ໂຣກ “ພິດເຫຼົ້າຊຳເຮື້ອ” ຫຼືທີ່ເຮົາຮູ້ຈັກກັນໃນ ອີກຊື່ໜຶ່ງວ່າ ໂຣກ “ຕັບແຂງ” ເປັນໂຣກທີ່ເກີດ ຈາກການດື່ມເຫຼົ້າເຂົ້າໄປໃນປະລິມານຫຼາຍ ເປັນເວລາດົນນານຕິດຕໍ່ກັນ ຈົນເຮັດໃຫ້ລະບົບການເຮັດວຽກຕັບເສຍຫາຍ ບໍ່ສາມາດຂັບທຳ ລາຍສານພິດຕາມໜ້າທີ່ ສົ່ງຜົນໃຫ້ສານພິດສະ ສົມຕົກຄ້າງຢູ່ໃນຮ່າງກາຍ ຈົນກໍ່ເກີດເປັນໂຣກ ຮ້າຍຂ້າຊີວິດ.
ໂຣກຕັບອ່ອນອັກເສບ ໂຣກມະເຮັງ ໂຣກລະບົບຫົວໃຈ ແລະ ຫຼອດເລືອດ ດ້ວຍໂຣກໃດໂຣກໜຶ່ງຫຼືທັງໝົດ ທີ່ສຳຄັນກ່ອນໂຣກຮ້າຍຕ່າງໆ ຂອງພິດເຫຼົ້າຊຳເຮື້ອ ຈະເຮັດໜ້າທີ່ສະແດງອາ ການຜົນຂອງເຫຼົ້າຍັງສາມາດທຳລາຍລະບົບປະສາດຕ່າງໆໃຫ້ເສື່ອມສະພາບ ໂດຍສະເພາະ ກົດການເຮັດວຽກຂອງສະໝອງ ກ້ານສະໝອງ (Brain stem) ແລະ ສູນຄວບຄຸມການເຕັ້ນ ຂອງຫົວໃຈ (Reticular formation) ສົ່ງຜົນໃຫ້ ສະໝອງເປັນພິດ ແລະ ເສຍຊີວິດທັນທີ.
ສັນຍານອາການທີ່ບົ່ງຊີ້ ໄດ້ແກ່:
1. ອາການມືສັ່ນ ຄວາມຈຳເສື່ອມລົງ.
2. ເລີ່ມຮູ້ສຶກຕົວຊ້າ ສະຕິສຳປະຊັນຍະຕ່ຳລົງ.
3. ຫາກບໍ່ໄດ້ດື່ມເຫຼົ້າຕາມປົກກະຕິເຊັ່ນເດີມ ຈະມີອາການທີ່ເອີ້ນວ່າ “ລົງແດງ” (ຫງຸດຫງິດ ຮູ້ສຶກຕົວສັ່ນວິຕົກກັງວົນ ໂມໂຫງ່າຍ ອາລົມປັ່ນປ່ວນ ຊຶມເສົ້າ ອ່ອນເພຍ ຄິດອັນໃດບໍ່ອອກ ໃຈສັ່ນ ປວດຫົວຕຸບໆ ເຫື່ອອອກໜ້າ ແລະ ມື ປຸ້ນທ້ອງປວດຮາກ ເບື່ອອາຫານ ນອນບໍ່ຫຼັບ ມືສັ່ນໃຈເຕັ້ນໄວ ຊຶ່ງຫາກເປັນຫຼາຍໆ ຈະມີລັກສະນະ ຄຸ້ມຄັ່ງ ອາການບໍ່ຕ່າງຈາກຜູ້ປ່ວຍ “ໂຣກຈິດ ຕະເວດ” ທຸກປະການ) ກ່ອນທີ່ຈະເກີດອາການ “ເພີ້້ຄັງເຫຼົ້າ” ແລະ ເສຍຊີວິດໄດ້ ຖ້າບໍ່ໄດ້ຮັບ ການປິ່ນປົວທ່ວງທັນຫຼັງຈາກຢຸດເຫຼົ້າ 12-72 ຊົ່ວໂມງ.
ຂັ້ນເລີ່ມຕົ້ນການຕິດເຫຼົ້າຊຳເຮື້ອ:
ດື່ມເຫຼົ້າໂດຍບໍ່ຈຳກັດ ດື່ມໄດ້ຕະຫຼອດເວລາ ຕັ້ງແຕ່ເຊົ້າຫຼັງຕື່ນນອນ ແລະ ລະຫວ່າງວັນ ຈົນເຖິງເຂົ້ານອນເຖິງຢຸດດື່ມ ປະຕິເສດວ່າບໍ່ຕິດເຫຼົ້າ ແຕ່ວ່າຜູ້ປ່ວຍມັກຈະມີອາການເມົາຄ້າງຕະຫຼອດເວລາ ແລະ ຫຼັງຈາກດື່ມຕິດຕໍ່ກັນເປັນໄລຍະເວລາໜຶ່ງ ຜູ້ປ່ວຍຈະເລີ່ມດື້ຕໍ່ເຫຼົ້າ ດື່ມເທົ່າເດີມແຕ່ເມົາບໍ່ເໝືອນເດີມ ເຮັດໃຫ້ຕ້ອງເພີ່ມປະລິມານ ຂອງເຫຼົ້າ.
ວ. ດາລາວົງ – ນຳສະເໜີ