ໃນວັນທີ 6 ຕຸລາຜ່ານມານີ້ ໄດ້ມີເຫດການສາກົນສຳຄັນທີ່ຕິດພັນກັບກຸ່ມອາຊຽນ ພວກເຮົາໃນນາມປະເທດເປັນສະມາຊິກ ຈຶ່ງຢາກນຳບາງຂໍ້ມູນມາໃຫ້ເພື່ອນຜູ້ອ່ານໄດ້ຮັບຮູ້ນໍ ? ນັ້ນແມ່ນບັນຫາຍຸດທະສາດອິນເດຍ-ປາຊີຟິກ.
ອີງຕາມແຫຼ່ງຂ່າວຈາກຕ່າງປະເທດ ໃຫ້ຮູ້ວ່າ: ກອງປະຊຸມລັດຖະມົນຕີການຕ່າງປະເທດ ກຸ່ມ 4 ປະເທດ QUAD ທີ່ຈັດຂຶ້ນຢູ່ໂຕກຽວ ປະເທດຍີ່ປຸ່ນນັ້ນ ໄດ້ຖືກຖືວ່າເປັນຄວາມພະຍາຍາມໃນການຢັ້ງຢືນບົດບາດໃນພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ບົນພື້ນຖານກົດໝາຍສາກົນ ສື່ມວນຊົນຕາເວັນຕົກເອີ້ນກອງປະຊຸມນີ້ວ່າ: “ກອງປະຊຸມແຝດສີ່” ປະກອບມີ: ປະເທດສະຫະລັດອາເມຣິກາ ອິນເດຍ ອົດສະຕຣາລີ ແລະ ຍີ່ປຸ່ນ.
ວິທະຍຸກະຈາຍສຽງຫວຽດນາມ (VOV WORLD) ມີບົດລົງວັນທີ 9 ຕຸລາ 2020 ໃນຫົວຂໍ້: “ເພື່ອພາກພື້ນມະຫາສະໝຸດ ອິນເດຍ-ປາຊີຟິກ ທີ່ເສລີ ແລະ ເປີດກວ້າງບົນພື້ນຖານກົດໝາຍ ມີບາງຈຸດຂຽນວ່າ:
“ເຄົາລົບກົດໝາຍ: ທັດສະນະຈະແຈ້ງ ແລະ ສະເໝີຕົ້ນສະເໝີປາຍຂອງກຸ່ມ 4 ປະເທດ QUAD (ແຝດສີ່) ໃນກອງປະຊຸມໂດຍກົງຢູ່ໂຕກຽວ ລັດຖະມົນຕີການຕ່າງປະເທດ 4 ປະເທດໄດ້ເຫັນດີເພີ່ມທະວີຄວາມສາມັກຄີ ເພື່ອປະຕິບັດວິໄສທັດສ້າງພາກພື້ນມະຫາສະໝຸດອິນເດຍ-ປາຊີຟິກ ໃຫ້ມີຄວາມເສລີ ແລະ ເປີດກວ້າງ ພ້ອມທັງເພີ່ມທະວີການຮ່ວມສຳພັນກັບຫຼາຍປະເທດອື່ນໆ ພິເສດ ດ້ວຍຖານະເປັນປະເທດເຈົ້າພາບ ຍີ່ປຸ່ນໄດ້ຊີ້ແຈງວ່າ: ໃນສະພາບການຄວາມເປັນລະບຽບຮຽບຮ້ອຍຂອງໂລກໃນຊຸມປີມໍ່ໆມານີ້ ພວມປະເຊີນໜ້າກັບສິ່ງທ້າທາຍໃນຫຼາຍຂົງເຂດ ແລະ ພະຍາດລະບາດ ໂຄວິດ-19 ຍິ່ງເຮັດໃຫ້ສະພາບການດັ່ງກ່າວຮ້າຍແຮງຂຶ້ນຕື່ມ 4 ປະເທດມີຈຸດປະສົງລວມແມ່ນເພີ່ມທະວີຄວາມເປັນລະບຽບຮຽບຮ້ອຍໃນໂລກ ແລະ ພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ແມ່ນວິໄສທັດລວມບົດບາດສຳຄັນໃນການປະຕິບັດເປົ້າໝາຍດັ່ງກ່າວ ກ່ອນໜ້ານັ້ນ ໃນກອງປະຊຸມຖະແຫຼງຂ່າວ ທີ່ຈັດຂຶ້ນໃນວັນທີ 29 ກັນຍາ ທ່ານລັດຖະມົນຕີການຕ່າງປະເທດ Motegi ກໍໃຫ້ຮູ້ວ່າ: ໜຶ່ງໃນບັນດາເນື້ອໃນສຳຄັນຂອງກອງປະຊຸມກຸ່ມ 4 ປະເທດ QUAD ຢູ່ໂຕກຽວ ແມ່ນເພີ່ມທະວີການຮ່ວມສຳພັນ ເພື່ອປະຕິບັດວິໄສທັດພາກພື້ນມະຫາສະໝຸດອິນເດຍ-ປາຊີຟິກ ເສລີ ແລະ ເປີດກວ້າງໃຫ້ປາກົດຜົນເປັນຈິງ ໃນສະພາບ ສະຖານະການຢູ່ທະເລຕາເວັນອອກ ແລະ ທະເລຮວາຕຸງ ພວມມີການຜັນແປຢ່າງສັບສົນ”.
ກ່ອນວັນດຳເນີນກອງປະຊຸມຢູ່ໂຕກຽວໜຶ່ງວັນ ວັນທີ 5 ຕຸລາ ກະຊວງການຕ່າງປະເທດອາເມຣິກາ ໄດ້ອອກແຈ້ງການ ໂດຍເນັ້ນໜັກເຖິງວິໄສທັດລວມຂອງອາເມຣິກາ ແລະ ຍີ່ປຸ່ນ ກ່ຽວກັບພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ວໍຊີງຕັນ ຢັ້ງຢືນວ່າ ຈະພ້ອມກັບ ໂຕກຽວ ປະຕິບັດບັນດາເປົ້າໝາຍລວມ ດ້ວຍວິທີສຳຜັດອີງໃສ່ກົດໝາຍ ແລະ ເຄົາລົບກົດໝາຍສາກົນ ໃນວັນດຽວກັນທ່ານນາຍົກລັດຖະມັນຕີຍີ່ປຸ່ນ Suga Yoshi hide ແລະ ທ່ານປະທານາທິບໍດີຝຣັ່ງ Em manuel Macron ໄດ້ເຫັນດີເພີ່ມທະວີການຮ່ວມມືເພື່ອຫັນວິໄສທັດສ້າງພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງໃຫ້ປາກົດຜົນເປັນຈິງ ລະອຽດແມ່ນໃນ ການໂອ້ລົມທາງໂທລະສັບທີ່ແກ່ຍາວເປັນເວ ລາ 25 ນາທີ ການນຳສອງທ່ານໄດ້ຢັ້ງຢືນຈະເພີ່ມທະວີການຮ່ວມມືເພື່ອຫັນວິໄສທັດສ້າງພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ໃຫ້ປາກົດຜົນເປັນຈິງ ໂດຍອີງໃສ່ທັດສະນະແບ່ງປັນບັນດາຄຸນຄ່າພື້ນຖານກ່ຽວກັບຄວາມເສລີ ປະຊາທິປະໄຕ ແລະ ຄຸ້ມຄອງໂດຍອີງໃສ່ກົດໝາຍ.
ກ່ຽວກັບທັດທະນະດັ່ງກ່າວ ພາຍຫຼັງກອງປະຊຸມອອນລາຍ ບັນດາເຈົ້າໜ້າທີ່ທາງການທູດຂອງກຸ່ມ 4 ປະເທດ QUAD ທີ່ຖືກຈັດຂຶ້ນໃນວັນທີ 25 ກັນຍາ ກະຊວງການຕ່າງປະ ເທດອິນເດຍໄດ້ອອກຖະແຫຼງການ ໂດຍຢັ້ງຢືນວ່າ ບັນດາເຈົ້າໜ້າທີ່ກຸ່ມ 4 ປະເທດ QUAD ໄດ້ຢັ້ງຢືນຄືນໃໝ່ຄຳໝັ້ນສັນຍາມຸ່ງໄປເຖິງການສ້າງພາກພື້ນມະຫາສະໝຸດອິນເດຍ-ປາຊີຟິກ ໃຫ້ມີຄວາມເສລີ ເປີດກວ້າງ ວັດທະນາຖາວອນ ແລະ ກວມລວມ ໂດຍອີງໃສ່ບັນ ດາຄຸນຄ່າ ແລະ ຫຼັກການລວມ ກໍຄື ເຄົາລົບກົດໝາຍສາກົນ.
ຄວາມສົນໃຈລວມຂອງປະຊາຄົມສາກົນ ແລະ ທີ່ຕັ້ງບົດບາດຂອງອາຊຽນ:
ສິ່ງທີ່ໜ້າສົນໃຈນັ້ນແມ່ນ ເມື່ອກ່າວຄຳເຫັນຕໍ່ວົງການສື່ມວນຊົນ ພາຍຫຼັງກອງປະຊຸມເມື່ອວັນທີ 6 ຕຸລາ ທ່ານລັດຖະມົນຕີການຕ່າງປະເທດຍີ່ປຸ່ນ Toshimitsu Motegi ໄດ້ຢັ້ງຢືນວ່າ ຂໍ້ລິເລີ່ມມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ເຊິ່ງຍີ່ປຸ່ນເປັນຜູ້ລິເລີ່ມນັ້ນ ໄດ້ແຜ່ຂະຫຍາຍອອກສູ່ປະຊາຄົມສາກົນຢູ່ໃນລະດັບບໍ່ເຄີຍມີມາກ່ອນ ຄຳຖະແຫຼງດັ່ງກ່າວຂອງທ່ານລັດຖະມົນຕີການຕ່າງປະເທດຍີ່ປຸ່ນ ໄດ້ຮັບຄຳແບ່ງປັນຈາກນັກໄຈ້ແຍກຫຼາຍຄົນ ໃນນັ້ນ ວົງການນັກໄຈ້ແຍກມີຄວາມເອົາໃຈ ໃສ່ເປັນພິເສດເຖິງອາຊຽນ ເຊິ່ງເປັນໂຄງປະ ກອບສຳຄັນຂອງພາກພື້ນມະຫາສະໝຸດອິນເດຍ-ປາຊີຟິກ.
ໃນຕົວຈິງ ເດືອນມິຖຸນາ 2019 ອາຊຽນໄດ້ຮັບຮອງເອົາ “ວິໄສທັດມະຫາສະໝຸດອິນເດຍ -ປາຊີຟິກ” ໃນກອງປະຊຸມ ສຸດຍອດອາຊຽນ ຄັ້ງທີ 34 ນີ້ໄດ້ຮັບຖືວ່າແມ່ນບາດກ້າວຍຸດທະສາດ ເພື່ອແນໃສ່ຮັກສາບົດບາດເປັນໃຈກາງຂອງອາຊຽນໃນການຮັບປະກັນສັນຕິພາບ ຄວາມໝັ້ນຄົງ ແລະ ສະຖຽນລະພາບຢູ່ອາຊີຕາເວັນອອກສຽງໃຕ້ ໃນວິໄສທັດລວມກ່ຽວກັບພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງ ບົນພື້ນຖານກົດໝາຍສາກົນ ສິ່ງດັ່ງກ່າວເປັນການອະທິບາຍໃຫ້ຄຳຖາມທີ່ວ່າ ເປັນຫຍັງກຸ່ມ 4 ປະເທດ QUAD ຍາມໃດກໍເຊີດຊູບົດບາດຂອງອາຊຽນໃນວິໄສທັດກ່ຽວກັບພາກພື້ນມະຫາສະໝຸດອິນເດຍ-ປາຊີຟິກ ທີ່ເສລີ ແລະ ເປີດກວ້າງຂອງຕົນ ຕາມຖະແຫຼງການທີ່ໄດ້ຍົກອອກໃນວັນທີ 25 ກັນຍາ ຂອງກະຊວງການຕ່າງປະເທດອິນເດຍແລ້ວ ບັນດາເຈົ້າໜ້າທີ່ທາງການທູດຂອງກຸ່ມ QUAD ໄດ້ສະແດງຄວາມພ້ອມເພື່ອເຮັດວຽກກັບອາຊຽນ ແລະ ບັນດາປະເທດອື່ນໆ ແນໃສ່ປະຕິບັດວິໄສທັດລວມ ແລະ ມີແງ່ຫວັງໃຫ້ແກ່ພາກພື້ນມະຫາສະໝຸດອິນເດຍ-ປາຊີຟິກ ພ້ອມກັນນັ້ນ ກຸ່ມ 4 ປະເທດ QUAD ກໍໄດ້ຢ້ຳຄືນການສະໜັບສະໜູນຢ່າງໜັກແໜ້ນສຳລັບບັນດາກົນໄກ ໂດຍອາຊຽນເປັນໃຈກາງ ແລະ ອາຊຽນນຳພາ ພິເສດແມ່ນກອງປະຊຸມສຸດຍອດອາຊີຕາເວັນອອກ ໃນໂຄງສ້າງພາກພື້ນມະຫາສະໝຸດອິນເດຍ-ປາຊີຟິກ”.
ສະເໜີເປັນຂໍ້ມູນ.
ໂດຍ: ແນວລາວ