ບໍລິສັດ ໂຊກດີການຢາ ຂາອອກ-ຂາເຂົ້າ ຈຳກັດ ຜູ້ດຽວ ຈັດງານລ້ຽງສົ່ງທ້າຍປີເກົ່າ 2020 ແລະ ຕ້ອນຮັບປີໃໝ່ສາກົນ 2021 ຂຶ້ນວັນທີ 19 ທັນວາ 2020 ທີ່ໂຮງແຮມຄຣາວ ພລາຊາ ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ທ່ານ ນາງ ແອ ແກ້ວບຸນພັນ ປະທານບໍລິສັດໂຊກດີການຢາ ຂາອອກ-ຂາເຂົ້າ ຈຳກັດ ຜູ້ດຽວ ພ້ອມດ້ວຍບັນດາຮອງລັດຖະມົນຕີ ຫົວໜ້າກົມ ຮອງກົມ ອຳນວຍການໂຮງໝໍສູນກາງ ແຂວງ ຄູ່ຮ່ວມທຸລະກິດ ຮ້ານຂາຍຢາ ແລະ ຄຣີນິກເຂົ້າຮ່ວມ.
ການຈັດງານຄັ້ງນີ້ ເພື່ອເປັນການຮັດແໜ້ນຄວາມສາມັກຄີ ທັງເປັນການສະແດງຄວາມຂອບໃຈຕໍ່ຄູ່ຮ່ວມທຸລະກິດ ທີ່ໄດ້ໃຫ້ການສະໜັບສະໜູນ ແລະ ຢູ່ຄຽງຂ້າງກັບບໍລິສັດໂຊກດີການຢາຂາອອກ-ຂາເຂົ້າ ຈຳກັດ ຜູ້ດຽວ ຕະຫຼອດມາ ເຮັດໃຫ້ບໍລິສັດສາມາດດຳເນີນທຸລະກິດຂະຫຍາຍຕົວຕໍ່ເນື່ອງ ແລະ ມີຄວາມໝັ້ນຄົງ ພ້ອມນັ້ນ ຍັງເປັນການເປີດໂຕການຮ່ວມມືສະໜອງອຸປະກອນການແພດ ເປັນຕົ້ນຢາ ແລະ ເຄື່ອງມືການແພດທີ່ທັນສະໄໝ ລະຫວ່າງບໍລິສັດ ໂຊກດີການຢາ ຂາອອກ-ຂາເຂົ້າຈຳກັດ ຜູ້ດຽວ ແລະ ບໍລິສັດ ໄບໂອ ຟາມ ເຄມີຕັລ ຈຳກັດ ນອກນັ້ນ ພາຍໃນງານຍັງມີການຈັບສະຫຼາກໃຫ້ກັບແຂກທີ່ເຂົ້າຮ່ວມງານ ປະກອບມີ ລົດຈັກ ອຸປະກອນເຄື່ອງໃຊ້ໄຟຟ້າ 200 ລາຍການ ມູນຄ່າ 400.000 ບາດ ປະມານ 123,1 ລ້ານກີບ.
# ຂ່າວ & ພາບ: ຂັນທະວີ