ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຈັດກອງສະຫຼຸບວຽກງານສະຫຼຸບການເຄື່ອນໄຫວວຽກງານຂອງ ສຊປລ ປະຈໍາປີ 2020 ແລະ ທິດທາງແຜນການເຄື່ອນໄຫວວຽກງານປະຈໍາປີ 2021 ແລະ ເຜີຍແຜ່ຄໍາສັ່ງວ່າດ້ວຍການເພີ່ມທະວີການນໍາພາຊີ້ນໍາການກະກຽມ ແລະ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກຂຶ້ນວັນທີ 6 ມັງກອນ 2021 ຢູ່ ສຊປລ ເປັນປະທານຂອງທ່ານ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ເລຂາຄະນະບໍລິຫານງານພັກ ເລຂາຄະນະບໍລິຫານງານ ສຊປລ ມີບັນດາຮອງເລຂາ ຄະນະພັກ ຄະນະກົມ ພ້ອມດ້ວຍພະນັກງານຫຼັກແຫຼ່ງທົ່ວ ສຊປລ ເຂົ້າຮ່ວມ.
ທີ່ປະຊຸມ ທ່ານ ສົມສະໜຸກ ພົງສີສັດຕະນາກ ຮອງຫົວໜ້າຫ້ອງການ ສຊປລ ໄດ້ຂຶ້ນຜ່ານບົດສະຫຼຸບຕີລາຄາສະພາບການຈັດຕັ້ງປະຕິບັດການເຄື່ອນໄຫວວຽກງານຂອງ ສຊປລ ປະຈໍາປີ 2020 ແລະ ທິດທາງແຜນການເຄື່ອນໄຫວວຽກງານປະຈໍາປີ 2021 ແລະ ທ່ານ ບຸນຕາ ເທບພະວົງ ຮອງເລຂາຄະນະບໍລິຫານງານ ສຊປລ ຂຶ້ນຜ່ານຄໍາສັ່ງ ວ່າດ້ວຍການເພີ່ມທະວີການນໍາພາຊີ້ນໍາການກະກຽມ ແລະ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃນທ້າຍກອງປະຊຸມ ສຊປລ ຕາງໜ້າໃຫ້ພັກ-ລັດຖະບານ ມອບຫຼຽນໄຊພັດທະນາຊັ້ນ III ໃຫ້ 1 ກົມກອງ ຫຼຽນກາພັດທະນາ 1 ກົມກອງ ຫຼຽນກາແຮງງານ 1 ກົມກອງ ພ້ອມທັງມອບຫຼຽນກາທີ່ລະນຶກ 70 ວັນສ້າງຕັ້ງແນວລາວສ້າງຊາດ ໃຫ້ 83 ຄົນ ແລະ ມອບໃບຍ້ອງຍໍ ໃບຊົມເຊີຍ ແລະ ໃບກຽດຕິຄຸນ ໃຫ້ແກ່ອົງກອນ ນັກທຸລະກິດໜຸ່ມ ພະນັກງານບໍານານ ພະນັກງານດີເດັ່ນພາຍໃນ ສຊປລ ອີກຈຳນວນໜຶ່ງ ທີ່ມີຜົນງານການການປະກອບສ່ວນ ໃນການພັດທະນາໄວໜູ່ມ ຊາວໜຸ່ມ ໃນການປະກອບ ສ່ວນສ້າງສາ ແລະ ພັດທະນາປະເທດຊາດ.
# ຂ່າວ & ພາບ : ບຸນມີ
