ເພື່ອເປັນການສ້າງຜົນງານຄຳນັບຊົມເຊີຍວັນປະກາດເອກະລາດ 12 ຕຸລາ ຄົບຮອບ 75 ປີ (12/10/1945 – 12/10/20) ວັນຊາດທີ 2 ທັນວາ ຄົບຮອບ 45 ປີ (02/12/1975-02/12/2020) ແລະ ວັນສຳຄັນຕ່າງໆຂອງພັກ ຂອງຊາດ ທີ່ຈະມີຂຶ້ນໃນຕໍ່ໜ້າ ສູນເລືອດແຫ່ງຊາດ ອົງການກາແດງລາວ ຮ່ວມກັບບັນດາກະຊວງ ອົງການຈັດຕັ້ງອ້ອມຂ້າງສູນກາງ ແລະ ພາກສ່ວນຕ່າງໆໃນສັງຄົມ ຈັດກິດ ຈະກຳຮັບບໍລິຈາກເລືອດແບບເປີດກວ້າງເພື່ອຊ່ວຍເຫຼືອສັງຄົມ ຂຶ້ນວັນທີ 23 ຕຸລາ 2020 ທີ່ສູນການຄ້າ ລາວໄອເຕັກ ນະຄອນຫຼວງວຽງຈັນ ຕືກໃໝ່ ຊັ້ນ 4 ແຕ່ເວລາ 08:30-16:00 ໂມງ ພາຍໃຕ້ຫົວຂໍ້: ບໍລີຈາກເລືອດແມ່ນຮັກຊາດ ແລະ ພັດທະນາ.
ດັ່ງນັ້ນ ຂໍເຊີນຊວນພະນັກງານ ທະຫານ ຕຳຫຼວດ ນັກຮຽນ-ນັກສຶກສາ ທຸກພາກສ່ວນໃນສັງຄົມ ແລະ ນິຕິບຸກຄົນ ພ້ອມກັນເຂົ້າຮ່ວມກິດຈະກຳໃນຄັ້ງນີ້ ເພື່ອປະກອບສ່ວນເຂົ້າໃນການເຕີມຕໍ່ຊີວິດແກ່ຜູ້ຕ້ອງ ການເລືອດ ເພື່ອໃຫ້ມີຊີວິດຕໍ່ໄປ ອີກທັງເປັນການປະຕິບັດໜ້າທີ່ພັນທະພົນລະເມືອງລາວ ປະກອບສ່ວນ ສ້າງບຸນກຸສົນເພື່ອຊ່ວຍເຫຼືອສັງຄົມ ເພາະຄົນເຈັບເຫຼົ່ານັ້ນອາດເປັນຄົນທີ່ທ່ານຮັກ ຫຼຶ ຍາດພີ່ນ້ອງຂອງເຮົາເອງ.
# ພາບ & ຂ່າວ: ບຸນມີ