລັດຖະບານປະຕິວັດຂອງປະຊາຊົນ ທີ່ສືບທອດມາຈາກລັດຖະບານ ທີ່ໄດ້ສ້າງຕັ້ງຂຶ້ນໃນຖານທີ່ໝັ້ນສົງຄາມກອງຫຼອນ ໃນສະໄໝຕໍ່ສູ້ຕ້ານພວກຈັກກະພັດ ເພື່ອປົດປ່ອຍເກົາຫຼີ ຈາກການຍຶດຄອງຂອງຈັກກະພັດ.
ບົນພື້ນຖານເຫງົ້າພະລັງທາງປະຫວັດສາດ, ເພິ່ນໄດ້ວາງແນວທາງການກໍ່ສ້າງປະເທດຊາດ ໂດຍສອດຄ່ອງກັບສະພາບການຕົວຈິງຂອງປະເທດ ແລະ ສ້າງຕັ້ງຄະນະກຳມະການປະຊາຊົນຢູ່ພາກເໜືອເກົາຫຼີ ໃນປີ 1946 ພາຍຫຼັງການປົດປ່ອຍເກົາຫຼີ. ພະລັງປະຊາທິປະໄຕປະຊາຊົນ ໄດ້ສະແດງຄວາມຕັດສິນໃຈທີ່ກ້າແກ່ນ ເພື່ອຕໍ່ສູ້ຕ້ານພວກຈັກກະພັດ, ດຳເນີນການປະຕິວັດປະຊາທິປະໄຕຕ້ານລັດທິສັກດິນາ ໃນເດືອນກຸມພາປີ 1947, ເພິ່ນໄດ້ພັດທະນາຈາກຂະບວນການຂອງປະຊາຊົນ ມາເປັນຄະນະກຳມະການປະຊາຊົນແຫ່ງເກົາຫຼີເໜືອ ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງ ເພື່ອດຳເນີນການປະຕິວັດສັງຄົມນິຍົມ.
ບົນພື້ນຖານຂອງພະລັງປະຊາຊົນດັ່ງກ່າວ ເພີ່ນໄດ້ສ້າງຕັ້ງສາທາລະນະລັດປະຊາຊົນປະຊາທິປະໄຕເກົາຫຼີ ເຊິ່ງເປັນລັດຂອງປະຊາຊົນລັດທຳອິດ ໃນປະຫວັດສາດອັນຍາວນານກວ່າ 5.000 ປີຂອງເກົາຫຼີ ໃນວັນທີ 9 ກັນຍາ 1948.
ໃນສະໄໝສົງຄາມເກົາຫຼີ ທີ່ກໍ່ຂຶ້ນໂດຍຈັກກະພັດຕ່າງດ້າວ ເພື່ອຫວັງກືນກິນ ສປປ ເກົາຫຼີ ຕັ້ງແຕ່ຍັງຢູ່ໃນອູ່, ເພິ່ນໄດ້ເສີມຂະຫຍາຍລະບົບການນຳພາພະລັງອຳນາດຂອງປະຊາຊົນ ທີ່ສອດຄ່ອງກັບເງື່ອນໄຂຂອງສະໄໝສົງຄາມ ແລະ ສົ່ງເສີມພາລະບົດບາດຂອງຜູ້ຈັດຕັ້ງນຳພາພະລັງດັ່ງກ່າວ ໃຫ້ເປັນກຳລັງປະກອບສ່ວນອັນໃຫຍ່ຫຼວງ ເພື່ອຕີເອົາຊະນະສົງຄາມ.
ພາຍຫຼັງໄດ້ຮັບໄຊຊະນະໃນສົງຄາມຄັ້ງນັ້ນ, ເພິ່ນເຫັນວ່າ ພະລັງອຳນາດຂອງປະຊາຊົນ ໄດ້ກາຍເປັນປຶກແຜ່ນແໜ້ນໜາ, ເພີ່ນໄດ້ສືບຕໍ່ນຳພາເສີມຂະຫຍາຍພາລະບົດບາດໜ້າທີ່ຂອງພະລັງປະຊາຊົນ ໃຫ້ຕອບສະໜອງຄວາມຕ້ອງການຂອງການປະຕິວັດ ແລະ ກໍ່ສ້າງສັງຄົມນິຍົມ.
ເພິ່ນໄດ້ໃຫ້ຄຳນິຍາມວ່າ ລັດຖະບານຂອງປະຊາຊົນ ເປັນຕົວແທນສິດ ແລະ ຄວາມເປັນເອກະລາດຂອງທົ່ວປວງຊົນ, ເປັນຜູ້ຈັດຕັ້ງການເຄື່ອນໄຫວທີ່ສ້າງສັນ ແລະ ພິທັກປົກປ້ອງສິດຜົນປະໂຫຍດ ເພື່ອການມີຊີວິດການເປັນຢູ່ທີ່ດີ ທັງຮັບປະກັນໃຫ້ລະບົບໃໝ່ຂອງອົງກອນອຳນາດລັດ ທີ່ສ້າງຕັ້ງຂຶ້ນດຳເນີນການສ້າງສາພັດທະນາສັງຄົມນິຍົມ ຢ່າງເປັນຮູບເປັນຮ່າງ.
ເພິ່ນໄດ້ຫັນປ່ຽນ ສປປ ເກົາຫຼີ ໃຫ້ກາຍເປັນພະລັງອຳນາດສັງຄົມນິຍົມ ທີ່ບໍ່ມີສັດຕູໂຕໃດສາມາດເອົາຊະນະໄດ້ ຍ້ອນວ່າມີຮາກຖານທາງການເມືອງ, ເສດຖະກິດ ແລະ ການທະຫານທີ່ເຂັ້ມແຂງ.
ແນວຄິດຈຸດເຊ ແມ່ນແນວຄິດແຫ່ງການນຳພາ ສປປ ເກົາຫຼີ, ເພິ່ນໄດ້ຮັບປະກັນຄວາມເປັນເອກະພາບທາງດ້ານການເມືອງ ແນວຄິດ ແລະ ການຍຶດໝັ້ນໃນສິດຜົນປະໂຫຍດຂອງຊາວຜູ້ອອກແຮງງານແມ່ນຄວາມແຂງແກ່ນ, ບົນພື້ນຖານແນວຄິດດັ່ງກ່າວ ມັນໄດ້ວາງຮາກຖານທາງການເມືອງ ແລະ ສັງຄົມທີ່ເປັນເອກະພາບ ຢູ່ອ້ອມຂ້າງພັກແຮງງານເກົາຫຼີ ແລະ ລັດຖະບານແຫ່ງ ສປປ ເກົາຫຼີ. ເພິ່ນໄດ້ອຸທິດທຸກສະຕິປັນຍາ ເຫື່ອແຮງ ແລະ ກຳລັງ ເພື່ອວາງນະໂຍບາຍຂອງພັກ ແລະ ລັດ ເຊັ່ນວ່າ ການປິ່ນປົວພະຍາດໂດຍບໍ່ເສຍຄ່າ, ການສຶກສາບໍ່ເສຍຄ່າ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ເພື່ອປະໂຫຍດຂອງປະຊາຊົນ.
ນີ້ແມ່ນໝາກຜົນແຫ່ງຄວາມເປັນປຶກແຜ່ນທີ່ໝັ້ນຄົງ ລະຫວ່າງການນຳຂອງພັກ ແລະ ປະຊາຊົນທີ່ເປັນຈິດໜຶ່ງໃຈດຽວກັນ ສ້າງໃຫ້ທົ່ວທັງສັງຄົມມີພະລັງອຳນາດເໜືອກວ່າລະເບີດປະລະມານູ.
ບົນເສັ້ນທາງເດີນໄປສູ່ຈຸດໝາຍປາຍທາງຂອງປະເທດຊາດ ເພິ່ນໄດ້ເອົາໃຈໃສ່ເພີ່ມທະວີຄວາມອາດສາມາດ ໃນການປົກປັກຮັກສາປະເທດຊາດ, ເພິ່ນໄດ້ທຸ່ມເທຄວາມພະຍາຍາມອັນໃຫຍ່ຫຼວງ ເພື່ອການກໍ່ສ້າງກອງທັບ ແລະ ອຸດສາຫະກຳປ້ອງກັນຊາດ.
ປັດຈຸບັນນີ້, ກອງທັບປະຊາຊົນເກົາຫຼີ ມີຄວາມກຽມພ້ອມຢ່າງຄົບຖ້ວນທັງທາງດ້ານການເມືອງ, ການທະຫານ, ເຕັກນິກ ແລະ ການປະກອບອາວຸດຍຸດໂທປະກອນ ເພື່ອຕ້ານກັບການຮຸກຮານຂອງອິດທິກຳລັງປໍລະປັກ.
ອັນນີ້ແມ່ນໝາກຜົນແຫ່ງຄວາມພະຍາຍາມອັນບໍ່ຮູ້ອິດເມື່ອຍຂອງເພິ່ນ ໃນການນຳພາກໍ່ສ້າງຄວາມສາມາດຂອງກຳລັງປ້ອງກັນຊາດ ບົນພື້ນຖານແຫ່ງການໝຸນໃຊ້ນະໂຍບາຍເຊີນກຸນ ເຂົ້າໃນການນຳພາການປະຕິວັດ.
ເພິ່ນໄດ້ນຳພາສ້າງ ສປປ ເກົາຫຼີ ໃຫ້ມີຄວາມອຸດົມຮັ່ງມີທາງເສດຖະກິດ, ມີຄວາມເຂັ້ມແຂງທາງດ້ານການປ້ອງກັນຊາດ, ຍຶດໝັ້ນໃນແນວທາງເປັນເອກະລາດທາງການເມືອງ, ສາມາດເພິ່ງຕົນເອງໃນການປ້ອງກັນຊາດ, ຮັບປະກັນທາງດ້ານວັດຖຸ ແລະ ເຕັກໂນໂລຊີ ເພື່ອການສ້າງສາປະເທດຊາດ ກ້າວໄປສູ່ຄວາມວັດທະນາຖາວອນ.
ຍ້ອນມີສະຫາຍ ກິມ ເຈິງ ອຸນ, ຜູ້ສືບທອດທີ່ຍິ່ງໃຫຍ່ຂອງພາລະກິດການປະຕິວັດ, ມູນມໍລະດົກອັນລ້ຳຄ່າທີ່ສຸດຂອງສະຫາຍ ກິມ ອິນ ຊຸງ ແລະ ສະຫາຍ ກິມ ເຈິງ ອິນ ຈະໄດ້ຮັບການສືບທອດ ແລະ ເພິ່ມພູນຄຸນສ້າງຕະຫຼອດໄປ.
ໂດຍສະຫາຍ ກິມ ເຈິງ ອຸນ, ປະທານພັກແຮງງານເກົາຫຼີ, ປະທານຄະນະກຳມະທິການກິດຈະການແຫ່ງລັດ ສປປ ເກົາຫຼີ, ປັດຈຸບັນນີ້, ປະເທດພວກເຮົາໄດ້ກາຍເປັນປະເທດທີ່ບໍ່ມີສັດຕູໂຕໃດສາມາດເອົາຊະນະ ແລະ ບໍ່ມີຈັກກະພັດໂຕໃດສາມາດຮຸກຮານ.
ມາຮອດປັດຈຸບັນ, ພາຍໃຕ້ການຊີ້ນຳນຳພາອັນສະຫຼາດສ່ອງໃສຂອງສະຫາຍ ກິມ ເຈິງ ອຸນ, ປະທານພັກແຮງງານເກົາຫຼີ, ປະທານຄະນະກຳມະທິການກິດຈະການແຫ່ງລັດ ສປປ ເກົາຫຼີ, ປະຊາຊົນທຸກຖ້ວນໜ້າຂອງ ສປປ ເກົາຫຼີ ໄດ້ເຊື່ອໝັ້ນຕໍ່ໄຊຊະນະ ແລະ ບຸກບືນຕໍ່ສູ້ເຂົ້າໃນຂະບວນການກ້າວໜ້າ ເພື່ອສ້າງປະເທດສັງຄົມນິຍົມ ໃຫ້ມີຄວາມເຂັ້ມແຂງ ແລະ ຈະເລີ່ນຮຸ່ງເຮືອງດ້ວຍຄວາມໝັ້ນໃຈຕໍ່ໄຊຊະນະ.
ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດຂອງເພິ່ນ, ພວກເຮົາຊາວເກົາຫຼີ ຂໍສະແດງຄວາມເຄົາລົບຢ່າງສູງ ຕໍ່ສະຫາຍ ກິມ ອິນ ຊຸງ, ຜູ້ນຳທີ່ຍິ່ງໃຫຍ່ ທີ່ໄດ້ສ້າງສາປະເທດພວກເຮົາໃຫ້ເປັນປະເທດສັງຄົມນິຍົມ ທີ່ບໍ່ມີສັດຕູໂຕໃດມ້າງເພໄດ້
(ແຫຼ່ງຂ່າວ: ສະຖານທູດ ສປປ ເກົາຫຼີ ປະຈຳລາວ)