ນ້ຳມັນຖົ່ວເຫຼືອງ ຄື: ນ້ຳມັນພືດທີ່ຜ່ານການ ສະກັດຈາກຖົ່ວເຫຼືອງ ເພື່ອໃຫ້ໄດ້ນ້ຳມັນບໍລິສຸດ ອອກມາ ດ້ວຍຄຸນສົມບັດຂອງນ້ຳມັນຖົ່ວເຫຼືອງ ທີ່ເປັນກົດໄຂມັນຊະນິດບໍ່ອິ່ມໂຕສູງ ຊ່ວຍສົ່ງເສີມ ສຸຂະພາບຮ່າງກາຍອີກຫຼວງຫຼາຍທີ່ໃຜຫຼາຍຄົນ ຄົງບໍ່ເຄີຍຮູ້ມາກ່ອນ.
– ຄວບຄຸມຄໍເລັດເຕີຣອນ ຕາມທີ່ໄດ້ກ່າວໄວ້ໃນ ຂ້າງຕົ້ນວ່າ ນ້ຳມັນຖົ່ວເຫຼືອງໂດດເດັ່ນດ້ານໄຂ ມັນຊະນິດບໍ່ອິ່ມໂຕໃນປະລິມານສູງ ຈຶ່ງເຮັດໃຫ້ນ້ຳມັນຖົ່ວເຫຼືອງມີສ່ວນໃນການຊ່ວຍສົ່ງເສີມກົດໄຂມັນທີ່ຈຳເປັນຕໍ່ຮ່າງກາຍ ແລະ ຊ່ວຍຄວບຄຸມ ລະດັບຄໍເລັດເຕີຣອນທີ່ບໍ່ດີໃນຮ່າງກາຍໄດ້ ໂດຍ ພົບວ່າ ນ້ຳມັນຖົ່ວເຫຼືອງມີສ່ວນໃນການຊ່ວສົ່ງ ເສີມກົດໄຂມັນທີ່ຈຳເປັນຕໍ່ຮ່າງກາຍ ແລະ ຊ່ວຍຄວບຄຸມລະດັບຄໍເລັດເຕີຣອນໃນລຳໄສ້ລົງໄດ້ ຫຼາຍກວ່າ 10-15% ແນ່ນອນວ່າຂໍ້ດີດັ່ງກ່າວ ຈະຊ່ວຍໃຫ້ຮ່າງກາຍລອດພົ້ນຈາກໂລກຫຼອດ ເລືອດຫົວໃຈ ຫຼື ໂລກທີ່ກ່ຽວຂ້ອງລະບົບທາງ ເດີນເລືອດລົງໄດ້ຂ້ອນຂ້າງດີ.
– ກະຕຸ້ນຄວາມຈຳ ນ້ຳມັນຖົ່ວເຫຼືອງມີວິຕາມິນ K ທີ່ສາມາດຊ່ວຍປັບປຸງ ຫຼື ບັນເທົາອາການໂລກອັນໄຊເມີ (Alzheimer’s Disease) ໃຫ້ດີຂຶ້ນໄດ້ ທັງຍັງຊ່ວຍບຳລຸງລະບົບຄວາມຈຳ ຕໍ່ເຊວປະສາດ ແລະ ສະໝອງໃຫ້ເຮັດວຽກໄດ້ດີຂື້ນດ້ວຍ.
– ເສີມສ້າງກະດູກ ສືບເນື່ອງຈາກປະໂຫຍດ ຂອງວິຕາມິນເຄ ນອກຈາກບຳລຸງສະໝອງແລ້ວ ຍັງຊ່ວຍກະຕຸ້ນການຈະເລີນເຕີບໂຕ ແລະ ແຄນ ຊຽມໃນກະດູກໃຫ້ຫຼາຍຂຶ້ນ ຈຶ່ງຊ່ວຍຫຼຸດຄວາມ ສ່ຽງຂອງໂຣກກະດູກຜຸໃນອະນາຄົດໄດ້ ທັງຍັງມີ ບົດບາດໃນການຊ່ວຍບໍ່ໃຫ້ຮ່າງກາຍຂັບແຄນ ຊຽມອອກທາງຍ່ຽວ ແລະ ເພີ່ມຄວາມສາມາດໃນການຈັບແຄນຊຽມເຂົ້າໄປໃສ່ໄວ້ໃນເນື້ອກະດູກໄດ້ອີກດ້ວຍ.
– ບຳລຸງສາຍຕາ ນ້ຳມັນຖົ່ວເຫຼືອງມີໂຄງສ້າງ ຂອງກົດໄຂມັນໂອເມກາ 3 (Omega-3 Fatty Acid) ມີສ່ວນຊ່ວຍຫຼຸດຜົນກະທົບທີ່ກໍ່ໃຫ້ເກີດ ໂຣກຈໍປະສາດຕາເສື່ອມ ແລະ ໂລກແກ່ນຕາຂຸ້ນ ພ້ອມທັງສານຕ້ານອະນຸມູນອິດສະຫຼະຈາກວິຕາ ມິນ E ຊ່ວຍປົກປ້ອງເຍື່ອຫຸ້ມເຊວຜິວໜັງບໍ່ໃຫ້ບອບບາງຫຼາຍຂຶ້ນ ກະຕຸ້ນການປັບປຸງຜິວທີ່ເສຍ ຫາຍ ເພີ່ມລະບົບພູມຕ້ານທານ ແລະ ຊ່ວຍຈັດ ອະນຸມູນອິດສະຫຼະທີ່ກໍ່ໃຫ້ເກີດບັນຫາດ້ານຜິວ ພັນຕ່າງໆ ເຊັ່ນ: ມະເຮັງ ຮ່ອງຮອຍກ່ອນໄວ.
ນ້ຳມັນຖົ່ວເຫຼືອງ ເປັນປະເພດນ້ຳມັນທີ່ໃຫ້ປະໂຫຍດດ້ານໂພຊະນາການຢ່າງກວ້າງຂວາງ ທັງຍັງໂດດເດັ່ນທີ່ສຸດໃນບັນດາພືດຕະກຸນຖົ່ວຊະນິດອື່ນໆ ແມ້ນ້ຳມັນຖົ່ວເຫຼືອງຈະມີສັບພະຄຸນຊ່ວຍກະຕຸ້ນລະບົບການເຮັດວຽກຂອງຮ່າງກາຍ ຕ່າງໆໄດ້ເປັນຢ່າງດີ ແຕ່ສ່ວນປະກອບຫຼັກຂອງ ອາຫານ 5 ໝູ່ ກໍຈະເປັນປັດໄຈຮ່ວມທີ່ສຳຄັນຕໍ່ ການພັດທະນາຄວາມແຂງແຮງໃຫ້ແກ່ຜູ້ບໍລິໂພກໃນທຸກໆດ້ານ ໄດ້ຢ່າງຄົບຖ້ວນ.
ວ. ດາລາວົງ – ນຳສະເໜີ