ຕະຫຼອດໄລຍະປີ 2020 ຜ່ານມາ ນອກຈາກ ພັກ ແລະ ລັດຖະ ບານຂອງ ສປປ ລາວ ຈະໄດ້ສຸມໃສ່ການເຟົ້າລະວັງ ແລະ ສະກັດກັ້ນການແຜ່ລະບາດຂອງເຊື້ອພະ ຍາດໂຄວິດ-19 ແລ້ວ ອີກບັນຫາໃຫຍ່ໜຶ່ງ ທີ່ພວກເຮົາໃຫ້ຄວາມສຳຄັນນັ້ນ ກໍຄື ບັນຫາການເກີດອຸບັດເຫດທາງຖະໝົນ ເຊິ່ງໃນ ແຕ່ລະປີເຮັດມີຄົນລາວຕ້ອງສູນເສຍຊັບສິນ ກາຍເປັນຄົນພິການ ແລະ ເສຍຊີວິດເປັນຈຳນວນຫຼວງຫຼາຍ ຈາກອຸບັດເຫດທາງຖະໜົນ ເຊິ່ງມັນສະແດງອອກໃຫ້ເຫັນຄືໃນປີ 2020 ທົ່ວປະເທດມີອຸບັດເຫດເກີດ ຂຶ້ນທັງໝົດ 6.774 ກໍລະນີ ມິຄົນເສຍຊີວິດຈຳນວນ 1.031 ຄົນ ມູນຄ່າຄວາມເສຍຫາຍ 103 ຕື້ກວ່າກີບ.
ການເກີດອຸບັດເຫດ ນັບແຕ່ເດືອນມັງກອນຫາເດືອນທັນວາ 2020 ມີພາຫະນະເປ່ເພທັງໝົດ 12.007 ຄັນ ໃນນີ້ ເປ່ເພເລັກໜ້ອຍ 5.587 ຄັນ ສົມຄວນ 6.107 ຄັນ ໃຊ້ການບໍ່ໄດ້ 313 ຄັນ ມີຄົນໄດ້ຮັບບາດເຈັບທັງໝົດ 10.027 ຄົນ ໃນນີ້ ໄດ້ຮັບບາດເຈັບເລັກໜ້ອຍ 4.500 ຄົນ ສົມຄວນ 4.217 ຄົນ ສາຫັດ 1.310 ຄົນ ແລະ ມີຄົນເສຍຊີວິດທັງໝົດ 1.031 ຄົນ ຍິງ 250 ຄົນ ສ່ວນໃຫຍ່ແມ່ນເກີດມາຈາກນັກຂັບຂີ່ດື່ມສິ່ງມຶນເມົາ 1.564 ກໍລະນີ ໃຊ້ຄວາມໄວເກີນກວ່າກົດໝາຍກຳນົດ 1.463 ກໍລະນີ ແລະ ປຽນທິດ ທາງ 644 ກໍລະນີ ແລະ ອື່ນໆ.
ອີງຕາມສະຖິຕິການເກີດອຸບັດເຫດທົ່ວປະເທດປີ 2020 ນະຄອນຫຼວງວຽງຈັນ ມີອຸບັດເຫດເກີດຂຶ້ນ 1.155 ຄັ້ງ ເສຍຊີວິດ 190 ຄົນ ຜົ້ງສາລີ 157 ຄັ້ງ ເສຍຊີວິດ 12 ຄົນ ອຸດົມໄຊ 300 ຄັ້ງ ເສຍຊີວິດ 39 ຄົນ ຫຼວງນ້ຳທາ 408 ຄັ້ງ ເສຍຊີວິດ 44 ຄົນ ບໍ່ແກ້ວ 159 ຄັ້ງ ເສຍຊີວິດ 46 ຄົນ ໄຊຍະບູລີ 429 ຄັ້ງ ເສຍຊີວິດ 89 ຄົນ ຫຼວງພະບາງ 514 ຄັ້ງ ເສຍຊີວິດ 48 ຄົນ ຫົວພັນ 65 ຄັ້ງ ເສຍຊີວິດ 16 ຄົນ ຊຽງຂວາງ 143 ຄັ້ງ ເສຍຊີວິດ 22 ຄົນ ໄຊສົມບູນ 65 ຄັ້ງ ເສຍຊີວິດ 11 ຄົນ ວຽງຈັນ 680 ຄັ້ງ ເສຍຊີວິດ 62 ຄົນ ບໍລິຄຳໄຊ 367 ຄັ້ງ ເສຍຊີວິດ 64 ຄົນ ຄຳມ່ວນ 80 ຄັ້ງ ເສຍຊີວິດ 33 ຄົນ ສະຫວັນນະເຂດ 743 ຄັ້ງ ເສຍຊີວິດ 133 ຄົນ ສາລະວັນ 313 ຄັ້ງ ເສຍຊີ
ວິດ 45 ຄົນ ຈຳປາສັກ 565 ຄັ້ງ ເສຍຊີວິດ 117 ຄົນ ເຊກອງ 144 ຄັ້ງ ເສຍຊີວິດ 23 ຄົນ ແລະ ແຂວງອັດຕະປື 187 ຄັ້ງ ເສຍຊີວິດ 37 ຄົນ.
ເພື່ອຫຼຸດຜ່ອນການເກີດອຸບັດເຫດ ທຸກຄົນທີ່ໃຊ້ລົດ-ໃຊ້ຖະໜົນ ຕ້ອງຮ່ວມໃຈກັນປະຕິບັດກົດລະບຽບການສັນຈອນໃຫ້ເຄັ່ງຄັດ ມີສະຕິໃນການຂັບຂີ່ແຕ່ລະຄັ້ງ ສິ່ງສຳ ຄັນຄືບໍ່ປະໝາດ ເມົາແລ້ວຫ້າມຂັບ ຂັບຂີ່ລົດຈັກຕ້ອງໃສ່ໝວກກັນກະທົບ ໝັ່ນກວດກາສະພາບລົດໃຫ້ພ້ອມໃຊ້ງານແລ້ວຈຶ່ງອອກເດີນທາງ ບັນຫາການເກີດອຸບັດເຫດມັນຈຶ່ງຈະຫຼຸດໜ້ອຍຖອຍລົງເທື່ອລະກ້າວ.