ໃນໂອກາດສົ່ງທ້າຍປີເກົ່າ 2020 ຕ້ອນຮັບປີໃໝ່ 2021 ທີ່ຈະມາເຖິງ ວັນທີ 24 ທັນວາ 2020 ທ່ານນາງ ສຸກພະຕາ ນະຄອນສິດ ຜູ້ຈັດການຝ່າຍປະຊາສຳພັນ ບໍລິສັດຫົວເຫວີຍ ເຕັກໂນໂລຊີ ລາວ ຈຳກັດຜູ້ດຽວ ໄດ້ນຳກະຕ່າຂອງຂວັນມາອວຍພອນໜັງສືພິມວຽງຈັນໃໝ່ ແລະ ວຽງຈັນທຸລະກິດ-ສັງຄົມ ເປັນກຽດຕ້ອນຮັບໂດຍທ່ານນາງ ແກ້ວຊ້ອນ ຈັນທະນາມ ບັນນາທິການໜັງສືພິມວຽງຈັນໃໝ່ ແລະ ວຽງຈັນທຸລະກິດ-ສັງຄົມ ເຊິ່ງທ່ານໄດ້ສະແດງຄວາມຂອບໃຈ ແລະ ອວຍພອນມາຍັງບໍລິສັດຫົວເຫວີຍ ເຕັກໂນໂລຊີ ລາວ ຈຳກັດຜູ້ດຽວ ທີ່ມາອວຍພອນຄັ້ງນີ້ ຈົ່ງມີຄວາມຜາສຸກໃນຊີວິດສ່ວນຕົວ ຄອບຄົວ ແລະ ປະສົບຜົນສຳເລັດໃນໜ້າທີ່ການງານ.
# ຂ່າວ & ພາບ: ຂັນທະວີ