4 ບຸກທະລຸນີ້ ຜູ້ຂຽນ ເວົ້າສະເພາະ 4 ບຸກທະລຸຂອງຂະແໜງການສຶກສາ ເຊິ່ງເປັນສິ່ງສຳຄັນ ຫຼາຍໃນການນຳມາປະຕິບັດ ເພາະຫຼາຍວຽກງານ ພະນັກງານບາງຄົນ ຫຼື ບາງກຸ່ມກໍສວຍໃຊ້ຫຼິ້ນກິນມ່ວນຊື່ນແທນການຊື່ກົງຕໍ່ນະໂຍບາຍ ເພາະຖ້າວ່າເຮົາອ່ານເນື້ອໃນກຳແໜ້ນ ເພິ່ນໄດ້ບອກແຈ້ງ ແລ້ວວ່າ ໃຫ້ຕັ້ງໜ້າບຸກທະລຸທັງ 4 ດ້ານໄປພ້ອມ ກັນຢ່າງແຂງແຮງ ແນໃສ່ແກ້ໄຂທັດສະນະທີ່ບໍ່ຖືກ ຕ້ອງແກ້ໄຂບັນຫາອັດຕັນກົດໜ່ວງ ກີດຂວາງການ ພັດທະນາການສຶກສາ ແລະ ກີລາ.
4 ບຸກທະລຸຄື: (1) ບຸກທະລຸທາງດ້ານແນວຄິດຈິນ ຕະນາການ (2) ດ້ານຊັບພະຍາກອນມະນຸດ (3) ກົນໄກຄຸ້ມຄອງ ແລະ ນິຕິກຳ (4) ແກ້ໄຂຄວາມທຸກຍາກຂອງບຸຄະລາກອນຂະແໜງສຶກສາ ແລະ ກີລາ ກໍຄືປະຊາຊົນທົ່ວໄປ ຍົກຕົວຢ່າງວ່າ ຜູ້ບໍລິຫານການສຶກສາລະດັບອຳນວຍການໄດ້ສົ່ງພະນັກງານຮຽນຕໍ່ ຍົກລະດັບຈັກຄົນ ໄດ້ຂົນຂວາຍ ທຶນຮອນສ້າງພະນັກງານແນວໃດ ? ຫຼືວ່າ ບາດເວລາກິດຈະກຳກີລາພັດມີງົບຊື້ເບຍຫຼາຍລັງ ບາງແຫ່ງ ຫຼື ບາງບ່ອນກໍຈັດໜັກຈັດເຕັມ ກີລາບັງໜ້າ ແຕ່ພັດວ່າມີເບຍຊຸມແຊວ ຈົນອ່ອນເພຍເປ້ຍຫຼ່ອຍ ເຮັດໃຫ້ສູນເສຍສຸຂະພາບ ແລະ ເວລາສ້າງຢູ່ທຳ ກິນ ປູກຜັກລ້ຽງໄກ່ ສະເໜີແງ່ຄິດເພື່ອພິຈາລະນາເບິ່ງນຳກັນນໍ!.
ສຳລັບ 4 ບຸກຂະແໜງສຶກສານີ້ ເຫັນວ່າ ພະ ນັກງານດ້ານນີ້ ຄວນຕີຄວາມໃຫ້ກົງຕໍ່ແນວທາງ ບໍ່ແມ່ນນຳໃຊ້ຕີຄວາມໃຫ້ເຂົ້າກັບຄວາມມັກມ່ວນສ່ວນຕົວ ຖ້າເຮັດແນວນັ້ນ ກໍບໍ່ຕ່າງຫຍັງກັບຜູ້ສອນ ສາສະໜາ ເຫັນແກ່ຜົນປະໂຫຍດຂອງຕົນ ເພາະຍາມໃດກໍສອນໃຫ້ໂຕເອງໄດ້ປະໂຫຍດ ໂດຍເອົາແຕ່ສັດທານຳໜ້າ ແຕ່ບໍ່ເຄີຍສອນໃຫ້ເຂົາເຈົ້າ ເກີດປັນຍາ ຮູ້ແຈ້ງວ່າ ອັນໃດຄືໜ້າທີ່ຂອງຊາວ ພຸດແທ້ຈິງ ນອກຈາກ 4 ບຸກທະລຸແລ້ວ ຂະແໜງ ສຶກສາຍັງມີ 3 ຂໍ້ແຂ່ງຂັນນຳອີກທີ່ມຸ່ງໃຫ້ຄູ-ອາ ຈານ ແລະ ນັກຮຽນຕັ້ງໃຈສອນ ແລະ ຕັ້ງໃຈຮຽນ ເຊັ່ນ: (1) ສອນດີ-ຮຽນເກ່ງ (2) ຕ້ານປາກົດການ ຫຍໍ້ທໍ້ (3) ສ້າງສິ່ງແວດລ້ອມທີ່ດີໃນໂຮງຮຽນ.
ເຫັນໄດ້ວ່າ ສອນດີ ຄູຕ້ອງເກ່ງພັດທະນາຄວາມຮູ້ ບໍ່ແມ່ນຄູຂີ້ຄ້ານມັກງ່າຍຖືເບົາ ຮຽນເກ່ງ ນັກຮຽນ ກໍຕ້ອງເອົາໃຈໃສ່ແທ້ ບໍ່ແມ່ນມົວເມົາແຕ່ຫຼິ້ນໂທລະ ສັບ ສ້າງສິ່ງແວດລ້ອມທີ່ດີໃນໂຮງຮຽນເຂົ້າໃຈວ່າ ຕ້ອງສະອາດ ເປັນລະບຽບ ມີຕົ້ນໄມ້ ເດີ່ນໂຮງຮຽນ ບໍ່ມີຂີ້ຝຸ່ນເປື້ອນເປິເຂົ້າດັງ ນັກຮຽນປະເດັນນີ້ ອຳ ນວຍການຕ້ອງເອົາໃຈໃສ່ ບໍ່ຄວນຖືເບົາ ຢ່າລືມວ່າ ເຮົາເປັນຄົນຂອງລັດ ຍ່ອມຕ້ອງເອົາໃຈໃສ່ຕໍ່ໜ້າທີ່ບໍລິຫານຕາມບົດບາດເຕັມເມັດເຕັມໜ່ວຍ.
ໂດຍ: ດັ້ນກີບເມກ